Sunday, April 12, 2009

تخاريفى....أنغام



اعمل ايه فى الوحده وانت مش هنا؟؟؟
سؤال سالته انغام فى اغنيتها
وسؤال اميره بتسالهولك فى حدوتها معاك

اعمل ايه؟ومنين اجيب صبر؟
زى ماهى قالتله وزى ماانا بقولك...اعمل ايه؟؟؟
من سؤال مهزوم بيترجى الجواب؟؟
انا فعلا حاسه انى مهزومه وضعيفه ونفسى رد لسؤالى بجد
مش بتقصد عينى ياحبيبى العتاب؟
بجد والله انا عمرى ماقصدت انى اعاتبك فى اى حاجه بس كانت بتبقى مجرد اسئله وكان بيبقى نفسى يبقى ليها رد عندك
وقبل الرد لهفه لمعرفه السؤال وبعد اللهفه يكون شوق الاقيه فى صوتك بيطمنى ويريح بالى مش اكتر



...خدت من صبرى وطريقى منتهى
فعلا انت اخدت صبرى كله وخايفه احسن يكون قريب يخلص منى واخدت طريقى وخليت اوله واخره معاك انت
مش معاك نبضى اللى تاه؟
انا دلوقتى حاسه ان نبض قلبى مابيدقش ومش فيا اصلا مش جوايا مش حاسه بيه
ادق اوصف انه فعلا تاه ومش لاقيها وخايفه انه بعد ماتاه منى دلوقتى يتوه مننا بعد كده

ولااحساسى بكيانى وبالحياة
نفسى احس بكيانى وبحياتى معاك نفسى انى ليا كيان وحياة
حياة بعيشها وكيان بيتحافظ لى عليه حتى بينك وبين نفسك
اما حيرتى والعذاب ملكى انا هما اصحابى فى غيابك
انا ديما كده تسيبنى للحيره والعذاب ولااسئله مابتنتهيش ابداااااااااااااااااا
وديما هما بيكون اصحابى فى غيابك فعلا مع الدموع اللى مابقيتش تنزل من كتر مانزلت عليك
الله ع الاصحاب اللى انت سايبهملى اشكرك عليهم



ياحبيبــــــــــــى..ياحبيبى ياحبيبى قد عمرى قوتهالك وانت جنبى ببقى لسه مشتقالك
الجمله بتتكلم عن نفسها هظلمها وهظلم نفسى لو عبرت اكتر ماهى معبره عن نفسها
ماانت عارف انت سامع انة الليل والشوارع
قد ايه بيوجعوا وانت مش جنبى وبتحمينى منهم
كل حبه رمل بتقولك حرام
كل حبه رمل وكل حبه دم بتجرى فى عروقى بتقولك حرام من القسوه اللى انا بحسها
وفيــــــــــــن انــــــــــــــــــــــــــــــــــــــــــاا؟
بجد فين انا فى كل تخطيط وكل كلام بيتقال فين انا كاشخص مش هدف
والطريق مايل بحمله من العتاب؟كل حاجه رافضه بعدك مش هتفضل هيا بعدك
اه ع عتاب طريقى ومشوارى معاك صعب ومابوصلش معاه غير لدموع تغرق جروحى وتكويها وبيعذبنى اكتر بجد "كل حاجه رافضه بعدك مش هتفضل هيا بعدك"انا ممكن ماافضلش انا بعد بعدك وانت كمان ممكن تتغير وتتعود ع البعاد والجفا يكون صفه تتكون مابينا ونكون شاركنا فى ده وانا هكون شاركت بضعفى
لو ضرورى تفوتنى ..خد منى الحنين
بجد خده من قلبى عشان مااحسش باللى انا بحسه بيه واللى مدوبنى فى مكانى
قبل ماتبعد عنى.."اسجن الشوق والمنى واطلق الصبر فى وردى قبل مايطول بعدنا
"تقدر تعمل كده
ياربت تقدر تعمله
بس زى ماانغام ماقولت له فى الاخر حتى لو طال بعدنا

انت هنـــــــــــــا
بس اللى اميره هتقوله ليك..انت هنــــــــــــا بس لو البعد حصل
مش عارفه انا هكون فين وانت هتكون فين؟

8 comments:

MR-BOLICA said...

بصى بقا
ياريتنى منزلت النوت
هههههههه
ده شكلوو زود الطين بله

DaNDoNa said...

عجبتنى اوى جمله>>> فين انا كشخص مش هدف
بس مش ممكن بردو يبقى الهدف ده حاجه حلوه اوى؟
بيبقى جميل انك تحسى انك هدف لحد
هدف بمعنى انك قدام عينه
انا عايز اوصل للهدف ده
وهاعمل المستحيل عشان اوصله
ده مش حاجه جميله بردو؟
وكمان مفيهاش مشكله يعنى لما الحاجه الحلوه يبقى فيها شويه ملح
ده حتى بيخلو طعمها يبان اكتر
فهمانى انتى طبعا

meroooo said...

ههههههههههههههه لا ماتقولش كده بس اهو ساعدتنى فى حاجات جوايه تايهه ولاقيتها وخليتنى اعرف اعبر عنها

meroooo said...

فاهماكى يادودو بس لما تبقى مجرد هدف وتتنسى كاانسانه ليكى دور فعال مع اللى شايفك هدف خلاص هتحسى انك مجرد ما الهدف يتحقق انتى كمان هضيع حلاوتك انا عايزه اكون انسانه وهو عايز يعتبرنى هدف يعتبرنى شئ جميل بس مايتقاليش وماتحسسنيش انى مجرد هدف انت بتسعى للحصول عليه وفقط مش كيان انت حابب تعيش معاه اللحظه باللحظه وبالتالى هيبقى عندك الهدف ده جواك هدف انك تعرفنى اكتر انك تكون معايا انى اكون حلم عايز توصله بس مش اتحول لمجرد هدف كل همك الوصل اليه من غير مراعاه اى شئ

HoBa said...

حسيتك اوى عشان حسيت ان الكام طالع من قلبكف لحظة من غير تفكير ولا تحضير للكلام
فهماكى ومعاكى حق ف الكلام كلة
بس اكيد بكرة احسن من الى فات ويارب تكونى ع طول مبسوطة
(k)

hamada said...

يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية "رواية سنوية سنقوم بنشرها في الجريدة"
4/ المقال الصحفي
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com
شروط المسابقة
1/ ..............................
2/ .............................
3/ ..............................
لا يوجد شروط الشرط الوحيد هو العمل الجيد , والعمل المحترم البعيد عن الإسفاف
المقالات أرجوا أن تكون تخص الانسان العربي , تاريخه , عاداته وتقاليده , مقالات إجتماعية وثقافية ....
أرجوا التفاعل معنا في الجروب على العنوان التالي
http://www.facebook.com/group.php?gid=45202724108#/group.php?gid=78080770039

ســـهــــر said...

دى مش تخاريف خالص
دة كلام طالع من القلب ووصل للقلب بسرعه
تحياتى

Omar essamett ondama said...

tré tré bouas