Saturday, June 16, 2007

تاج هادئ



انت مين؟

لو سالتك انت مين تقولي مصري ابن مصريه
ا
نا بنوته مصريه عاديه جدا وبسيطه جدا ورمانسيه جدا متغربه عن اهلها واصحابها وحياتها
مين اكتر6 اشخاص بتحبهم؟
مممم كويس انهم 6 عندك ياسيدي اولهم طبعا ماماتي
وجدتي وخالتي ورحاب ومريم بنت خالتي

انت سعيده؟
مش عارفه قصدك ايه من ناحيه السعاده لان كل حاجه وليها سعادتها
وانا كده بحاول اشوف الحاجه سعيده ولمصالحتي يعني بس تملي بيكون العكس
واي حاجه بيجبهالنا ربنا اكيد فيها فرحه وسعاده احنا اللي بنخلق الحزن والجرح
لو اجتمعت انت وحسني مبارك في غرفه واحده؟
هقوله البعيد اعمي مش شايف اللي بيحصل حواليك هقوله افرض نفسك مكانهم
كنت هتعمل ايه في اللي بيحكم فيكم ومخليكم كرهين الحياه
هقوله لو حسيتهم وقدرت تشوف وتشيل الغشاوه اللي علي عنيك وحكايه ياسياده الريس عايزين يغتلوك والكلام اللي مالوش لازمه ده حاول انك بقي تحصل اللي اتكسر دا لو عرفت وهقوله اعمل الدنياك وكأنك تعيش ابدا واعمل لااخرتك كأنك تموت غدا

لو معاك مليون ونص جنيه تعمل بيهم ايه؟
اشمعنه مليون ونص يعني ليه مش 2 مليون يعني ماعلينا مش هنختلف في الارقام
هحاول بقدر الامكان والميزانيه اللي معايا اعمل اي مشروع ياخد عدد من الشباب
ويشتغلوا بدل اللي هما فيه
بتحب مصر؟
اكــــــــــــــــــــــــــيد
بحبها لما كنت فيها وبحبها اكتر لما اتغربت عنها

بتحب الشباب ؟
ههههههه
اكيد يعني بحب يعني الشباب وبحب صدقتهم جدا لان
صدقتهم بالذات مع البنات بتكون صدقه مافيهاش اي دوافع
وبتلقي الولد بيقف جنب زميلته بجد من قلبه انا بصراحه ماليش صداقه مع حد وفشلت
الحمد الله كلها ناجحه بيحكولي وبحكلهم اما بقي من ناحيه الحب والكلام ده حصلت مره
ومش ندامه عليها لان كانت احلي قصه في حياتي وبعد كده يعني او التجارب الفاشله بتاعتي كانت بتتعبني مش اكتر مش عارفه عندي مع الشباب نكون اخوات واصحاب بتمشي تيجي عند الحب وتزمزء مش عارفه ليه

انت مسلم؟
الحمد الله مسلمه
ليه؟
من غير ليه ماحدش بيختار دينه يعني بنتولد علي الديانه اللي عليها اهلك
وبحمد ربنا اني مسلمه والحمد الله اني اتولدت علي الدين ده وكفايا اني بفتخر اني مسلمه

مين اكتر شخصيه ماتقدرش تستغني عنها في حياتك؟وليه؟
امي ست الحبايب
امي دي صاحبيتي واختي وحبيبتي ماقدرش استغني عنها
علشان انا لما فتحت عيني لقيتها هي اللي بتدافع عني هي اللي بتفكر معايا
هي اللي بتسند عليها لما بقع او بحس بتعب وهي اللي بغضب منها وبتضايقني
بس عمري ماشيلت منها لانها امي مش عارفه امي اصلا عندي حاجه مش عاديه
ولو فضلت اقولك ليه مش هخلص ياسمير

ايه اكتر موقف محرج اتعرضت ليه في حياتك؟ واتصرفت ازاي؟
مممم ..انا بتعرض كتير لمواقف محرجه في يومياتي في مواقف بقدر اتصرف فيها
وفي مواقف لا يعني بيكون احسن اني استلزم الصمت بس هقولك اقرب واحد يعني
المفروض اني كنت اعزم اصحابي في الكليه عندي علي سندوتشات وانا عملت سبع راجله في بعض وانا ناسيه خالص اني ماعيش فلوس في المحفظه بتاعتي
وبعدنا مااختارنا واشترينا لقيت الفلوس الفكه اللي معايا ماتكفيش وماعملتش حاجه مافيش هنا مكنة البنك اللي بتسحب منها فلوس وانا فلوس كلها في الكارديت كارت بتاعتي المهم ولاحاجه قوتلهم كملوا انتم وعليكم انتم يعني موقف عدي وكويس انه جيه في بنات اصحابي مش في اولاد يعني وعدي يالليله
ايه الامنيه اللي بتدعي ربنا دايما انه يحققها لك؟
انه يسترني ويثبتني علي دينه

تمرر التاج ده لمين؟
مممممم عندك ياسيدي
رحـــــــاب
وهـــــــبه
ويويو
ودندونه
ميمو

وكل اللي عندي همرروا ليهم يعني
وكل اللي يدخل عندي ماهي تدبيسه اصلها

4 comments:

AHMED SAMIR said...

مش ملاحظة يا ميروو انك كنتي ناشفة مع سيادة الرئيس قوي؟
دة الراجل كتر خيره يعني سمح لك انك تقعدي تتكلمي معاه تقومي تقولي له البعيد اعمى مابيشوفش؟
يالهووووووووووووووووي
اه
قلتيلي بقى انك برة...ياريت تراجعي قرارك انك تيجي في الاجازة
علشان مصلحتك بس
هههههه
تحياتي واحتراماتي

انتظار مؤقت said...

بعيد عن التاج فين الجديد بتاعك يا قمر
تحياتي

غمض عينيك said...

ترجعي بالسلامة يا ميروو
وتنوري مصر بس ابقى خدي بالك في المطار احسن البعيد ياخد باله منك

تحياتي
محمد سمير

meroooo said...

سمير: دا مين ده اللي نخاف منوا احنا مش بنخاف من حد ومش هرجع في رائي انا مابخافش من حد دا انا سياسيه جامده ماحدش بس اخد باله
"الا قوليلي ياسمير بجد اللي بتقوله" ههههههههههه
تسلميلي ياسمير

انتظار:عندي موضوع كده ممكن انزله بكره بالكتير اترتب خلاص في دماغي ماتقلقش

محمد: الله يسلمك ياجميل لا البعيد بيتعمي عن مصالح الشعب ويجي عند دي ويشوف بس حتي لو شافني هقوله احمد سمير هو اللي سالني وقالي اقول كده وهطلع منها هههههههههههه
تسلم يامحمد