سألني

سالني نفسك في ايه؟
قوتله نفسي تضمني
قالي رغم اللي بينا؟
قوتله رغم اللي بينا
قالي بس انا جرحتك؟
قوتله انا كمان جرحتك
رجع وسالني تاني نفسك في ايه؟
قوتله نفسي اسمع صوتك وانت بتقولي بتحبني
قالي انتي هتجنني؟
قوتله ماهو الحب ايه غير جنون
قالي انا مابقيتش فاهمك؟
قوتله هكدب عليك لو قوتلك اني فاهمه نفسي
قالي طب تعالي جنبي؟
قوتله بص جنبك هتلاقيني
قالي فين وانت بعيده عني؟
قوتله يبقي انت شايفني بعيونك اللي بره شوفني بعيون قلبك هتلاقيني جنبك
قالي طب خليكي هنا وراجع علي طول؟
قوتله ماتسبنيش
ماسمعش كلامي ومشي برضه
رجع تاني وسالني
نفسك في ايه؟
قوتله نفسي ماتسبنيش لحظه
قالي ماانتي سيبتني كتير؟
قوتله سيبتك كانفس بس كاقلب مقدرش يبعد عنك
قالي انتي كدابه؟
قوتله انا مش كدابه انا بس غبيه
قالي غبيه؟
قوتله اه غبيه عشان مش بعرف اقدر الحاجه الا لما تروح مني
قالي انا كمان كدا مش بعرف اقدر الحاجه الا لماتروح مني
بس انتي كنتي معايا وجنبي وحاسس بقيمتك بس ماعرفتش احافظ عليه
قوتله كلنا اغبياء في الحب
قالي بحبك لما بتكوني فليسوفه
قوتله انا بحبك لما بتضمني
وصحيت من حلمي وانا مبتسمه لا اول مره بعد بعدنا

تخاريف

اييييييييييييييييييه اللي انا بعمله ده؟
واييييييييه اللي بهببه ده
عاييزه منه ايه
بتحنني قلبه عليكي ليه
مع انك عارفه ومتاكده رجعكم بقي شبه مستحيل
ولو حصل والقدر لعب لعبته معاكم ورجعكم تاني
هترجعي تاني لنفس الموايل ولاهتقولي زي زمان
لا ماانا هرجع بشروطي وبقواعد تانيه جديده
طب مادا كان بيحصل زمان ولاانتي ولاهو كنتم بتلتزموا بيها
وهترجعي تاني لوجع القلب معها وترجعي تاني تستنيه وتحطي ايدك علي خدك
وترجعي تاني للعياط والبكاء
ماتقوليش بقي اكيد دلوقتي اتغير واكيد لما حس اني ضيعت من ايديه هيتغير
وهيحاول بقدر الامكان يحافظ عليكم من تاني
تبقي بتضحكي علي نفسك يانفسي
بجد اللي انا بعمله ده بجد هبل وعبط وهعلق نفسي انا تاني
هو مالوش ذنب ولاانا كمان ليا ذنب
بس خلاص حاسه ان اللي انا بعمله ده
بجد حرام عليا مش هينفع انا لازام ابعد عنه
انا لازام ابطل اكلمه زي مابكلمه
مش عايزها ينجرح تاني بسببي ولاانا كمان
مش عايزه تاني نتعب بعض ونيجي علي بعض
بجد حاسه ان اللي جوايا من ناحيته بقي اعمق من كلمه حب ممكن تتقال في ساعه صفا
او كلمه حنيه في ساعه مصالحه بعد خنائقه كبيره زي ماكان بيحصل
مع العلم اني مشتاقه لكل ده بس بجد ماينفعش
خايفه عليه وخايفه علي نفسي
والخوف الاكبر والاعمق اني اخسره
بسبب تهور او احتياجي ليه
نفسي يجرب يبعد عني ونفسي انا كمان ويحصل ده بجد
ولو في اللحظه دي بجد مقدرناش علي البعاد يبقي ساعتها
اللي جوانا اقوي واعمق من اي حاجه ممكن تحصل من تفاهات بينا
بس لو حصل العكس يبقي اللي جوانا ده مجرد احتياج كل واحد منا لتاني مش اكتر ولااقل
وانا مش عايزه احتياج اكتر ما انا عايزه عمر جديد يبقي بينا
زمن وحياه وكياااااااان كامل نبينه بجد وبكل مافيه من
جد وهزار وحب وتعب وغيره وكل حاجه كل حاجه
بس بالمنظر ده هبقي بضحك علي نفسي وعليه
يبقي من الاحسن اني افضل كدا
لااقرب ولاابعد

تخاريف

كل يوم بيعدي ويفوت
بحس اني بكبر
وبحس اني بفهم حاجات كنت فاكره اني فاهمها
احسن من اي حد في الدنيا
انا طول عمري ماعرفت حد اصغر مني
ديما كنت بحب اتعامل مع الناس اللي اكبر مني
كنت بحس ان دوال اللي من سني رغم انهم كان ممكن يكون سنهم
ضعف سني مرتين ع الاقل
بس لما كبرت بقي وعديت المرحله دي
بقي ليا اصحاب اصغر مني وبطلت استخف باللي اصغر مني
وراح مني احساس انهم عبط وهبل ومش فاهمين حاجه
بالعكس حسسوني بالندم علي عمري اللي ضيعته منغير مااعيش
حياتي وسني ويومي زي مايكون وزي ماهما كانوا بيعملوا
بس لما بعقد اسمعهم ولااقيهم بيعملوا اللي كنت بعمله بعقد اضحك
في الاول كنت بقولهم بلاش تعملوا كدا هتتعبوا وهتندموا لما تعدوا المرحله دي
بس دلوقتي بطلت اقول حاجه لاني لما اعقدت واتفرجت عليهم
لاقيتهم عارفين يعيشوا الاتنين احسن مني بكتير
يمكن عشان ظروف حياتي وايامي وسنين اللي عشتها كانت اقوي واشد منهم بكتير
ويمكن عشان انا كان غصب عني اني ابقي كبيره واتحمل المسئوليه من بدري
لكن هما بالنسبالهم حاجه تانيه خالص
بحس ان ليهم مسموح ليهم بالغط
اما انا ماكنش مسموح ليا بأي غلط بأي شكل من الاشكال
انا مش نفسي ارجع بعمري تاني ولاحاجه بس كنت بتمني اعرف اعيش عمري
وحتي دلوقتي انا حاسه اني برضه مش عايشه عمري
لاني بعد كل ده اكتشفت اني كنت مجرد متفرجه في حياتي اللي فاتت دي
اينعم انا عايشه بس دلوقتي لما بعقد مع نفسي وافتكر حياتي
بكتشفت اني كنت مجرد صدي لرد فعل اللي حواليا
كنت بجد من الكومبرس واحيانا كتيره كانت ببقي من المتفرجين
اكتر من كدا انا ماكنتش وحتي دلوقتي بحاول يكون ليا رده فعل
بس برضه بحس ان مالهاش مكان ولا ليها موقف
بحس ساعات اني بتلكك دلوقتي علي اي موقف يحصلي
عشان يكون ليا رده فعل انا اللي صناعها وعاملها
نفسي مااكونش صدي لااي حد تاني

تخاريف

بجد مش عارفه انا ليه كدا
ليه ديما بيحصل كدا
ليه ديما بتفهم غلط
ليه مافيش حد بيصبر عليا
ليه مافيش حد بيطبطب عليا
ليه ديما حاسه اني ضيفه علي كل اللي حواليا
ليه مش حاسه ان ليا كيان يخصني لوحدي
ليه ديما باخد كل خبطه وخبطه علي دماغي ومابقولش بس ولاكفايه
دا زي مايكون بقول لنفسي كمان وكمان
ياتري انا اللي بجيب لنفسي التعب والاحاسيس دي كلها
ولا ايه مش عارفه بجد اخرت اللي انافيه ده ايه
انا حاسه ان ماليش لازمه في حياة اي حد
ماليش اي دور في حياة اي حد
حتي حياتي اللي مش لاقيها مش لاقي لنفسي دور فيها
حاسه اني عامله ادور علي حاجه مش هلاقيها طول عمري
وهفضل كده بدور وبدور منغير فايده
وبعدين ياقلبي معاااااااااااك
وبعدين ياعقلي ياللي محيرني معاااااااك
عايز ايه ياقلبي عايز حد يطبطب عليك
انت ماعرفتش ياقلبي ان ماحدش عنده وقت يطبطب عليك
لان اللي جواك من جروح وخبط علي دماغك هيكون عندهم واحتمال يكون بزياده
اينعم انت مش بتقل علي حد وشهاده اشهد لك بيها
بس مين بقي هيصبر عليك؟؟؟؟؟
بالظبط ..مااااااااااااااافيش
وانت ياعقلي ياللي محيرني
اعمل فيك ايه بس ميت مره اقولك مافيش حاجه هتكون متفصله عليك
ومين قالي انك عايز كده كل اللي بشتكيك ليهم بيقولوا كدا
انت اللي اختياراتك غلط ومهببه بطين وجله وجيباني وراء
ايه رائيك بقي
عجبك كده يعني عجبك اللي انت عامله فيا ده
عجبك انك بتفهم كل حاجه لدرجه خليت كل اللي حواليك يفتكروك
حد خبره زي مابيقوله للاسف مع انك لو صبروا وحاولوا يشوفوا الابعاد التانيه منك
هيكتشفوا انك ولاخبره ولانيله منيله بطين
دا انت اعبط عقل شوفته في حياتي ياعقلي انت بااختياراتك
اي حد يبتسملي خلاص تقولي هو ده
ويطلع خداع وبايع وكداب وبيلعب بالقلوب لعب وكأنها
قرطاس لب بيتسلي بيه وهو اعقد وفاضي
بلا نيله ياعقلي انت وقلبي
هتفضلوا مدهولين كدا لحد امته
اي حد يقولكم كلمه حلوه ولاطيبه او يبتسم في وشكم
تجروا عليه وكأنه طوق النجاه بالنسبالكم
ليه ماعندكمش صبر ايه الصبر نفد خلاص منكم
تعبتم مش كده؟
انا كمان تعبانه قوي زيكم
ماانتم فيا واللي انتم بتعملوا بيجي عليا في الاخر
مش عارفه انا وانتم عايزين ايه
خلاص تعبنا عايزين نرتاح بس الراحه بالطريقه
بتاعتكم وبتاعتي دي هتجبنا وراء بجد
ساعدوني انا عارفه انكم مش قادرين ولاانا كمان
بس ساعدوني بجد حاولوا تصبروا ماتعملوش كدا فيا
براحه عليا واحده واحده وإن شاء الله هنلاقي اللي يفهمنا
ويصبر علينا ويطبطب علينا ويعرف يروادنا بجد