Sunday, July 31, 2011

اخطأت



اخطأت

فمن منا لم يخطئ؟

ولكن فمن فينا يستطيع المسامحه؟او الغفران وتخطي جميع اخطائه واخطاء من احب

ليس كل منا لديه هذه الصفه او القدره

اننى اقدر غضبك وثورتك على

ولكنى اريدك فى سط كل هذا الضجيج النفسى الذى تعيشه ان تتذكر كم كان حبنا؟

وكيف كنا نعلم من حوالنا كيف يكون الحب,,, وكيف كنا نقدر ع المسامحه

وانه كيف تستمتع بحبيبك بدون ان تلمسه او حتى تراه وانه بمجرد انك احسست بيه

او مر بجوارك عظر كنت اضعه لك فيذكرك كم كنت احبك وكم كنت تعشق عطرى

كلامى,,, احساسى بك

اتتذكر عندما اعطيتك منديلى المعطر بعطرى فماذا قلت لك وقتها؟

انه اننى سمعت ان العشقين لابد ان ألا يعطون بعضهم المنديل لانها دليل على الفراق ولكننا كسرنا واستمرينا

ولكن القدر حاول مرارأ وتكرارأ ولنه لم ينجح فلماذا تعطيع انت الان الفرصه؟

اعلم انك تقول انك لست السبب اعلم والله العظيم,,,ولكنى الان احاول التصحيح عن هذا الخطأ

واريد ان احس بدفء حضنى من جديد لانه بارد من دونك

الم تلاحظ انى لم اكتب هنا منذ مده ,,اتعلم لماذا؟ لان من كان او كنت انا اهتم باأنه يرى

مااحسه او اكتبه انت وانت لم تعد تأتى فى مواعيدك ولا انى لست قادره عن كتابه أى شئ لااحد اخر غيرك

حتى عن نفسى لم استطيع لانى وبكل بساطه لم ارى احد اهم منك ومن حبك بداخلى

وفى النهايه احبك,,,وادعو من الله ان يزرع بداخلك الغفران والمسامحه

Sunday, May 2, 2010

تخاريف

انا فى سؤال عمال يجى فى بالى بقاله مده
هو احنا ليه بقيت قلوبنا سوده كده؟
بجد قلوبنا ليه بقيت سوده مابقيناش بنشوف رحمه فى قلوب اللى حوالينا
ليه بقينا بنحب نشوف مناظر الدم قدامنا واحنا كمان اللى بينعملها فى بعض
مش كفايه علينا اللى بنشوفه فى فلسطين والعراق؟؟
كمان هننهش فى بعضينا فى لحم بعضينا
انا مش بتكلم عن عروبه ولا اى حاجه من دى
انا بتكلم عن انسان زيك زيه...ليه بتنهش فيه ليه بتاكل فى لحمه
مابيجيش على بالك لحظه انه انت ممكن تكون مكانه فى يوم من الايام
وكما تدين تدان؟؟؟
لما تمسك واحد مسلم او مسيحى وتعلقه من رقبته ايه احساسك وانت شايفه؟
اكيد مفيش اى احساس طب ايه احساسك بنفسك لو كنت مكانه؟
اكيد مفيش اجابه لانك لو تخيلت نفسك مكانه افتكر انه من المستحيل انك تعمل فيه كده
ولاانت ياللى بتتفرج وبتصور وبتنزل الصور للناس عشان قلوبها تتوجع اكتر
دا اذا فاضل لسه فى قلوب فينا بعد اللى بينعملو فى اروحنا واجسدنا بالمنظر المقزز والبشع ده
نفسى افهم استفاد ايه او انتم ياللى اتفرجتم استفادتم ايه؟؟؟؟
ولا اللى يحرق الدم بجد انه القنوات الفضائيه كل اللى هممها انه مايحصلش ازامه بين البلدين
يالهوى الانسانيه فييييييييييييين فى حياتنااااااااااااا؟؟؟
بدل ماتفكروا فى بلدين فكروا فى الانسانيه اللى بتموت يوم ورا يوم دى يالعالم
ياخوفى احنا الانسانيه تموت كمان بين قلوب الحبايب كمان
فاضل ايه نبكى عليه اذا كانت انسانيتنا فقدناها؟؟؟

Tuesday, January 5, 2010

لو بطلنا نحلم نمـــــــوت




لو بطلنــا نحــــلم نمــــوت

لو عاندنا نقــدر نفـــوت

لو عدينــا مره خـــلاص

لو ردينا ضاع الخـــلاص

حبة صــبر..حبة حـــماس..يبقى الحلم صورة وصوت


لو بطلنــــا نحـــــلم نمــــوت


حضن فى غربه ملمس مثير..بعد مشاغبه هترقـــلك

مرة فى مرة حاول كتير...اى مغامره راح تنفعــــك

وقــت الحـــلم..وقتـــه فى ســـكوت


لو بطلنــــــا نحـــــلم نمــــوت


رقصه شهيه هيـــا الحيـــــاة..دى العشقيـــــه والمعشقـــه

مرة فى مرة حلمك هواة..يملــى الدنيـــا بلزقزقــــه

يبقـــــى الحلــــم صـــورة وصــــوت


لو بطلنــــا نحلــــم نمـــوت

Friday, January 1, 2010

تاج اجبارى



السؤال الأول:اجبارى

بالنسبه لسيادتك..ياترى سنه2009 تقدر تعتبرها بشكل عام سنه سعيده..كبيسه..ممله..مالهاش لازمه...الخ؟
ياريت تختار لها وصف من كلمه واحده

اجابه السؤال الاول:اجبارى
ملخبطه

السؤال التانى:اجبارى برضه
ايه أجمل حاجه حصلت له فى 2009؟وبالمره أسوأ حاجه حصلت فى 2009(لوكانوا كتير اختار الأسوأ)؟

اجابه اجباريه
كان جمالها فى اولها لانى كنت عايشه حلم
وأسوأ شئ فيها ان الحلم اصحب وهم

السؤال الثالث:برضه اجبارى
لمابيتقال قدامك 2009.....ايه اول حاجه بتتبادر لذهنك على طووووووول؟

اجابه اجباريه
فشل حلمى واختيارى

السؤال الرابع :أكيد عرفت انه اجبارى
بتحتفل بليله رأس السنه؟؟؟ولابتعتبر الاحتفال لبها حرام؟؟؟(طبعا اكيد مش مقصود الأحتفال السكر والعربده لأنها حرام فى رأس السنه ورجليها كمان)ولاايه؟

اجابه اجباريه
احنا بنحتفل بيها هنا فى هولندا اجبارى وباايدها وراسها ورجليها وحاجه اجباريه زى تاجك بالظبط

السؤال الخامس:مبنى على اللى قابله
لو مش محبكها...ومابتعتبرهاش حرام...ياترى هتحتفل بيها السنه دى ازاى؟؟او احتفلت بيه ازاى لو جاوبت على التاج ده بعد 31ديسمبر؟

اجابه اجبارى
بنطلع بره بيوتنا وبنلعب بالالعاب الناريه وبنتفرج ع الناس وبنسهر مع اصحابنا وكل واحد بيعمل اكله مشهوره فى بلده وبس

السؤال السادس:مش محتاج افكركم انه اجبارى
فاااااااكر 31ديسمبر 2008(اه...السنه اللى فاتت)؟ياترى فاكر حالك ساعتها كان ايه وكنت عامل ازاى؟؟؟فى31ديسمبر2009...ايه اللى اتغير فيك؟؟ياترى لسه قاعد نفس القعده وفى نفس المكان ولا فى حاجات كتير اتغيرت من 31ديسمبر2008الى 31 ديسمبر 2009؟

اجابه اجبارى
كانت سنه حلوه وكانت من احلى من السنه اللى فاتت دى اللى هيا2009..كنت مبسوطه قوى وفرحانه وحاسه انى مالكه الدنيا
فى شغلى وفى حياتى العاطفيه والاجتماعيه كمان
اما 2009..الشغل مابقاش فى والعاطفيه اندمرت والاجتماعيه يعنى لسه ماسكه نفسها شويه
اما بالنسبه للمكان نفسه بتاع 2008 بس الفرق كبيييير فى 2008 كان المكان ده ماتقدرش تلاقى لنفسك كرسى تقعد عليه وكلنا كنا مبسوطين والفرحه واللمه كانت ايه عمرها ماتتعوض

السؤال السابع:برضه
غلطه غلطتها فى 2009 ومش هتكررها فى 2010

اجابه اجبارى
مش هتنازل ابدااا عنى اى حلم حلمته او هدف حطيته قدام عينيا عشان حد

السؤال الثامن:وده اكيد اجبارى برضه
امنيه هتتمناها فى 31 ديسمبر 2009 وتدعى ربنا انه يحققها لك فى 2010...ادعى...(مين عااااارف؟)مش جايز تكون ساعه اجابه؟؟

اجابه اجبارى
جااايز ويارب تكون كده...عمتا انا بتمنى رضا النفس والستر

السؤال التاسع:والاخير فى الاجباريه
شخص.........تتمنى لاتشوف صورته ولا تسمع اسمه فى 2010؟؟؟؟!!!(ياريت بلاش اللى فى بالى..عايزين حد غيره)....بلا تقليديه

اجابه اجبارى
واحده كده مااتمناش انى اشوفها خالص لانها حد طلع بوشين وكداب ومنافق ومالهاش مبدء ولاكلمه
وانه ربنا مايخلنيش ابدا اقابل حد من النوعيه دى تانى

اشكرك على التاج الاجبارى ده

Wednesday, December 23, 2009

ليه بعد ماسيبتك!؟



ليه بعد ماسيبتك.. بحسك معايا

ليه بعد ماسيبتك.. بفضل اطمن عليك

ليه بعد ماسيبتك..لما تغيب اقلق عليك

ليه بعد ماسيبتك..وبعد كل حاجه بعملها معاك اندم انى عملتها

واسأل نفسى ليه عملتيها!..مش خلاص او مش من المفروض انه خلاص؟

انا مش عارفه اذا كان ده حب ولا حلاوه روح للحب اللى كان بينا؟

احيانا كتيره بفتكر اللى حصل واقول انا مش ممكن اطمن عليه او اسأل عنك تانى

ولاحتى اشوفك او اسمع صوتك..انا خلاص بجد

بس مش عارفه ايه اللى بيشدنى تانى انى ارجع

وامسك باايدى وبنفسى اللى رفضت انهم يكونوا معاك بقيت عمرك

تليفونى او ورقه وقلم اكلمك او اكتب عنك

ليه بعد ماسيبتنى كل ده بيحصل؟

ليه اوقات بنسى انك قتلتنى

انا بفضل ابرر لنفسى واقول ماترميش كل اللوم عليه برضه

اكيد انتى كمان غلطتى وتتلامى..بس برضه مش سبب يخلينى

اقبل على نفسى لحظات الجنون اللى بعملها..بس كل ماافوق ازعل اوى

انه لسه انا برضه زى ماانا مابحرمش منك ابداا..ولا بتوب

وبرضه انا اللى ببداء كل حاجه حتى فى الحنين انا برضه اللى بدايته

مش عارفه انا ليه بعمل فى نفسى كده؟

وليه بعد ماسيبتك..نسيت اشيلك من دماغى وحياتى!؟

ليه بعد ماسيبتك ..كل يوم قبل ماانا اتمنى انى اصحى من النوم وكأنك ماظهرتش فى حياتى من اصله

ليه بعد ماسيبتك..كل يوم اصحى وانا متخيله انى هشوفك وهكلمك وانى فى اى لحظه هتكون موجود فاتح دراعاتك عشان اترمى بينهم وانه قلبك هيرجع تانى ويحضنى..او انى حتى هتخانئق معاك على اتفه الاشياء اوهضحك او هبكى هعمل كل حاجه معاك انت

بس برضه لما بفوق بزعل وبندم على انه بقيت مجرد ذكريات واوهام

...بس اكيد هيجى اليوم اللى هصحى فيه ومش هتكون انت فيه

ماتزعلش منى ياقلبى انى بقول على حبيبك كده..بس اعذرنى لازم يخرج منك علشان تعرف تعيش حياتك

انا هخرجه عشان انت وهو تعرفوا تعيشوا حياتكم..ماينفعش خلاص ياقلبى..حتى لو قلبه لسه بيندهك لازم تخرجوا من بعض

...فاسامحنى

Monday, June 22, 2009

بدون عنوان



الى متى سوف اظل احس ان ينقصنى شئ فى حبك

اهذا ثمن للبعد بيننا ام هذا ثمن لى اشياء اخرى؟

لااعلم ولا تنتظر منى جواب ولكن انا من ينتظر الجواب

احس باارهاق فى مشاعرى نحوك احس انها تريد الارتياح قليلاً

واحس ببطء فى مشاعرك ورخاء بيها نحوى

احس ان ينقصك انت شئ ولا ادرى ماهو؟

فهل ياحبيبــــى تصارحنى بما هو خفى عن نظر احساسى بك؟

حتى تستريح مشاعرى واحس بمدى احساسك بى ولهفتك على...

لماذا احس احيانا باننا لدينا دهر معاً وبرغم ان علاقتنا لم تكتمل بعد واحس بهذا؟...اليس غريبا!!؟

اليس غريبا اننى احس بذلك منك رغم اننى احبـــــك حب ماحبوش انسان مر على ..على الاقل

ورغم انك فى بعض الاحيان تفعل اشياء كثيره لى

ولكن احس ايضا انك فى بعض الاحيان ببعض تصرفات منك

لااعلم اذا كانت مقصوده ام لا ولكن تفعلها وبسببها الاحاسيس هذه تعود مره اخرى

انها ليست لسطحيه الامر لا لكنها او لاننى اعتبر هذه التصرفات الصغيره منها او الكبيره تكمله

لما تفعله واشياء ضروريه على الاقل...بالنسبه لى

Sunday, April 12, 2009

تخاريفى....أنغام



اعمل ايه فى الوحده وانت مش هنا؟؟؟
سؤال سالته انغام فى اغنيتها
وسؤال اميره بتسالهولك فى حدوتها معاك

اعمل ايه؟ومنين اجيب صبر؟
زى ماهى قالتله وزى ماانا بقولك...اعمل ايه؟؟؟
من سؤال مهزوم بيترجى الجواب؟؟
انا فعلا حاسه انى مهزومه وضعيفه ونفسى رد لسؤالى بجد
مش بتقصد عينى ياحبيبى العتاب؟
بجد والله انا عمرى ماقصدت انى اعاتبك فى اى حاجه بس كانت بتبقى مجرد اسئله وكان بيبقى نفسى يبقى ليها رد عندك
وقبل الرد لهفه لمعرفه السؤال وبعد اللهفه يكون شوق الاقيه فى صوتك بيطمنى ويريح بالى مش اكتر



...خدت من صبرى وطريقى منتهى
فعلا انت اخدت صبرى كله وخايفه احسن يكون قريب يخلص منى واخدت طريقى وخليت اوله واخره معاك انت
مش معاك نبضى اللى تاه؟
انا دلوقتى حاسه ان نبض قلبى مابيدقش ومش فيا اصلا مش جوايا مش حاسه بيه
ادق اوصف انه فعلا تاه ومش لاقيها وخايفه انه بعد ماتاه منى دلوقتى يتوه مننا بعد كده

ولااحساسى بكيانى وبالحياة
نفسى احس بكيانى وبحياتى معاك نفسى انى ليا كيان وحياة
حياة بعيشها وكيان بيتحافظ لى عليه حتى بينك وبين نفسك
اما حيرتى والعذاب ملكى انا هما اصحابى فى غيابك
انا ديما كده تسيبنى للحيره والعذاب ولااسئله مابتنتهيش ابداااااااااااااااااا
وديما هما بيكون اصحابى فى غيابك فعلا مع الدموع اللى مابقيتش تنزل من كتر مانزلت عليك
الله ع الاصحاب اللى انت سايبهملى اشكرك عليهم



ياحبيبــــــــــــى..ياحبيبى ياحبيبى قد عمرى قوتهالك وانت جنبى ببقى لسه مشتقالك
الجمله بتتكلم عن نفسها هظلمها وهظلم نفسى لو عبرت اكتر ماهى معبره عن نفسها
ماانت عارف انت سامع انة الليل والشوارع
قد ايه بيوجعوا وانت مش جنبى وبتحمينى منهم
كل حبه رمل بتقولك حرام
كل حبه رمل وكل حبه دم بتجرى فى عروقى بتقولك حرام من القسوه اللى انا بحسها
وفيــــــــــــن انــــــــــــــــــــــــــــــــــــــــــاا؟
بجد فين انا فى كل تخطيط وكل كلام بيتقال فين انا كاشخص مش هدف
والطريق مايل بحمله من العتاب؟كل حاجه رافضه بعدك مش هتفضل هيا بعدك
اه ع عتاب طريقى ومشوارى معاك صعب ومابوصلش معاه غير لدموع تغرق جروحى وتكويها وبيعذبنى اكتر بجد "كل حاجه رافضه بعدك مش هتفضل هيا بعدك"انا ممكن ماافضلش انا بعد بعدك وانت كمان ممكن تتغير وتتعود ع البعاد والجفا يكون صفه تتكون مابينا ونكون شاركنا فى ده وانا هكون شاركت بضعفى
لو ضرورى تفوتنى ..خد منى الحنين
بجد خده من قلبى عشان مااحسش باللى انا بحسه بيه واللى مدوبنى فى مكانى
قبل ماتبعد عنى.."اسجن الشوق والمنى واطلق الصبر فى وردى قبل مايطول بعدنا
"تقدر تعمل كده
ياربت تقدر تعمله
بس زى ماانغام ماقولت له فى الاخر حتى لو طال بعدنا

انت هنـــــــــــــا
بس اللى اميره هتقوله ليك..انت هنــــــــــــا بس لو البعد حصل
مش عارفه انا هكون فين وانت هتكون فين؟