Friday, December 7, 2007

تخاريفي بس حقيقه



احلي حاجه واحلي احساس
انك لما تكون تعبان تلاقي صدر يقدر يشيل همومك
ويتحمل راسك وانتي راميها علي صدره
واصعب شيئ ان الحد ده اللي بترمي راسك علي صدره ده
يكون اول واحد بيقسي عليك
وتحس وتستطعم طعم الاقسوه منه هو
يآآآآآآآآآآآآآآآآآآآآآآآآآآآه
علي ده احساس لما الشخص اللي بتحبه ده يكون هو الاقسوه
احساس غريب اللي يديك الحنان هوهو اللي يديك القسوه بكل مافيها
يحاصرك في منطقه واحده في حياته وفي تفكير واحد
مهما حاولت تخفف من قسوته عليك
مهما حاولت انك تقنعه باانك مش كده وانك ابسط من كده
يبفضل كلامه يلف ويدور حاول الحصار الفكيري والحياتي ده بردو
بتحس انك متكتف مش قادر تتحرك مش قادر تستوعب كل اللي بيدور حواليك
حتي كلامه ليك حتي لو كان فيه حنيه او فيه شيئ من الصدق في انك تفكيرك كويس او اي حاجه من ده بتحس انها مجرد مجمله لانك بترجع عشان ترشحله شيئ جواك
يرجع تااااااااااااني يحاصرك في نفس المنطقه لحد ماتحس انك مسجون
ومش شايف اي طريقه او اي نوع اقناع ممكن تقنعه يبرئك من اللي الحصار اللي انت فيه ده
مش بتلاقي لان اللي قدامك مش سامع ومش شايف غير اللي مقتنعه بيه هو وبس
بس اللي بيكون قاسي ده اكتشفت انه بيكون فيه نسبه الانانيه عااااااااليه قوي
اه ينعم بيكون حنين في بعض الاحيان بس الاقسوه بتظهر الجزء المخفي تحت الحنيه
انا مش قادره استوعب التناقد ده ومش عارفه اتعامل معها
انا عمري مامنعته عن الشيئ اللي بيحبه بس انا برضه علي حد قوله اني بردو من ضمن الاشياء اللي بيحبها
انا عمري ماهقبل اني اكون عقبه في طريقه
بس بردوا عمري ماهقبل بقسوتك دي
ايوه انا بعديها كتييييييير قوي وبجي علي نفسي عشان خاطر حنيتك
بس تاثيرها راح او شبه راح
او بتروح مع قسوتك وجفائك اللي بقي زايد قوي من بعد غيابك
كنت متخيله غيابك ده هيرجعك انسان مليان بالشوق والحنيه
انسان مقدر معني كلامي
كنت فاكره ان غيابك ده والاعقده لوحدك دي
هتكون هي البرائه ليا من الحصار اللي محاصرني فيه
بس اكتشفت انه زوده وبقي اكتر قسوه من الاول
.......حاول تراجع نفسك
دا اخر كلامي من التناقد اللي عايشها معاك

Sunday, October 14, 2007

كلمــــــــا



كلما زاد حبي له
كلما زاد عذابي بيه

كلما ازاد عشقي
كلما ازاد الحنين
كلما ازاد الاشتياق
كلما زادت اللهفه
وكلما وكلما
كل هذا واكثر يزيد
من تاهتي وحيرتي
وعذابي وخوفي
كلما اقتربت مني واحسستني بالامان
ازداد ا حساسي بالخوف من البعد والتعب

وكلما احسست انك بعيد
تحولت مشاعري واحاسيسي الي بركان من الآهات
وكلما احسست انك لم تشعر بي
وانك غائب عني وعن حضني
وانك لم تستوعب مايقوله قلبي
تذهب بي الي اراضي بلا امان ولا دفء
اراضي تزيد من برد
جسدي وقلبي وحياتي بااكملها

فلا تذهب بي الي هناك
ولا تتركني هكذا بين حبي وتفكيري

Wednesday, September 5, 2007

لحظات واوقات وساعات





ساعات كثيره بتمر بدونه
واوقات كثيره بتمر وانا بجواره
وايضا اوقات كثيره بنتلاقي في الاحلام
واحيانا كثيره احسه بجواري يخاطبني ويداعبني بكلامه المعسول
الذي ياخدني من العالم الواقع الي عالم اخري لايوجد بيه سوانا
نضحك ونجري ونلعب نتبدل الكلمات المعسوله
وكلما ينظر الي احس وكاني طفله تخجل من ان تنظر
الي ولدها ...او حتي مراهقه تجهل ماذا تفعل عندما ينظر اليها الحبيب؟
اما في اوقات الغضب
احس وكأن الدنيا تتوقف عند غضبه وغضبي
وعند اخطائي ..احس وكأني تلميذه خائبه
واقفه امام مدرسها وتسمعه وهو يوبخها بكلماته
وتنظر منه ان يقول لها شيئ اخر يكون جميل فيها
وكأنه يتعمد ان يتنسي كل مافعلته من قبل وتأخذه لحظه العتاب لااخطائي ويكون ردي له في اخر مايقوله هو..الم تتذكر لي مافعلته من قبل؟
ينظر لي وكأن ماكان يتحدث ليس هو ويبتسم لي ويقول لي
انني احبك..انني اخاف عليكي من نفسي
اريد ان اخفيكي عن العالم...اما انا فلاتنتظروا مني رد
لان بعد كلامه هذا بتلاشي كل ماقاله لي في غضبه
لانني ايضا ساعه غضبي
هو ايضا يتلاشي مااقوله من غضب وتخاريف من الكلام
وديما ماننهي اي نقاش او تبادل حوار عن اي شيئ
يخصنا بااننا
ليس لينا سوا بعضنا
ويتنهي الكلام باابتسامه وحب وكلام
ننسي بيه ما ورائنا من الالتزمات
وننسي العالم بااكمله ونرمي همومنا
ونرمي كل ماتفوهنا بيه من تخاريف غضب

Monday, August 13, 2007

هو انا ليه كده؟



هو انا ليه كده؟
هو انا ليه قدامك بكون طفله؟
ليه ديما كلامي بيهرب مني اول مابشوف كلمه حنيه منك.....
ليه ديما بغضب منك؟
اعلم انه سؤال يروادك ديما
واعلم بحزنك من غضبي الدائم
واعلم ايضا انك تخفي هذا عني؟
ولا ستعحب لانني اراي مافي بداخلك
واعلم ايضا انك ليس لديك علم لما سبب غضبي الدائم منك
ولكني سوف اعترف لك سبب غضبي....
انه خوف يامن وهبته قلبي.......
لما تنظر لي كلامتي هكذا لما الاستغراب
انه خوفي عليك.....مثل الام التي تخاف علي اولادها
من اشياء كثيره ..ربما بداخلها يعلم سبب هذا ولكن كلامتها او تعبيرها يخونها
في التعبير لهم بحبها وخوفها عليهم ويظهر لهم بشكل الغضب والثرثاء عليهم
ربما هذا بسبب وعدهم لها التي لم ينفذوها.....ربما من تاخيرهم عليها ..
ربما ايضا من عدم استوعبهم بما تشعر بيه ...ربما وربما وربما للاشياء كثيره
لا يعرفها سواها
ولذلك هذا هو غضبي عليك..هذا مااخفيه عليك
لانك ليست حبيبي الذي انتظره مثل اي حبيبه تنظر حبيبها
ولكنك ابني الذي اخاف عليها من غدر الايام ومن عذاب الحيره والتردد
والذي ايضا احب واتمني ان ارها في احسن الاحوال...
هذا هو حبي..........

فهل تقبل بيــــه امــــا لأ؟!؟

Friday, August 10, 2007

وربنـــــــــــا وحشتني



وحشتني
بجد الحياه من غيرك ولا حاجه
وحشاني موووووت
مش هيان عليا الفرحه من غيرك
حاسه انها ناقصه
انا محتاجلك
زي كل مره كنت اجري عليكي واقولك محتاجلك
القيكي بترد عليا النداء
بس المره دي انتي مش سمعاني
هموت عليكي عندي ليكي كلام بالهبل
تعالي بقي بجد كل حته فيا بنده عليكي
انتي عارفه ان ماليش حد غيرك
كل الناس انتي
كل العالم انتي
اللي عملتني الصبر انتي
بس الاسف مش عملتني الصبر علي بعدك
والمصيبه اني مش عارفه عنك اي حاجه
خايفه عليكي
قلقانه عليكي
هموت عليكي
نفسي اطمن عليكي
نفسي اشوف ضحكتك واسمعها
وحشني البتي فور منك قوي
او بمعني اصح اسمعها منك
تعـــــــــــالي بقي وحشتني
وحياه ربنا وحشتني قووووووووووي
حاسه ان الحياه مالهاش اي معني من غيرك
تعالي بقي طمنني عليكي طيب
ماانا مش عارفه اوصلك ولا عارفه فين ارضيكي
يارب تكوني بخير
يارب يكون غيابك ده عني وعننا كلنا خير
يارب اسمع عنك خبر خير
اخر كلامي مع ان جوايا كلام بالهبل ليكي
بس للاسف لازام يكون نهايه للكلام
وحشتني اوي ياروبــــــــي
قصدي ياميس رحـــــاب
وبحبـــــــــك قوي يارحاب

Monday, August 6, 2007

سامحوني



انا زعلانه اوي بجد لاني كتبت كل الشهر
علي اجزاء وانا من غبائي مسحتهم وانا مش اخده بالي
علشان كده هختصرها يعني مره واحده بس
الأجازه كانت تحفه وحصل فيها حاجات كتيره اوي
بس الوحش ان شنطتي ضاعت ورجعت قبل ماارجع هولندا بيومين
بس قضيتها حتي لو ايه يعني طبعا عملت معايا شويه مشاكل في الماديات
بس علي مين روحت واشتريت لبس وقلبت لبس من اصحابي وخالتي اللي هي صاحبتي اوي
وكانت الحياه حلوه يعني سافرت وروحت وجيت وهيصت يعني
بس كان فيها شويه نكد لان امي تعبت مننا هناك وكنا كل شويه عند دكتور شكل
بس علي مين برضه ماخليتش اي حاجه تاثر علي الاجازه
وصاحبه عمري "ايمان"اتجوزت وفرحها تاني يوم وصولي وماكنتش اعرف انا
هلبس ايه بس دبرت نفسي يعني تمام اوي برضه
وصاحبتي اتكتب كتابها
واخت صاحبتي وهي تعتبر صاحبتنا حضرت تنجدها وجوزها كان يوم سفري
وقبلت اصحاب ليا كان بقالي زمن ماشوفتهمش
واتصحبت علي ناس جديده ولذيذه جدا واكتشفت ان مش انا لوحدي
اللي طلعت هبله وطيبه وعبيطه وبس طلع في مني بالهبل وعملت صداقه حلوه بيني وبينهم
وربنا يديمها يارب
والاجازه كلها طبعا قضيتها في بورسعيد طبعا +اني سافرت القاهره علشان الشنطه وشويه
شوبنج ليا وماما وخالتي وبابا يتفرج علينا هههههههه
بجد بورسعيد دي اجمل بلد في العالم
بجد سامحوني علي الوعد بس بجد والله كتبت الشهر كله بالتفاصيل الممله كمان وقولت هنزلها
شويه بشويه بس بقي النصيت وغبائي بجد كنت برتب عندي ومسحتهم وانا مش اخده بالي
بجد سامحوني وتتعوض الجيات احسن من الريحات
صحيح انا مش قادره انسالكم كلكم علي سؤالكم عليا وانا مش موجوده
والناس الجديده والقديمه اللي بيحبوني وانا بحبهم كلهم دون استثناء حد بجد
وربنا يخليكم ليا يـــــــــارب
ووحشتوني مووووووووووووت

Sunday, July 29, 2007

انــــــــــــــــــــــــــــا رجعـــــــــــت
انتظـــــــــروا شهر كامل هيتقالكم انا عملت فيه ايه بالظبط
وبـــــــدون كدب
وحشتونـــــــــــــــــــــــــــي

Tuesday, June 26, 2007

best of





النهارده اخر يوم ليا علي البلوج وممكن ادخل وممكن لا
بس في واحده صاحبتي ان شاء الله هتبقي تاخد بالها منه عقبال ماارجع من الاجازه بتاعتي
وعلشان مش اوحشكم فا عملت best of
ده علشان تفتكروني وتقسموها بقي اللي حابب يرد عليا كل يوم علي موضوع شكل
وعمتا ده هيخليني اشوف اذا كنت بجي علي بالكم ولا تؤ
بتمني انه مايكونش تؤ!!!وياريت انكم بجد تكونوا دوما هنا علشان لما
ارجع مااحسش اني غيبت عنكم

..............يلا نبداء



2-احببتــــــــك



3_اشتريت محفظه



4_فكرت في البلوج النهارده



5_the end



6_اغنيه تشبهني



7_قريت خاطره



8_مجهول



9_معليــش



10_تخاريفي



11_انتظــرك



12_كفـايااا



13_....حب



14_شهوه الحنين



وعيشوا بقي معايا وانا مش موجوده
واللي يعجبه موضوع ياريت يبقي يرد فيه مش هنا
كأنه بوست جديد انا منزلها علشان احس اني فعلا معاكم

Thursday, June 21, 2007

فلسفه الحب




اخر مااكتشفته من تفكير في الحب
ان كل واحد فينا وله تفكيره وتصوره للحب اللي عايز يعيشه
بمعني ان كل واحد فينا وله فلسفته في حبه
بمعني تاني او بمثل
ان كل واحد فينا اكيد حب وبيحب وبيحصل مشاكل بينه وبين
الشخص اللي بيحبه السبب بقي مش في اللي بيحصل
سيبك من العوامل او الاسماء المعروفه بأسم
الغيره والاخلاص والخيانه ومش عارفه ايه
كل ده بيتحط تحت بند فلسفتك لحب بنظريتك انت
يعني في ناس بتسيب حبايبها ولما بتسيبها بتقول احيانا
اسباب واشياء الشخص اللي قدامه مش قادر يفهمها
ليه بقي لان السبب الحقيقي ان لا انت ولا الشخص الاخر
عارفين تعرفوا فلسفتكم لبعض
هو ده السبب الاشخاص اللي بجد ناجحين
هما اللي قادرين علي انهم يعرفوا لفسلفتهم للحب لبعض
وكل شخص فيهم اقنع التاني بنظريته للحب وفلسفته لبعضها
اما بقيت الاسباب والمبررات التانيه بتيجي بعد ده
بس اللي اكتشفته بجد ان السبب الحقيقي ان كل واحد فينا
وشايف الحب علي طريقته ومش شرط ان الشخص اللي ارتبط
بيه هيقتنع بوجهه نظري في الحب والعكس صحيح
فاانا قصدي ايه من اللي بكتبه
ان ماحدش يزعل علشان ساب حد بيحبه او كان بيحبه
مش ماتزعلش بس ماتضايقش ان الطرف التاني مافيهش فلسفتك
يمكن الغلط منك انك ماعرفتش تعرفوا عليها والعكس صحيح
بلاش بقي تبصوا نص الكوبايه الفاضيه لان المليان كتير اوي
صدقونــــــــــــــــــي

Saturday, June 16, 2007

تاج هادئ



انت مين؟

لو سالتك انت مين تقولي مصري ابن مصريه
ا
نا بنوته مصريه عاديه جدا وبسيطه جدا ورمانسيه جدا متغربه عن اهلها واصحابها وحياتها
مين اكتر6 اشخاص بتحبهم؟
مممم كويس انهم 6 عندك ياسيدي اولهم طبعا ماماتي
وجدتي وخالتي ورحاب ومريم بنت خالتي

انت سعيده؟
مش عارفه قصدك ايه من ناحيه السعاده لان كل حاجه وليها سعادتها
وانا كده بحاول اشوف الحاجه سعيده ولمصالحتي يعني بس تملي بيكون العكس
واي حاجه بيجبهالنا ربنا اكيد فيها فرحه وسعاده احنا اللي بنخلق الحزن والجرح
لو اجتمعت انت وحسني مبارك في غرفه واحده؟
هقوله البعيد اعمي مش شايف اللي بيحصل حواليك هقوله افرض نفسك مكانهم
كنت هتعمل ايه في اللي بيحكم فيكم ومخليكم كرهين الحياه
هقوله لو حسيتهم وقدرت تشوف وتشيل الغشاوه اللي علي عنيك وحكايه ياسياده الريس عايزين يغتلوك والكلام اللي مالوش لازمه ده حاول انك بقي تحصل اللي اتكسر دا لو عرفت وهقوله اعمل الدنياك وكأنك تعيش ابدا واعمل لااخرتك كأنك تموت غدا

لو معاك مليون ونص جنيه تعمل بيهم ايه؟
اشمعنه مليون ونص يعني ليه مش 2 مليون يعني ماعلينا مش هنختلف في الارقام
هحاول بقدر الامكان والميزانيه اللي معايا اعمل اي مشروع ياخد عدد من الشباب
ويشتغلوا بدل اللي هما فيه
بتحب مصر؟
اكــــــــــــــــــــــــــيد
بحبها لما كنت فيها وبحبها اكتر لما اتغربت عنها

بتحب الشباب ؟
ههههههه
اكيد يعني بحب يعني الشباب وبحب صدقتهم جدا لان
صدقتهم بالذات مع البنات بتكون صدقه مافيهاش اي دوافع
وبتلقي الولد بيقف جنب زميلته بجد من قلبه انا بصراحه ماليش صداقه مع حد وفشلت
الحمد الله كلها ناجحه بيحكولي وبحكلهم اما بقي من ناحيه الحب والكلام ده حصلت مره
ومش ندامه عليها لان كانت احلي قصه في حياتي وبعد كده يعني او التجارب الفاشله بتاعتي كانت بتتعبني مش اكتر مش عارفه عندي مع الشباب نكون اخوات واصحاب بتمشي تيجي عند الحب وتزمزء مش عارفه ليه

انت مسلم؟
الحمد الله مسلمه
ليه؟
من غير ليه ماحدش بيختار دينه يعني بنتولد علي الديانه اللي عليها اهلك
وبحمد ربنا اني مسلمه والحمد الله اني اتولدت علي الدين ده وكفايا اني بفتخر اني مسلمه

مين اكتر شخصيه ماتقدرش تستغني عنها في حياتك؟وليه؟
امي ست الحبايب
امي دي صاحبيتي واختي وحبيبتي ماقدرش استغني عنها
علشان انا لما فتحت عيني لقيتها هي اللي بتدافع عني هي اللي بتفكر معايا
هي اللي بتسند عليها لما بقع او بحس بتعب وهي اللي بغضب منها وبتضايقني
بس عمري ماشيلت منها لانها امي مش عارفه امي اصلا عندي حاجه مش عاديه
ولو فضلت اقولك ليه مش هخلص ياسمير

ايه اكتر موقف محرج اتعرضت ليه في حياتك؟ واتصرفت ازاي؟
مممم ..انا بتعرض كتير لمواقف محرجه في يومياتي في مواقف بقدر اتصرف فيها
وفي مواقف لا يعني بيكون احسن اني استلزم الصمت بس هقولك اقرب واحد يعني
المفروض اني كنت اعزم اصحابي في الكليه عندي علي سندوتشات وانا عملت سبع راجله في بعض وانا ناسيه خالص اني ماعيش فلوس في المحفظه بتاعتي
وبعدنا مااختارنا واشترينا لقيت الفلوس الفكه اللي معايا ماتكفيش وماعملتش حاجه مافيش هنا مكنة البنك اللي بتسحب منها فلوس وانا فلوس كلها في الكارديت كارت بتاعتي المهم ولاحاجه قوتلهم كملوا انتم وعليكم انتم يعني موقف عدي وكويس انه جيه في بنات اصحابي مش في اولاد يعني وعدي يالليله
ايه الامنيه اللي بتدعي ربنا دايما انه يحققها لك؟
انه يسترني ويثبتني علي دينه

تمرر التاج ده لمين؟
مممممم عندك ياسيدي
رحـــــــاب
وهـــــــبه
ويويو
ودندونه
ميمو

وكل اللي عندي همرروا ليهم يعني
وكل اللي يدخل عندي ماهي تدبيسه اصلها

Friday, June 1, 2007

بحبكم وربنا يخليكم ليا



هتكلم عن 3 شخصيات في حياتي
يمكن الاحتكاك بيهم مش قوي رغم انهم ناس قربين مني جدا
بس اثروا فيا رغم عدم الاحتكاك الدائم مابينا
مش ابداء باانهو واحد فيهم بس هاخدهم بالاكبر سنا
ً



اولهم بالسن وبالقرب جدي ابوه امي
الشخص ده انا اتربيت في حضنه هو مش عارفه اقول عليه ايه
عليه طيبه ماشوفتهاش علي حد لو حد كان سالني في يوم
طيبتك دي جيبها منين كنت هقولهم منه هو
تفتخر بجد ان شخص زي جدي ده يقربلك لو مشيت معها في الشارع
كل الناس تحبه من اول الغفير لحد الرئيس زي مابيقوله بيحترمه
شغله كان كله رشاوي عمره مامد ايديه لااي رشوه هتقوليلي عرفتي منين
لو كان جدي من الناس اللي بتقبل الفلوس من الشكل ده مااعتقدش ان ده كان
هيبقي حاله او كان زمانه بعد المعاش فاتح محل او اي حاجه من الفلوس
بس هو كان مرتبه وبعد ماطلع علي المعاش بقيت مكفأته والمعاش وبتاعه
الراجل ده بيحب الشغل بطريقه انا ماافتكرش مره اخد يوم اجازه حتي لو كان تعبان
انا جدي جالوا المرض من ساعه مابطل شغل تقريبا بس هو من بعد ماطلع علي المعاش
مابطلش شغل برضه كان بيروح الجمرك اصلي جدي كان مدير مخازن الجمارك
مش عارفه اقولكم ايه هو اللي عملني الصلاه لما كنت اتلكع عن الصلاه
كان بيجري ورايا وياخدني ويخلني اتوضئ ونصلي سواء
بالذات في رمضان كنا نصلي العصر واجري في حضنه لحد المغرب
وغير رمضان كل يوم جمعه استنها في الشباك لما يرجعلي بطلي المفضل كل يوم
جمعه بعد الصلاه اذا مااخدنيش معها اصلي يجبلي القصب والفاكهه
واول مااشوفه علي اول الطريق اجري انزل 5 ادوار علشان اشيل منه القصب والفاكهه
اي حاجه تانيه كنت ببقي واطيه اوي معها صراحه يعني وكان لما يجلي تليفون من الحبيب علي الموب او البيت ويجي جنبي كنت ببقي في نص هدومي عمري ماخوفت منه
قوله الحقيقه وانت تاخد عنيه بس حقيقه ايه اقوله ان في راجل بيكلمني كنت بكدب بصراحه اقوله واحده صاحبتي ومافيش جملتين واقوله انت بتهرج يقولي صاحبتك برضه
ويسيبلي المكان ويمشي كنت اقفل في ثانيه واروحه اقوله اسفه يبتسملي ويقولي صلاتي المغرب اي حاجه لو فاضله اقوله الحمد الله انا لو اعقدت اتكلم عن جدي
من هنا لتاني يوم مش هخلص وعلي مواقفه اللي اتعلمت منها الاحترام لكبير
اني اعرف كلمه اسفه تتقال امته علمني حاجات كتيره ممكن تشوفوا كلامي تفتكرونا قربين بالعكس احنا علي قد السؤال بس رغم ده كله اتعلمت لما كنت بكبر بشويه وبشويه
فهمت كل اللي هو كان بيوصلهولي
اخر حاجه هقولها بحبـــــــــــــك اوي ياجدو وربنا يديك الصحه وتعشلي ديما



تاني شخص ده يالله علي حنيه قلبه
مش ممكن مش قادره اقولكم عمي ده اطيب قلب في العالم كله
انا عمي ده للاسف بقالي 7 سنين مش شوفته
بس انا اتربيت معها برضه كان لما يجلنا زياره عندنا واعرف
تاني يوم تلقوني عملت نفسي عيانه علشان اعقد في الشارع استنها لحد مايجي
لو ماكان يتاخر كنت اعيط علشان هو اتاخر او مجرد انه ممكن مايجيش
اول ماكان الباب يتفتح ويطلع هواء وانا كان عندي 6 او 7 سنين هو ايه قمر كده
طول بعرض كنت اتسلق عليه علشان اعرف ابوسه وهو طول ماهو عندنا
اعقده علي حجره وكنت استنها برضه علشان يجبلي الحلوه من المنصوره وهو جاي
اتعلمت من الشخص الحنين ده الحنيه وعدم الظلم وان اللي يظلم حد اكيد هتدور الايام
وهيحس بالظلم ويدوق طعمه وعملني حاجه بحمد ربنا عليها اني مااتكلمش علي حد من
وراها او اني اعقد علي حد في الكلام او اكسب حد علي كلام حد تاني وبالذات لو الحد ده
بنت ياخبر لما كان يسمع عمتي ولا امي ولا جدتي ام وابويه بتكلموا علي بنات حد او
عن اي ست يتعصب وممكن يقوم ويسيبلهم البيت وكمان مابيحبش الحال المايل
بس بعد الغيبه الكبيره دي كلمته من 4 سنين علي الفون وكنت عند عمتي
في صوته حسيت انه بيعتبني

قالي:ازيك يابت وحشاني يخربتك ويخرب بيت ابوكي

قوتله:كده ياعمي دا انت وحشاني

قالي: بقيتي بكاشه اهو كبيرتي وبتعرف تتكلمي الله يرحم اللي ماكنتش بتنبان من الارض
قوتله: كده ياعمي بدل ما تستر عليا وبعد احترس كل من اقترب من الارض
رد عليا بضحكه كانت وحشاني اوووووي
لو اعقدت بردوا اتكلم عنك يااحلي عم في الدنيا مش هكفي
هقولك كلمتين
اسفه لاني مقصره معاك بس صدقني عمرك ماروحت من بالي مااعتقدش حد عنده
عم زيك بطيبه وحنيه قلبه ويقدر ينسها حقك عليا وسامحني
والكلمه التانيه وحشتنــــــــــــي ونفسي اتسلق عليك زي زمان ياريتها تعود



الشخص التالت مش عارفه اقول عليه اي
استاذ في تكبير الدماغ رمز للرومانسيه وللحب اللي من ايام الخرفات
مش عارفه اقولك عليه يا خالوا خالي ده عملني يعني ايه حب
مع ان انا وخالي مش عارفه اقولكم ايه عليه بجد
هقولكم قصته خالي حب مره واحده في حياته ولسه لحد الان
عايش علي الحب ده حب زميلته في الكليه وجدتي رفضتها وبعد ماوافقت عليها
اهلها رفضوا ياسبحان الله هي اتجوزت وخلفت وعاشت حياتها وهو عايش
بين الاطلال يمكن انا اخده منه اني باين اعيش بين الاطلال زيه
عملني من غير مايقصد معني الوفاء للحبيب رغم بعده
عملني يعني ايه حب من القلب اللي صعب حد يقدر يدخل حياته تاني
يمكن ناس كتيره تشوفه دا هبله وماحدش كده في الايام دي لا فيه"خالي"
خالي ده رغم العزله مع الكتب والشغل بتاعه صحيح نسيت اقول
اللي حببني في القراء خالي واللي خلني اعرف اقري وافهمه هو
بدون قصد بردوا خالي ده مابيحب حد يهين حد بمعني
يعني لما كنت صغيره كانت ماما بتحب تملي تعزف عليا
ايه ماتضحكوش كلنا اكيد واحنا صغيرين اتعزف علي جسمنا بالهبل يعني
فا كان خالي المدافع عني اول ماالقي ماما هتقوم تعزف اجري علي الاوضه بتاعته واستخبي والله خالي دا سكره كان بيعزف عليها هو بقي كلام من اللي قلبكم يحبه ويديني
جنيه بحالوا اشتري ايس كريم وكمان مصلجي خالي ده علشان كمان اجبله علبه سجاير من تحت عملني برضه في حكايه انزل اشتريله سجاير دي اعقد فتره
عودني انه يديني اي حاجه 50 قرش جنيه علشان انزل اجبله علبه السجاير
وبعد فتره منع كنت بزمزء من الحكايه يعني لاني اتعودت بس كنت ساعات
ببقي بجحه واقوله مش هتديني حاجه اشتري حاجه حلوه يقولي والله مامعايا
لما كبرت فهمت ان اللي قدامي في كل الاوقات هيديني زي ماانا عايزه
في اوقات هيكون فيه واوقات لا مش عارفه اقول ايه تاني عليه
بس يعني هقوله رغم عدم احتكاكنا الدائم بس انا بحبك برضه ياخالوا
رغم العزله اللي انت فيها نفسي تخرج منها بقي كفايا كده



في النهايه وليست النهايه انتم خلتوني اعرف اربي نفسي وافهمكم
مع كل اللي حصلي اتعلمته بنفسي مش حد جالي وقالي كده ومش كده

Tuesday, May 29, 2007

احساس جديد وغريب



انا النهارده حاسه اني سعيده
فرحانه مش عارفه من ساعه مارجعت من الدارسه بتاعتي
وانا مبتسمه كده وفي الشغل اعقده عامل اضحك
وحاسه ان جوايا طاقه حب فظيعه
عايزه امشي اقول لناس انا بحبكم
في ناس هتفتكر ان في حد جديد دخل حياتي
بس والله ابدا انا زي اما انا لا حبيت ولا ارتبط ابدا
لسه زي ماانا بس حاسه بطاقه جوايا من الحب والسعاده
ممكن تكفي العالم كله مش عارفه ايه الاحساس ده
رغم اني مستغربها بس حابها اوي
حاسه اني لسه مراهقه
او
حاسه اني رايحه اقابل حبيبه مثلا ونفسي البس احلي لبس عندي
نفسي ابقي اجمل بنت في العالم
حاسه اني مكسوفه وايديه متلجه من الكسوف
مش عارفه ياجماعه اللي انا فيه ده توديع لمراهقه ولاايه
انا قربت اكمل 21 سنه يمكن اللي انا فيه ده توديع لمراهقه خلاص
ولاايه مش عارفه بجد كل الاحاسيس الحلوه اللي كلها حب
جالي علي اساس ايه مش عارفه
بس انا فرحااااااااان وسعيده اوي
وحاسه ان شاء الله ربنا هيديمها عليا
قولوااااااا ورايااااااااا
آآآآآآآآآآآآآآآمين

Saturday, May 26, 2007

الي حيرتي

كلنا بنمر بحيره في حياتنا منا مايمر بيها يوميا ومنا كل حين والاخر
ولكني من فتره وانا امر بيها ربما يكون يوميا لكن ماوجدته عندي بمحو الصدفه كانت
من فتره زمنيه ليست طويله ولكنها بعيده تذكرت مواجهتي لحيرتي لحظتها لكني الان وفي حيرتي الذي امر بيها
اليوم لااقدر علي مواجتها ولكن ماتروا كانت مواجهه من فتره





حيرتي ..انني اعيش معاكي منذ فتره ولااعرف!! الي متي سأظل؟
معاكي ولكني لا اشعر باايتها امل لا اشعر..بالراحه من الحير ومن القلق..ياحيرتي..احس بالعذاب احس وكان نار او بركان يغلوا بداخلي..ولكنني لا اعرف!! لماذا؟او الي متي ستظل؟
ولكن اريد ان ارتاح من العذاب والحيره ايضا
ولكن قلقي يقلقني بكثير وشعور بعدم الامل يأثرني ويحاصرني
يحاصر تفكيري ويحاصر ايضا مشاعري واحاسيسي
بالله ياحيرتي لا اعرف!! لماذا اكتبلك؟وماذا اكتب لكي؟
لان مابداخلي اكبر واعمق من الكلمات التي اكتبها بيدي
وشعوري بعدم الارتياح وعدم الاستقرار يعذبني
احس ان مشاعري وتفكيري يهربون من عقلي!!
ولا اعرف!! ماذا افعل؟
وفي النهايه اريد ان اسالك سؤال واعلم انني لم يتجاوب عليا
ولكني اريد ان اساله ليكي يرتاح قلبي...
ماذا افعل ياحيرتي بالله عليكي ماذا افعل؟

Friday, May 18, 2007

اخ منكم يارداله



بيقول لو في مشكله بين ولد ولد
دور علي البنت وهتلقيها هي السبب
لو لقيت الراجل زعلان مع حبيبته او مع مراته
تبقي السبب هي مش هو
ياسلام عليكم يارجاله
طب مابرضه لو دورنا علي سبب زعل البنات من بعض
هنلقيها بسبب رجاله
لما تبقي واحده بتحبك وانت بتبص لصحابتها وتخليها تشك فيها قبل منك
لو تبقي متجوز وتبص لصاحبه مراتك وهي عندكم في بيتك
لما تبقي الست هي وصاحبتها اصحاب موووت وتبقي علشان البت عامله حاجز
بينك وبينها تبداء تقلب عليها وتقولها ماتكلميهاش تاني
والبنت لو سألتك ليه هتقولها اهو كده اصلها مش مؤدبه
هي برضه وتخلي الاصحاب بيعدوا عن بعض
ومافيش سنه او اقل وكمان انت اللي هيكون من جواك
مخلصها وتسيبها بعد ماسابت صاحبتها
وتخليها تخسر كل حاجه وتجي علشان ترجع العلاقه تاني تلقيها باظت بسبب الولد
ولا لما تبقي عديم الاخلاق وتروح ترسم علي واحده انت مش معجب بيها وممكن
تكون اصلا مش طايقها علشان توصل لصاحبتها
يبقي مين سبب المشاكل اصلا
الرجاله اخ منكم يارجاله
اه انا عملتكم بوست وبشهد اننا من غيركم ولا حاجه
بس زهقت من جمله ابحث عن المرأه وراء كل مشكله
ياسلام كان

الاجاله ملايكه عايشه علي الارض
واحنا ابليس اللي عايش علي الارض
بنوقع الدنيا كلها في بعضها
فا بلاش بقي نعلق اخطأنا علي الستات
لان كل مشكله ولها
فاعل ومفعول
مش الستات هي السبب دا الجهل ده
معصبني يارجاله بجد

دا احنا ملايكه الارض

Wednesday, May 16, 2007

تاج مفاجئ




جالي تاج مفاجئ

من سمير او ابو سمره اصحابي بيقولي انتي دكر علشان تقولي لولد كده

بس ماعلينا انا قبلت الهديه او التاج

واهو بجد انا رديت بكل صراحه


احب شخص لقلبك في الدنيا؟
والدتي اساسي يعني
لانها صاحبه عمري او زي ماهي تملي تناديني ياصاحبه عمري
ربنا يخلهالي يارب

انسان مستعد تضحي بحياتك,ركز في كلمه حياتك,علشانه؟
هي امي اللي ممكن اضحي علشانها كتير
وضحيت بس طبعا مهما ضحيت انا في حياتي مش هقدر ارضلها
مش بهيس وربنا انا بقول الحقيقه اني ضحيت بحياتي تقريبا علشانها

انسان كرهته لدرجه الجنون وتمنيت لو تمسك سكينه وتنقض عليه وتغرزها في قلبه وتقتله وتقف تبص لجثته وتشفي غليل قلبك؟
ممممممممممم السؤال ده مسوس شويه
بس هي حصلت جوايا كان نفسي اقتل اتنين بصراحه مش واحد بس
وكنت بحلم بواحد منهم لفتره اني فعلا بقتله وكانت ايام سوده
بس الحمد الله استغفرت ربنا وكنت قبل ماانام اصلي كده وكنت باخر العشاء علي مااقدر علشان انام وبس انا مش قتلت قتله بس مش بحب حد ياكل حقي ومش بحب حد يظلمني ولا اظلم حد ولا بحب كمان حد يظلم قدامي بموت وبس

ماهو:اسم اجمل كتاب كتبه بشر قرأته ومحتفظ به حتي الان؟
انا بحب القراءه جدا وبحب الرويات اكتر فا قريت كتير
بس من ساعه ماسيبت مصر وانا يعني بحاول اني اعوضها باني بقري علي النت
اي حاجه بعمل سيرش علي حاجات كتيره بس الكتاب اللي معايا واشتريته
هي رباعيات صلاح شاهين وعندي علي الجهاز كمان

اهم جهاز منزلي انت متعلق بيه او بتستخدمه كتير؟
هو الاول كان التلفزيون والكاست
دلوقتي بقي تلفزيون وكومبيوتر

مكان تحس بالراحه عندما تدخله؟
التوليت مش هو بيسمه مكان الراحه برضه
بهيس اكيد اوضه النوم بتاعتي

شئ تحس بالراحه النفسيه عندما تنظر اليه؟
مكان ليا علي البحر عندنا في بورسعيد
صخره كده بروح هناك ارمي كل همومي وتعبي بحس اني مرتاحه اوي هناك
بكون انا بالمعني

مكان تحس فيه بالحنين الي شئ لاتدري ماهو وذكريات جارفه الي لاشئ؟
الشباك بتاع بيت تيته بحس بالحنين ليه اوي
وشارع بتاع بيت تيته بحس بالحنين ليه اوي برضه
وبيتها بحبه اوي رغم ان في ذكريات حلوه بردوا فيه ذكريات قاسيه كانت عليا اوي
بس برضه رغم ماهو فيه انا بحنله كانت هتبيعه انا عيط لما كنت في الاجازه
وحسيت ان حته مني هتروح بس الحمد الله رجعت في رائيها
وطبعا بحن للمدرسه والشقاوه بتاعتي

اجمل مدينه زرتها داخل مصر؟
بعد بورسعيد يبقي شرم الشيخ
اجمل مكان طبيعي رأيته في مصر؟
بعد المكان بتاعي برضه في بورسعيد
يبقي شاطئ في شرم الشيخ اسمه بيت القرش فظيع مكان علي قد ماهو مرعب بس
جميل جدااااااا

شخصيه كرتونيه بتحبها؟
شخصيه واحده ياخبر دوال كتير اوي
عندك بابار وعندك باباي وعندك ماسنجر وعندك السلاحف
وعندك المحقق كونان وعند مغامرات مارتن وعندك كتب ميكي
دا مجنون حاجه اسمها كرتون دا بجننهم عندنا في البيت هنا
بنسي فيها انا سني وبنسي فيها نفسي وبحس اني رجعت اميره البيت العيله اللي بتجري في كل ركن في البيت وعامله هيصه علي الفاضيه والمليانه

نوع هاتفك المحمول؟
nokia n91
سرعه البروسيسور جهازك؟
هي الكلمه دي موجوده اصلا في الكومبيوتر
بصراحه وبدون فشر انا ماليش في التعمق الجامد في التكولوجيا
هي يادوبك بدخل الماسنجر بتاعي والبلوج واعمل سيرش علي اي حاجه وخلاص
غير كده افقه شئ

حجم ذاكره,هارد,جهازك؟
ماقولنا بلاش احراج
مااعرفش وربنا

المساحه التي تشغلها المواد الاسلاميه علي جهازك؟
انا عندي علي الجهاز مصحف كامل
دا غير الآيات اللي انا محملها علي الجهاز عندي
وعند الآذان علشان الصلاه
وقدر انت بقي المساحه

نفس المساحه السالف ذكرها في قلبك الاجابه لنفسك علشان الرياء يااخواننا؟
اكيد لأ يعني وبعدين حبنا ليه الحب الوحيد
اللي مش بتقدر تحدده مساحته لان هو اللي خلق في قلوبنا معني اسمه الحب

اهم هدف انت واضعه لحياتك الآن؟
اني انحج في شغلي ودراسه اللغه اللي انا فيها
واقدر اخد الدبلومه في الشئ اللي انا بحبه اللي مقدرتش احققه في مصر
احققه هنا مع الذكر اني هكمل حلمي اللي سيبته في مصر مهما طال الوقت

مواصفات فتي الاحلام بالنسبه لك؟
هتصدقني لو قوتلك انا عمري ماحلمت بفتي احلامي
بس لو موصفات
يبقي اولا انسان حنون وطيب
وفي نفس الوقت شخصيه قويه
يبقي انسان عميق يقدر ياخدني من عالمي لعالمه
انسان يقدر يقتحمني ويقتحم احاسيسي ويقدر يحسسني بالامان والراحه
حاجات كتيره مش ممكن احددها في بعض كلمات
دي حاجات اول ماهشوفها واحسها همسك فيها باايدي وسناني زي مابيقوله
وطبعا يبقي دمه خفيف اهم حاجه دي

*******
:صف الآتي
شعورك لما بتسمع كلمه مصر؟
انا لما اتغربت حسيت بقيمتها بجد
لما حد بيسالني عليها او يقول اسمها بحس بفخر
وببقي عايزه اعقد اتكلم عليها لمده سنه كمان
انا عمري ماتخيلت اني ابعد عنها بس لما بعدت بقيت عامله زي السمكه
اللي بره المايه بجد مصر كلها امان ودفئ رغم كل الصمت اللي جوها بس
هيجي يوم ونفجر ونبقي احسن الناس

شعورك لما بتسمع كلام عن اليهود؟
انا اول مابسمع اسم البلد ده بحس بمصيبه جايه اول سؤال بيجي علي بالي
عملوا ايه تاني في فلسطين ؟
يعني تحس بااسم بلدهم بان في مصيبه جايه علي حد

شعورك لما بتشوف ضابط شرطه؟
بحس ان في شخص غبي واقف قدامي
منفوخ علي الفاضي علشان البدله اللي هو لبسها ولا الرتبه اللي هو فيها

شعورك لما بتشوف كناس عجوز في الطريق؟
بحس ان قلبي وجعني بجد لما حد عجوز واقف بكنس في الارض
وهو اصلا مش قادر يصلب طوله

افكارك تجاه شاب ماشي في الطريق يلبس جلابيه بيضاء وقصيره وعمامه وله لحيه وبجيبه السواك وبيده المصحف ؟
بصراحه انا بخاف منهم بحس انهم ممكن يتهور زي مابنشوف وبنسمع عنهم
وبحاول اني اتجنب اي موقف ممكن اكون معاها فيه يعني اكون راكبه مواصله او حاجه وهو يبقي فيها ببقي مرعوبه بجد
احساس يراودك في اشاره المرور مغلقه بسبب مسئول كبير؟
بحس اني مخنوقه
وبقول بصوت عالي طب افرضوا في حريق في بيت ولا في حد تعبان
هيعدوا ازاي بسبب المسئول ولا مش مهم لما يموتوا

الحمد الله انه خلص بسلام
هبصي التاج ده
لروبي
هبه
يويو
دندونه
ميمو
وربنا معاهم ومعانا



Thursday, May 10, 2007

تذكرتك



تذكرت كل لحظه عشنها سواء
تذكرت حضنك الذي لم ارتمي فيه لحظه
ولكني كنت اترمي فيه كل لحظه ولكن بحنانك وبخيالي
اتذكر قبلتك لي في الصباح وفي المساء
وايضا التي لم تحدث سوي في خيالي
اتذكر ايضا ملامحك عندما كنت تركز في قراء مااكتبه لك
واحس انني كنت اقوله ليس عبر اسلاك ولكني كنت اقوله بين يديك انت
تذكرتك عندما كنت تغمض عنيك عندما نكون جالسين سويا
ولكنك لاتعلم انك عندما كنت تغمضها كنت تغمض معك نور حياتي
الا وهي عنياك السود الذي كنت اغرق بداخلهم بدون علمك
كنت اغرق في عمقهم الذي كان يصل شعاعه الي قلبي بدون سابق انذار
كنت اغرق في تلك الدمعتين الساكتين الصامتين كنت احزن عليك ولكن
كنت منبهره بقوتك علي تحملها وبصبرك عليهما
تذكرت ايضا ابتسامتك الله علي ابتسامتك
كانت تاخدني الي دينا مليئه بأزهور الربيع والسماء الصافيه
وتذكرت احلي ضحكه طالعه من القلب كانت ايضا تاخدني لعالم اخر
ماليئ بالمرح والفرح كانت اسنانك تعكس ضوء الشمس الساطع من قلبك
تذكرت بروده يدي التي كانت تنظر دفئها من يديك كنت احس بقلبك
عندما كانت يدك تلمس يدي كنت اشعر ان قلوبنا هما الذي في احضان بعضهما
تذكرتك وانت تكشف كذبي عليك عندما لم اريدك ان تقلق علي
ولكنك كنت تقرأ مابدخلي بدون ماشفاتي تتحرك كانت عيوني تفضحني
انا ايضا لااقدر علي اني اخبي عليك شي لاني كنت بهرب من كل العالم
واتي اليكي واتي الي عالمك لكي ارتاح واترمي في احضانك
تذكرت نظرتك لي عندما اكون متزينه لك او حتي من غير زينه انني عندما كنت اراك
كنت اتجمل بدون زينه تذكرتها لانها كانت تاخدني في بحر من الاشواق
والحيره والخوف لانها كانت مليئه بالاسئله ولكنك هنا كنت لاتقرأني
لانني كنت اجوبك بكل احسايسي ومشاعري وعيوني لاادري اذا
كنت حقا لم تري اجابتي ام انك لم تقتنع بها
اتذكر حزنك علي عندما ابكي من شيئ اتذكر كيف كانت عيونك
كنت احس وكانك تريد ان تكسر كل الحواجز والحدود لكي تمسحها لي وان
تمحوا كل دمعه دمعتها عيوني كنت احس وكان الدنيا تفتح ذرعيها لي
عندما كنت ارئ خوفك وقلقك عليا
اتذكر عندما كنت اتأخر عليك ولكنني اعترف لك انني كنت اقصدها
لانني كنت اعشق عتابك اعتقد انه ليس عتابا بل كان عزل في
اتذكر ان ابتسمتي وضحكتي اترسموا علي شفاتي ووجهي بسببك وجودك
في حياتي
لو جلست طول الليل اكتب مااتذكره عنك
لن تنتهي مشاعري ولكن سوف تنتهي الكلمات
ولكنك للاسف لست في حياتي الان
انك ذهبت بعيد عني ولكن قريب جدا
اراك في كل يوم من حياتي اراك في مواقف حياتي
عندما اتعصب او اغضب اري ضحكت او ابتسامتك اهدي وكان شيئا لم يكن
احببتك من كل قلبي وتركتك وانا مسلوبه الاراده
ليس لدي سواء كلمتين من حقي اقولهم
انت حبيبي
بحبــــــــــــك

Tuesday, May 8, 2007

تخاريفي3





مبسوطه كده ولا مش مبسوطه
مش هتقصر ولا هتزيد لحد
انا اصلا ماافرقش ماحد
انا طول عمري لوحدي
وحتي يوم ماقولت اخلقي ناس احبهم ويحبوني
مابقاش فيه الكلام ده كله كانت احلام ورديه كنت برسمها لنفسي مش اكتر
مش عارفه انا ليه ديما بتحط تحت دايره الاتهام او الشكوك
ليه تملي انا اللي لازام اشيل الذنب في كل علاقه ليا مع حد
اذا كانت حب او صداقه
والمصيبه اني بقبل مش بعترض
تملي اشيل اخطأ غيري
تملي اتعاقب علي اخطأ انا ماعملتهاش
والمصيبه برضه اني بقبل بالوضع ده ومش بيكون قدامي غير اني اخرس
واتفرج علي نفسي وانا في موقف ده اتعرض لااشياء ممكن تفوق اي احتمال البشر
بس بستحملها وبسكت علشان انا مش هيكون قدامي غير اني اسكت
ممكن تشوفني مثاليه في الموقف ده او المواقف دي
بس صدقوني مش مثاليه بس دا غصبن عني تملي بتجيلي في اقرب الناس ليا
مابقدرش افتح بؤي بكلمه واحده غير اني استحمل واعديها مرحله
بس المصيبه ان اللي بتدافع عنهم وتشيل عنهم بيزودوا عليكم كمان مش بيخفيفوا
وبرضه انا مابقدرش اتكلم مستحيل هقولهم انا مستحمله علشانكم لاني كده هبقي بزلهم
وطبعا دا مش فيا فا برضه بختار الصمت واني اتخرس
لا اسكتوا استنوا علشان تعرفوا بقيت هبلي وعبطي
اني رغم كل اللي بيحصل فيا ده بقي مش بااخد موقف بقي بدل مش بتكلم اخد موقف
لا دا انا عندي استعداد اني اعمل نفس اللي عملته تاني
لا وايه اسمعهم واشيل عنهم ولو جيت انا اتكلمت ولا قولتهم اسمعوني
حرام بيسمعوني بس من تحت الضرس يعني انتي هزويدي همنا احنا ناقصين
وبعد مايسمعوني حرام طبعا من تحت الضرس ردهم بيكون ونعمه الحلول والتفاهم
بيقولي عارفين ايه معلـــــــــــــــيش بكره تتعدل يااميره
يعني معنها اخرسي وماتتعبناش معاكي
المصيبه اني وافقت علي نفسي كل ده رغم اني ماكنتش كده نهائي
انا بني ادمه تانيه صارمه جاده جدا وشيله هموم الدنيا كلها
بس لما اتغربت قولت خلاص بقي يابت يااميره
لا هموم بعد اليوم ولقيتها وحياتكم من اول يوم
بس كنت برميها علي قد مااقدر بس ماعرفتش
بس حبيت بين اصحابي الجدد اني ابان بني ادمه تانيه
وللاسف مش عارفه ارجع تانيه اميره الصارمه الجاده جدا ولا عارفه اكون
اميره المرحه اللي بتضحك واللي اي حد زعلانه تقدر تخرجه من همه ده حتي لوعلي حسابها ماشي انا كده بس مش ديما وهما مش قادرين يشوفوا ده
انا عامله زي اللي رقص علي السلالم لا عارفه ارجع ولا عارفه افضل
ودلوقتي لما بقيت زي زمان بقي جاده جداا مش صارمه وبس وشايله الهموم وبقيت
بقفش زي مابيقوله بس دا مش قفش دي انا اميره الجاده
انتم مش عارفين تشوفني في الجديد بس اللي بيحب حد بيحبه زي ماهو
علي جديده وعلي قديمه
انا عارفه ان مالكمش ذنب تعرفوا ده بس الصفحه دي بجد بقيت صدقتي اللي مش بتطلب مني حاجه ولا مستنيه تاخد مني حاجه هي بتسمع وبتشوف وبس بس مش بترد ولا بتطلب حاجه
بس بترجي انهم يقبلوني زي ماانا انا مش هفضل ديما مرحه وبرضه
مش هفضل ديما كئيبه او جاده بس استحملوني لو دا لو



بتحبونــــــــــــي

Wednesday, May 2, 2007

النصف الاخر



مش عارفه بجد ابداء ازاي موضوعي
من كتر التفكير فيه
انا بتكلم عن كائن نريده في اوقات ونرفضه في اوقات
ولكننا في تلك الحالتين نريده
لاننا بدونه نحس وكاننا عاريه
انه بالنسبالنا السهل الممتنع
نعشقه عندما يبتسم
ندوب بين يديه عندما بنظر لينا
بنظره مليئه بالحنان والامان
عندما نحبه نسمعه بكل حواسنا
نضحك له علي قصه ربما تكون بايخه او سخيفه
ولكننا نضحك ليس مجمله له بل لاننا نحسه
ونشعره بيه عندما يرويها الينا
عندما نرها نحس وكأن قلبنا ليس دقاته منتظمه
ربما تكون تمشي علي خطواط قدميه عندما ياتي
نتزين له وتجمله له نتعايش لااجله
اعلم ان يوجد من يرفض تعبيري هذا
ولكنها الحقيقه واعلم اننا عندما نقول اننا نكره
ولا نريده وفاننا كدابين لاننا نظل وسنظل نبحث عنه في كل اركان
حياتنا اليوميه
نقول عندما لا يكون بينا يدينا اننا لانريده
يكفيني اصدقاء البنات مثلي وزميلي ولكننا نكذب علي انفسنا
بهذه الاقويل لان بدخلنا نريده وبشده كبيره
لاننا لانقدر علي قول هذه الكلمه الاله
ب.ح.ب.ك
اي ((بحبك))
لا يمكن ان نحسها الا له
ممكن ان نحسها لصديقتنا وزميلنا
ولكن مااقصده بهذه الكلمه كلمه بذاتها
بحبك عندما يطلبها وانا اقولها وكل جسمي يحس وكانه
بارد وساخن في نفس الوقت وعندما قلبي تزداد دقاته
ويقولها له ميلون مره هو عندما يحدثه
وتقولها له في الاخر وكانك تقولين له
خدني تحت دراعيك وضمني اكثر واكثر
عندها تقولين له خدني بعيد عن البشر
لا اريد ان احد يراني الا انت
انت الذي تحسني بدون كلام
تقراني بنظره من عنياك فقط
اجل نحن بدون الرجل لاشيئ
وهما ايضا بدوننا لا يعرفون ماهو احساس الحب
ونحن ايضا بدونه لا نعرف ما معني الامان والسكينه والراحه
كل ما مننا نبحث عن الاخر
الامراءه تبحث عنك
والرجل يبحث عنا
لاننا نصفين لا يقدر الثاني عن الاستغناء عنه
لا نقدر علي العيش في الحياه بدونه ولاهما ايضا
نحن جزئين بتجزئين من بعضهما الاخر
احبك ياسيدي
احبك ياسيدتي
هذا مانريده جميع
ا
ولا عمرنا واحد من هذا الجزئين سوف يعترف بهذا القدر

Sunday, April 22, 2007

شهوه الحنين



الحنين كلمه كلها حنيه وتفكير
وحيره وتردد
كلنا بنحن لااشياء في حياتنا كنا بنعملها
بنحن لصحبه كنا بنتلم فيها
بنحن لمكان ما كان لينا فيه ذكريات
وبرضه بنحن لحبيب احنا سيبنا اهو مش بتفرق
بس الصعب بقي مع الحبيب انك اوقات كتير مش بتقدر تروحله
لو مكان بتروحله وبترضي شهوه الحنين للمكان
طيب حنينا للحبيب نعمل في ايه
لو قلبنا قالنا نروحله عقلنا وضميرنا يقولنا
حرام وماينفعش انك تروحه لمجرد انك ترضي شهوه حنينه جواك
وكمان مين قال انه لسه منتظرنا وهيقبل اننا بس نشوفه ونكلمه
يارتك كنت مكان او ياريتك كنت صديق
ولكنك كنت في يوم من الايام مااملكه وماتملكني
صعب انني اعود اليك لمجرد الحنين
حتي لو اننا نري بعض لااقدر علي اني اقول اليك
انني في بعض الاحيان اشتاق اليك واحن اليك
وكاننا مازلنا نتبادل الحب والاشعار والكلمات المعسوله
ولكني لااملك شيئ ولا اعرف
ماذا افعل في شهوه الحنين اليك؟
وكل ماافعله اتي اليك لكي اتصافحك واطمئن عليك
ولكنها لم ترضيني ولكني اعتبرها مخدر
لشهوتي حنيني اليك
ولكنني اريدك تعلم انني عندما اتي اليك انه حنين واشتياق
فاانني اتظاهر بانني عاديه جدا معك ولكن قلبي يتلهف اليك
من كثره الحنين اليك
احن اليك ولااعلم لماذا؟
احن اليك رغم البعد واختياره!
احن اليك ولااعلم الي متي ستظل او من سيطفي هذه الشهوه؟
انتهت بيي خاطرتي بحيره واسئله لا توجد لها اجابه
وهذا مايحدث لي ديما عندما احن اليك تنتهي بحيره
وخوف بما سيحدث لي بعد ذلك
هل سيتوقف حنيني ام لأ؟

تاجات


طبعا هبه ربنا يخليها
دبستني ومش هقدر افلت من اللي اهدتهولي
بس انا اسفه يابوبا بجد يعني انا مكسوفه
بس التاج بتاع الاعنجليزي ده صعب شويه اني ارد عليه
لان الاعنجليزي بتاعي يادوبك علي قدي هما كلمتين اصلا
فا بلاش احراج وهنبداء بقي

قول خمس اشياء لم يعرفها احد عنك من قبل؟
ممممممممم اعتقد اني قولت اللي فيا في البوست اللي قبل ده بس هقول
اولا: انا انسانه مستفزه جدا
ثانيا:انا بحب التملك جدا
ثالثا:انا انسانه نكديه وممكن تقوله كمان مسوسه صعب ادي الثقه لحد
ممكن اللي قدامي واصحابي يفتكروني اني بديها بسهوله بس انا مش بكون
اديتها لااي شخص تميلي بيكون جوايا احساس انه هيجي يوم وهيخوني ويسيبني
بس انا عمتا عندي مراحل للثقه دي وتملي اللي بعرفهم مش بيعدوا عندي المرحله الاوله
رابعا:انا طيبه جدا فوق مما تتخيلوا عمري مااخدت السوء ابدا من اي حد
رغم اللي بيعملني مش قد كده عمري ماقفلت في وشه ولو طلب مني اي حاجه
بنفذها
خامسا:مش عارفه اقول ايه بصراحه في خامسا دي بس هقولكم حاجه بتحصلي وانتم استنجوا
انا لما بركب عربيه او وسيله مواصلات عنيه وركبتي دوال بيوجعوني لاني ببقي مركزه اوي وكل سنين عمري اللي عشتها بتمر قدام عنيا وساعات كتير بنزل من الموصله وانا بعيط وممكن كمان ببقي بضحك بس ده قليل وساعات بحلم كمان باللي كان نفسي اعمله واللي هعمله وبعقد ارتب هقول ايه لااصحابي النهارده علي الماسنجر او في المدرسه او في الشغل في اي حاجه بعيش حياه كامله في المده اللي بكون راكبه فيها المواصله دي
وخلاصنا من الاولني

*************************************
ودول شويه اسئله في الجون
اسم مدونتك؟
ميرو او الحب كله
لماذا اخترته...وماهي نيتك من وراء اختياره؟
لاني من وانا صغيره وانا بحب الاغنيه والكلمه
هتلقيها في كل كتبي وكشكيلي وكل حاجه تخصني
وميرو لان كل اصحابي بيقولولي ميرو

هل فكرت في اقفال مدونتك ... والسبب؟
هي ممكن تخطر علي بالي اني اقفله بس حاليا
مافكرتش لسه بس ممكن تحصل

صورتك في المدونه... رمزيتها؟
هي صوره مني ذكي وهي سرحانه
رمزها لانها شبهي مش شكلا يعني
بس موضوعا انا تقريبا تالت تربع وقتي وانا سرحانه وبفكر

لماذا دخلت عالم التدوين من الاساس؟
هو بصراحه الموضوع ده انا كنت بشوفه عند نهير واوما شوفت المدونات بتاعتهم
وهما كانوا بيوروني وكده وكان نفسي اعمله بصراحه لقيتها حاجه يعني كويسه
بتقدر تفضفض بس ماكنتش عارفه ازاي ولحد من كام شهر ريمو وريتني بتاعها طبعا تحفه كلنا متفقين علي ده وقالتي اعمليلك واحد طبعا مع غبائي التكنولوجي بتاعي
هي اللي عملتهولي بصراحه وعملتني في حاجات كتيره يعني انا ادين لها بذلك

احلي جمله قيلت لك في وصف مدونتك؟
والله اتقال انه كويسه وصريحه واني مميزه شويه
وانا اي رد حتي لو مش فيه اعجاب بالمدونه بتاعتي اصلا بيديني طاقه في اني استمر

التعليقات بالنسبه لك اهميتها؟
والتعليقات بالنسبالي كانت في الاول مش مهمه ولا كنت بفكر حتي فيها
بس لما لقيت عندي اصحابي ردود وتعليقات وناس تانيه مش اعرفها
اضايقت في الاول بس بعد كده لقيت ناس ماتعرفنيش وبترد واصحابي
فرحت واداني دافع وطاقه لاني اقول اللي جوايا

احلي بوست كتبته ..ضع لينك..ثم اذكر لماذا؟
هو بست واحد بس انا كل واحد عندي بالنسبالي احسن واحد بصراحه
لان كل واحد في حته مني مش هقدر اقولكم مين اقرب لقلبي لانهم زي مابيقولوا
الممثلين كلهم اولادي مش هميز حد عن حد

افضل مدونه قرأتها؟
بصراحه هي بنوته عند اوما اسمها اميره بجد بنوته حاسسه اوي
واللي بحب اوي مدونتهم متابعهم ديما هيا ميمو وسلمي ويويو بجد
التالته دوال بصراحه بجد جامد متابعهم

افضل بوست قراته؟
بتاعت ميمو ويويو بصراحه الاتنين دوال بيكتبوا من قلبهم
ومش مستنين حد يرد ولا حاجه اهم حاجه عندهم انهم يطلعوا اللي جواهم وخلاص
مش مستنيني حاجه بجد الله عليهم وربنا يوافقهم اكتر واكتر

حد قل ادبه قبل كده في تعليق ..ايه رد فعلك؟
بصراحه مافيش وبعدين اسلوبك في كلامك وبوستات بتاعتك
بيجبر اللي بيقري انه يحترمك ولو حصلت يعني اكيد يعني مش هعمل حاجه

اسوأ مدونه؟
مش عندي وعمتا انا مش شايفه اي مدونه وحشه كل حاجه رغم وحشتها بيبقي في حاجه حلوه دي من وجهه نظري بس انا ماشوفتش بصراحه
اسوأ مدونه وبوست؟
مافيش بصراحه ماشوفتش
************
اسئله خاصه
هيحصل ايه لايميلك لما تموتي؟
مش عارفه بس اكيد هيموت معايا انا كمان
بس انا نفسي يفضل عايش مش عارفه ازاي بس نفسي وبتمني

اديتي الباسورد لحد قبل كده؟
اه بصراحه في الاول اديته لاانسان اللي كنت مرتبطه بيه
ودلوقتي مع صاحبتي الانتيم بس الجديد مش معها انا نسيت اديهولها فاكرتني والله

كانت ايه طبيبعه علاقتك بيه؟
صديقتي وحبيبتي وربنا يخليها ليا
اسمك؟
اميره
المشهور بيه وسط اصحابك؟
ميرو ديما ماكنش فيه الا واحد بس هو اللي كان بيقولي مرمر
واطفال العيله عندنا بيقولولي ميما لان اسمي بيكون صعب عليهم
عمرك؟
21
شهر برجك؟
انا برج الجدي 28/12
مجال درستي؟
في القاهر كانت تجاره
وفي هولندا اداره اعمال

شخصيتك نوعها ايه؟
مش عارفه نوعها ايه بس انا طيبه مش بحب الثرثاء رومانسيه
عصبيه وبفكر كتيييييير ومستفزه احيانا وبحب الحب

السفر بالنسبه لك؟
والله انا السفر بالنسبالي غربه بس انا عمري مافكرت اخرج بره مصر الا علشان رحله
او حاجه من دي لكن لما اتغربت ماكنتش عاوزه اساسا لان السفر بيغير مودي للاسواء مش للاحسن لو سفر هجره او عمل اللي انا فيه لكن لو رحله كده بالعكس تماما

وقت فراغك بتعملي فيه ايه؟
انا تقريبا حاليا مش عندي وقت فراغ كتير ولو فيه بعقد علي النت
او اروح زياره لحد من اصحابي اواني اكتب زي العاده او اعمل اي حاجه في البيت
اي حاجه المهم اني مش اعقد لوحدي لاني لما بعقد لوحدي بفكر كتير وبتعب

الاكله المفضله؟
الفراخ بموت في الفراخ
الصفات اللي اخدتها من بابا؟
البرود والاستفزاز
الصفات اللي اخدتها من ماما؟
الطيبه والذكاء واني مااعملش حاجه غير لما افكر
واخدت منها العصبيه وشكلها تقريبا تقولوا علينا تؤام ماشي في الشارع

اكتر ست حاجات بتكرهها؟
ممممم
بكره الف والدوران
بكره الكدب جدا لانه بيدافعني لاني اكدب
بكره نفاق الفنانين واني اشوف حد بيقول لحد كلام مش فيه
بكره اني ماحدش يواجهني
بكره الغباء او اللي بيحب يستغبي
بكره الحقد واللي يبين انه بيحبك وهو من جواه مش طايقك

اكتر ست حاجات بتحبها؟
بحب ربنا اوي والرسول
بحب ماما اوي
بحب اصحابي اوي
بحب الحب
بحب اوضتي
بحب اي اغنيه او كلمات خواطر او قصه تلمسني

الشغل بالنسبه لك؟
الشغل هو عباده وبيخليك ماتحتجش لحد اي كان حتي لو اهلك
وبيغيرك وبيخليك تقدر تتصرف بعقل اكتر بيخليك مرتب اكتر وانا حاسيت بكل ده لاني بشتغل

الانترنت بالنسبه لك؟
صديقي لان ماعنديش اصحاب هنا كتير
وبشوف عليه كل اللي بحبهم من اصحاب ومن حياه جديده ودنيا
انت اللي بترسمها وبتخلقها حسب ماانت عاوز

هل كنت طالب شاطر في المدرسه؟
اه والله كنت شاطره بس انا مش بحب اللي يعقد يقولي ذاكري
لاني بعند ومش بذاكر بس لحد دلوقتي الحمد الله كويسه بعدي يعني

ايه اكتر ماده حبيتها في المدرسه والكليه؟
انا اكتر ماده حبيتها هي التاريخ بموت في التاريخ
كان هو والبلاغه كنت بجيب الدرجات النهائيه فيهم

ايه اكتر ماده كرهتها في المدرسه والكليه؟
الحساب اعوذ بالله من الحساب ده بكره كره العمي
بجد مش بحب الماده دي ولا بطقيها
كنت عايزه تطلعي ايه وانت صغنن؟
كان نفسي اطلع حاجه من اللي بطلع في تلفزيون يعني حاجه في السياسه
كنت بحب اوي اتفرج علي مجلس الشعب والشوري اللي كان بيجي علي التلفزيون
او مذيعه يعني كان نفسي ادخل كليه اعلام او اقتصاد علوم سياسيه

وتمت بحمد الله
انا هبصي التاجات دي ل

دندونه

Monday, April 16, 2007

كلمات واشياء



قبل ماابداء في اي حاجه انا فكرت في
الموضوع ده كتير قبل مااكتبه
بس دلوقتي خلاص رتبته وهكتبه


وبما اني ابديت بكلمات هبداء بكلمات
الكلمات اللي فيا واللي بتاثر فيا هقولها
بوجه نظري انا وتفكيري انا
اول حاجه هيا


الحب


الحب بالنسبالي كانه طير نادر وجوده في الدنيا
كلنا بندور عليه نفسنا لمسه ونحسه ونحضنه
في منا لقيه وفي منا مش لقيه وفي منا لقي منه جزء منه
لان صعب ان حد يلقيه كله لان مافيش حاجه في الدنيا كامله
لو اعقدت اقول علي الحب واوصفه هو ازاي جوايا
مش هقدر لان لو ايديا وافقتني الحبر والنطق ممكن يخنوني


التردد والقلق


التردد والقلق بالنسبالي وجهان لعمله واحده بالنسبالي
انا عندي تردد في اني ادخل اي علاقه من اي جهه اذا
كانت حب او صداقه وعندي قلق في انها تفشل لان مش عندي استعداد
لده حالا انا بحاول بقدر الامكان احفظ علي اللي قدرت احافظ عليه
ان عارفه ان الفشل وارد وكل حاجه يعني مش لازام اكون متاكده
من نجاحها او فشلها بس انا متردده في الدخول وقلقانه من النتائج


الصراحه والف والدوران


الصراحه عندي اني احترم حدود الاخرين الحمد الله الموضوع ده عندي
عمري ماحولت اجرح حد بالصراحه او الاحساس اللي جوايا
بقولها بس بطريقه الف والدوران علشان مش احرجه
مش بستخدم الف والدوران علي اشياء تانيه مش فيا الحمد الله
وبكره اللي بيعملوني بالطريقه دي واللي بحس او اشك انه بيعملني كده
بعمله بالف والدوران لحد مااعمله الادب صح واعرفه اني مش زي غيري


الطيبه والخبث


انا طيبه والحمد الله كلهم بيقولولي كده بس الصراحه
انا فيا شويه خبث مش شويه صغيرين هما كتير
لاني لما بيكون في دماغي عاوزه اعرف حاجه بعرفها
باي طريقه وافضل طريقه انا بستخدمها هي الخبث
بس والله عن طيبه مش اكتر مش قصدي منها السوء ولا عمري
استخدمها بالسوء مش هكون كدابه واقول اني ملاك
بس في ناس تستهال انك تتعامل معاهم بخبث
بس انا رغم الحته دي فيا بس الطيبه جوايا هيا اللي ديما بتسيطر


الكدب والصدق


الكدب اوف انا بكدب كتير اوي
بس والله كلهم كدب ابيض يعني مش بأذي حد غيري (مع ان ربنا بيحسبنا علي نفسنا برضه) بس يعني مش بحب اللي يكدب عليا لكن انا ممكن اكدب
بس لما بحب حد بتكلم معها من كل قلبي وبصدق
بس لو شميت بس شميت مجرد ان اشم ريحه الكدب
خلاص خلي عرق الكدب عندي يشتغل وهو اصلا بتلكك


هو ده اللي فاكرها دلوقتي فيا من الكلمات اللي فيا
بس صدقوني كل ماهفتكر حاجه فيا هقولها علي طول
هقولها لمريه بتاعتي اللي هي البلوج لانه مش هيكون كده وبس
وانتظروا مني مدونه تانيه بس عن الاشياء

Friday, April 6, 2007

اه ولا.....التاج


اه ولا علشان انا كنت مش لقيه حاجه اقولها

وبعدين محمود اتكلم معايا وقالي ان حبيبه قلبي اللي روح قلبي برضه روبي لا قصدي

رحــــــــــــــاب

انهي سالت سؤال اللي هو


تكلم عن هواية لما بتمارسها بتستغرق فيها تماما ً وتنفصل عن عالم الواقع لفترة من الوقت أثناء ممارستها؟


انا عندي حاجات كتيره اوي بماراسها بس في اللي استمرت وفي اللي لا بس اللي لسه مستمره بجد هي

الكتابه رغم انهم كلهم بيتريقوا علي العربي بتاعي بس ماعلينا ولا بتفرق معايا انا بكتب كتيره اوي انا لو لقيت ورقه لحمه

ممكن اكتب عليها احساسي اي حاجه انا حاسها بكتبها لما بحب اكلم ربنا بكتبله علي ورقه وقلم

ولما بحب اكلم حبيبي اي حاجه فيا بكتبها علي ورقه لما بكون مضايقه مش مظبوطه

في جميع حالتي هتلقيني كاتبه انا في مره بفتش قي ورقي المهمه والغير لقيتني كاتبه علي كل ظهر ورقه

خاطره كامله او كاتبه جملتين فوق في الورقه مش عارفه بجد بعشق الكتابه بس الهوايه اللي انقطعت دلوقتي او بقاله 3 سنين تقريبا هي القراءه وبحاول اعوضها بااني بعمل سيرش علي كتب علي جوجل احيانا يعني مش ديما يعني بحاول ان اي هوايه ليا مش اضيعها لان الهوايه شيئ مهم اوي في حياتنا هي الطاقه اللي بنخرجها بكل صدق وحب

واحيانا برضه عندي هوايه بصدع فيها اصحابي وهي الغناء

واصحابي بقي اللي بحبهم من كل قلبي

رحــــــــــاب

مـــــروه

بــــــــــادو

محمـــود

هبـــه
دندونه

أيـــــه

رغم ان منهم ماكنش انا صديقتهم المفضله بس بالنسبالي هما اصحابي المقربين واللي بثق فيهم

مالوش اسم



انا مش هكتب بترتيب ولا حاجه زي كل مره
بس حاسه اني اتخنئقت فجأه
لما تحس انك بتدي وبتسامح
بس الشخص اللي بتسامحه دي يقولك انه مسامحك
بس هو كداب ومخادع ومن جوها سواد الدنيا والاخر من ناحيتك
بجد بتعجز انك تروح تواجه او تقوله كلمه واحده
وياسلام بقي لما يكون الشخص ده مش يعني ليك الكثير
بس ادالك الاحساس انك بتعني له الكثير فا غصبن عنك
لازام هتفكر فيه وتحاول تقربه منك علشان مايحسش الفرق ده
ويطلع كل ده كدب وضحك علي الدهون زي مابيقوله
مش عارفه ليه في بني ادمين ده
لا واللي يضحك واللي يخليك مش مركز ولا حاسس
انهم بيطلبوا بالحريه وعدم الكدب والخداع
لكن لو دورت عليهم من جواهم هتلقيهم مالينين كدب وخداع
وخيانه وكل ماهو بشع هتلقيه جواهم
يمكن اكون قاسيه علشان اتخنئقت من اسلوبهم الناس دوال
بس بجد دا اللي انا حاسها دلوقتي من الشخصيات دي
وللاسف اني بسامح وبقول يابت عادي وعدي الحياه ماشيه
مش بتقف عند حد بس قولت لازام اخرج اللي جوايا
انا بقيت خايفه من اللي حوليا دلوقتي احسن في يوم ادخل عليهم
ولا لقيهم بتكلموا عليا ويطلع اللي انا ببنيه يتهدم في لحظه
منهم ومن غير حساب للي بينا ولا حاجه
مش عارفه اعمل حاجه في احساسي غير اني اكتب واكتب لحد ماايدي يمكن تقف
من الغضب والثوره اللي جوايا
يمكن اكون كمان خفيه احساسي الحقيقي
بس مش هقدر اقوله لاني مش قادره اسمح لنفسي انها تقوله
لانها مش تربيتي لان اكتر منهم كدابين ومخادعين
مش هقدر اقول بس خلاص هما جابوا النهايه معايا
وانا لما بوصل للنهايه من حد خلاص انتهت
ومش هروح اعتبهم ولا اقولهم فين كلامكم ليا
ولا الاحاسيس الحلوه اللي مابينا
بس كفايا عليا اني عرفت وقدرت احدد علاقتي بيهم
وخلاص انا هقولهم انتم
بناتم اسوار من حديد ونار لم يخلدها ماء ولا تراب

Thursday, March 29, 2007

....حب



حب..
حرفين العالم كله بيلف حوليهم
في منهم اللي بيدورعليهم
وفي منهم اللي لقيه
وفي منهم اللي لقيه بس مش قادر يطوله
وفي اللي طاله بس تعبان منه
ماهما بيقوله الحب
ياأما يجب السعاده والفرح
ياأما يجبلك الشقاء والحزن والتعب
ياتري الحب ده واقع فعلا ممكن
يجلب معه السعاده والحزن ايضا
اما خيال نبحث عنه لكي نرضي مافي بداخلنا من احاسيس
انني لا انكر انني ايضا ابحث عنه
ولا افكر يوما اذا كان الحب واقع ام خيالا
ولكنني احسسته وتعياشته ايضا
ولكنني احسه كانه طفل يجب علينا ان نرعها
ونحسسه بالامان والاطمئنان
انني لا ادري لماذا كتبت هذا الكلام؟
ولماذا افكر اذا كان الحب واقعي ام خيالي؟
بس احسست انني عليا ان اطرحها علي نفسي
وارئ كيف سيرد قلبي وعقلي
ولكنهم لم يجبوني
فاهل يوجد حد يعرف الحب حقيقي ام خيالي؟

Tuesday, March 27, 2007

تخاريفي2




كل مره افتح الصفحه علشان اكتب
ومالقيش كلام اكتبه
بحس وانا بكتب الكلام مش موجود
يمكن مش لقيه معني للي جوايا
او مش لقيه ليه كلام اتخلق علشان اكتبه ليه
بس بحاول اني اكتبه وفي الاخر النتيجه بتكون فاشله
بس بدخل علي خواطر اصدقاء كاتبينها او مش اصحابي
بلقي في كلام يشبهني
بس مش ليا مش احساسي مش علشاني
نفسي اخرج كل الاحاسيس اللي جوايا
ومش عارفه اخرجها ازاي
مش لقي حد اخرجله اللي جوايا
او بالمعني اللي جوايا الاصح
خايفه اخرجه لااي حد من اللي حوليا مش يفهمني
او يقلله ولو الاحساس ده وصلني
يبقي الشخص ده قتلني من غير مايحس
انا مش عارفه ليه تملي الخوف هو اللي بيحركني
مش عارفه ليه ديما مسيطر عليا
نفسي اهرب منه بس كل مااحاول الهروب
القيه في هروبي مع ان معني الهروب الخوف
مش عارفه اعمل ايه فيا ولا في خوفي
مليت منه ونفسي يمل مني

Friday, March 16, 2007

كفايااااااااااا



كفايه كده بقي
تعااال بقي
انا تعبانه لوحدي
انت ايه ماتعبتش من الوحده
خايفه احسن تجيلي بعد فوات الاوان
انا مش قادره استحمل اكتر من كده
نفسي اترمي في حضنك بقي
نفس انت كمان تجيلي وتترمي في حضني
نفسي المسك..نفسي احسك
نفسي اشم راحتك
نفسي انا كمان تلمسني وتحسني
وتلفي بيا الدنيا بحبك
بس دنيا حبنا
دنيا نعمرها انا وانت واولادنا
ياااا امته بقي هتيجي
انا خلاص احلامي نطقت
عارف قالتي ايه؟
بتقولي هو انا امته بقي هبداء اتحقق
تعال بقي علشان نحققها
نفسي اعرف هتيجي امته
هفضلك مستنياك كتير
تعبت من غيرك نفسي اشوفك
ونفسي اعرف ملامحك هتكون ازاي
نفسي اضمك اوي في حضني
نفسي احكيلك كل حاجه
نفسي تحكيلي كل حاجه
نفسي اسمعك و نفسي تسمعني
احلامي وايامي وسنين اللي فاتت
خلاص تعبوا من كتر انتظارك
بس انا مش هقدر انتظرك حتي بسنين اللي جايه
نفسي تيجي واقولك بقي
يااااااااااا اخير لقيتك ياحبيبي عمري
نفسي اسمع منك بحبك
نفسي اقولك.....
خلاص ارتحت علي قلبي

Sunday, March 11, 2007

بادبوي....ذكري



كنت قاعد بفكر فيك
بفتكر لمسه ايديك
بفتكر اول كلمه بحبك قلتها ليك
بفكر ازاى هيعدى بكره من غير ما اشوف عنيك
بفتكر اول دقه قلب خارجه منى رايحه ليك
بفتكر كل لحظة جنون
بفتكر كل كلمه حب من قلبى المجنون
بفتكر ضحكه عنيك
بفتكر فراشه حياتى
بفتكر كل اللى فات من ذكرياتى
بفتكر قلب وروح عايشين فى حياتى
دايما فى قلبى وبالى ليلاتى
المهم انى مبنساكيش يا حياتى
((بقلم بادبوي))

Friday, March 9, 2007

انتظرك



انتظرك وكاننا علي ميعاد
انتظرك وكانك ستاتي لزيارتي
ستاتي لكي تطفي نار لهفتي
ولكن كل مااتمنها لم يحدث
عندما اسمع صوت نغمه او اقري كلمات اغنيه
اتذكرك واقول انك سوف تاتي بعدها
ولكنك لم تاتي
ولكني اسال نفسي سؤال
انك تعلمين انه لن ياتي فلما تنتظريه؟
ولكني لم اجد اجابه علي هذا السؤال
يوم مانفسي ماتتكلم تكلمت لااجله
ويوم ماتكلمت سالتني وادخلتني في الحيره والقلق
ولكني للاسف يانفسي لاتوجد...
اجابه لسؤالك
لانني لم اجدها لحد هذا الوقت
انتظره في الثواني
اكثر من دقات قلبي
انتظره في الدقايق
اكثر من انفاسي التي اخرجها
انتظره في الساعات
اقل من يدقون عليا بابي
ولكنه لم ياتي لحد الان
ولكني لاادري ماذا سأفعل عندما ياتي
هل سأفرح ام سأحزن؟!
ولكني احس انه عندما ياتي
سوف تتوقف كل ازمنه العالم
سوف يتوقف ايضا معها قلبي
احس انني سوف اتلج من فرحتي
ولكن قلبي سوف بكون يغلو من انتصاره
ومن اطفاء اللهفه بداخله
ولكن كل هذه الاحاسيس
احسها فقط في خيالي واعيشها ايضا في خيالي
ولكن متي ستأتي؟
ومتي سأعيش هذه الاحاسيس؟
لااعلم متي ستاتي ولكن لدي امل

ولهذا فاانا..
أنتظرك