Thursday, June 21, 2007

فلسفه الحب




اخر مااكتشفته من تفكير في الحب
ان كل واحد فينا وله تفكيره وتصوره للحب اللي عايز يعيشه
بمعني ان كل واحد فينا وله فلسفته في حبه
بمعني تاني او بمثل
ان كل واحد فينا اكيد حب وبيحب وبيحصل مشاكل بينه وبين
الشخص اللي بيحبه السبب بقي مش في اللي بيحصل
سيبك من العوامل او الاسماء المعروفه بأسم
الغيره والاخلاص والخيانه ومش عارفه ايه
كل ده بيتحط تحت بند فلسفتك لحب بنظريتك انت
يعني في ناس بتسيب حبايبها ولما بتسيبها بتقول احيانا
اسباب واشياء الشخص اللي قدامه مش قادر يفهمها
ليه بقي لان السبب الحقيقي ان لا انت ولا الشخص الاخر
عارفين تعرفوا فلسفتكم لبعض
هو ده السبب الاشخاص اللي بجد ناجحين
هما اللي قادرين علي انهم يعرفوا لفسلفتهم للحب لبعض
وكل شخص فيهم اقنع التاني بنظريته للحب وفلسفته لبعضها
اما بقيت الاسباب والمبررات التانيه بتيجي بعد ده
بس اللي اكتشفته بجد ان السبب الحقيقي ان كل واحد فينا
وشايف الحب علي طريقته ومش شرط ان الشخص اللي ارتبط
بيه هيقتنع بوجهه نظري في الحب والعكس صحيح
فاانا قصدي ايه من اللي بكتبه
ان ماحدش يزعل علشان ساب حد بيحبه او كان بيحبه
مش ماتزعلش بس ماتضايقش ان الطرف التاني مافيهش فلسفتك
يمكن الغلط منك انك ماعرفتش تعرفوا عليها والعكس صحيح
بلاش بقي تبصوا نص الكوبايه الفاضيه لان المليان كتير اوي
صدقونــــــــــــــــــي

12 comments:

غمض عينيك said...

بس ياميروو انا شايف ان الحب اذا وجد بين اتنين وكبر فعلا مابينهم يبقى المفروض هما الاتنين فهموا بعض وفهموا مشاعر بعض كويس
يمكن التصرفات وردود الافعال هي اللي تطغى ع الحب ده انما اتفاق المشاعر بيتهيألي هو اللي وجد الحب

تحياتي ليكي
محمد سمير

Meda said...

فلسفتك فى الحب جميلة يا ميرو ..

بس غريبة شوية !!!
انا شايف ان اى فلسفة فى الحب المفروض فى النهاية توصلنى انى اكون انا وحبيبى متفهمين وتخلينا نرتبط ببعض اكتر واكتر.
ليه كل اتنين بيحبوا بعض ميحولوش
يفهموا بعض اكتر.
يقربوا نفسيهم لنقطة واحدة.
يحولوا يوصلو لحل لاى مشكلة بينهم ...

فلسفة الحب فلسفة وحيدة بسيطه ومفهوممة.

اهم ملمحها التسامح والصراحه والتضحية ..... لو بتحب فعلا الحب حيخلق فيك الصفات دى وبدون ما تشعر حتتعامل بيها مع حبيبك علشان تحافظ عليه وعلى حبك وكمان تقويه وتكبره...

وفى الاخر فا فلسفة الحب فلسفة لازم تنتهى بيك فى اخر فهمك ليها لعلاقة بينك وبين حبيبك مفيش فيهااى نوع من الحزن او المعناه من حد فيكوا.
مفيش فيها فراق ولا مشاكل ....
يكون بينهم قمة التفاهم والارتباط والحــــب .

A.SAMIR said...

انا اعتقد يا ميرو ان لما اتني بيسيبوا بعض مش لازم يكون حد صح وحد غلط
ممكن جدا يكونوا هما الاتنين صح بس ماعرفوش يتفهموا مع بعض
موضوع جميل
تحياتي ليكي

انتظار مؤقت said...

حب ايه الي جاين تقولو عليه هوه فاضل حد يعرف معنى الحب ايه ...يا وجع قلبي من الحب
تحياتي

bocycat said...

اللى بتقوليه كلام حلو وجميل لكن وقت الجد مش بينفع .. مقدرش احب واحد اوى ويبقى هو كل حياتى واكيد احنا ال2 فاهمين بعض وعارفين احنا ايه لبعض .. ووقت الفراق اقول ياللة مش مهم اللى جاى بكرة حيبقى احسن .. صدقيتى النسيان صعب اوى ومش بييجى بسهولة ... أسألى مجرب ولا تسألى طبيب .. تحياتى

meroooo said...

محمد: ماهو ده قصدي بما انهم اتفهموا وقدروا يكملوا يبقي اكيد عرفوا يعرفوا فلسفه حبهم لبعض بس اذا العلاقه انتهت يبقي اكيد كان حد بيمثل علي التاني علشان يمشي الحب او الحاله اللي هما حبوها في بعض
ويسلملي مرورك الدائم
**********
ميدا:حلو اوي تحليلك للكلام والتفسير معاك باللي بتقوله بس ممكن اللي قدامه ماتفهموش او تحس فلسفتك
ويسلملي مرورك اللي غير دائم

meroooo said...

سمير: الله عليك بجد ماهو ده قصدي مش مهم حد يكون صح او غلط بس المشكله انهم مش عارفين يعرفوا بعض علي فلسفتهم للحب او بالمعني المسمي دائما يفهموا بعض اصل مسأله اني افهمك وانتي تفهمني مسأله نسيبه معروفه هعرفك يعني هعرفك بس اني اقدر اعرف فلسفه حبك وتخيالاتك ليه دا موضوع تاني ممكن مااقبلوش او مااحبوش
يسلملي مرورك الدائم
*********
انتظار مؤقت:ههههههه ياعيني علي الناس المجروحه اه وربنا ياوجع قلبي معاك تعال نعمل مشروع وجع الحب لان مافيش حد مش موجوع منه
يسلميلي سؤالك ومرورك الدائم

meroooo said...

bocycat: معاك وانا اكتر واحده عارفه برضه معني النسيان انه اصعب شيئ انا ماقولتش ماتزعلش وماتتالمش بس ماتشيلش الهم كله لوحدك لان اكيد في شيئ اقوي منك ومن الطرف التاني رافض لفسلفه كل واحد فيكم دي الفكره مش اكتر وبعدين لو في شخصين قادرين علي انهم يعرفوا بعض علي فلسفتهم يبقي اكيد علاقتهم ناجحه
وشكرا ليك

شاب نفسه يحقق حلمه said...

الحب احساس جميل
من غيره مش ممكن نعيش
بس يا خساره
وقت الفراق بيبقي صعب قوي
ومينفعش ساعتها نقول لا مش لازم نتفارق
حتي لو ملناش ذنب في الفراق ده
وبعيد عن ده كله انتي فلسفتك جميله جدا عن الحب
تحياتي وان شاء الله الجديد احسن

farfasha said...

اكيد كل واحد له فلسفته الخاصه في الحب بس اللى اعرفه ان كل الاحبه بيشتركوا في حاجات معينه للحب
كل الناس بتتفق عليها
واكيد اكيد مع وجود الاحترام والحب بين الاتنين
لازم يحبوا بعض اوى اوى
لان ده تواصل ارواح
بجد بوست تحفه
وحلو اوى

meroooo said...

شباب نفسه يحقق حلمه:اكيد الحب احلي احساس في الدنيا وهو الطاقه بتاعتنا في حياتنا اليوميه بس وقت فراقه بنبقي عاملين زي العربيه اللي خلص بنزينها في وسط الصحراء ومافيش حد يساعدنا علشان نرجع او نكمل حتي
يسلملي مرورك
**************
فرفشه:الحب عمتا احلي حاجه في الدنيا بس المهم اننا نقدر نعرف بعض علي فلسفتنا في حبنا وطريقتنا
وتسلميلي ويسلملي مرورك

e7sas.el7op said...

سلامى اولا
بجد كلام جميل جدا بس دى نقطه واحده من التفاهم فى فلسفه الحب بس بجد نقطه مهمه جدا ومن اكبر الفلسفه فى الحب والاحساس والتفاهم
تحياتى