Thursday, March 29, 2007

....حب



حب..
حرفين العالم كله بيلف حوليهم
في منهم اللي بيدورعليهم
وفي منهم اللي لقيه
وفي منهم اللي لقيه بس مش قادر يطوله
وفي اللي طاله بس تعبان منه
ماهما بيقوله الحب
ياأما يجب السعاده والفرح
ياأما يجبلك الشقاء والحزن والتعب
ياتري الحب ده واقع فعلا ممكن
يجلب معه السعاده والحزن ايضا
اما خيال نبحث عنه لكي نرضي مافي بداخلنا من احاسيس
انني لا انكر انني ايضا ابحث عنه
ولا افكر يوما اذا كان الحب واقع ام خيالا
ولكنني احسسته وتعياشته ايضا
ولكنني احسه كانه طفل يجب علينا ان نرعها
ونحسسه بالامان والاطمئنان
انني لا ادري لماذا كتبت هذا الكلام؟
ولماذا افكر اذا كان الحب واقعي ام خيالي؟
بس احسست انني عليا ان اطرحها علي نفسي
وارئ كيف سيرد قلبي وعقلي
ولكنهم لم يجبوني
فاهل يوجد حد يعرف الحب حقيقي ام خيالي؟

7 comments:

Meda said...

ده سؤال يا ميرو طبعا الحب حقيقه وموجود وصعب انك تعيشى منغير حب بس نادر انك تلاقى الحب الحقيقى والشخص الى يحبك بجد ويكون حبه حقيقى اقولك ايه بس لما تحبى حتفهمى كلامى ده اكتر لان احساسك بالحب حيخليكى يمتلكك ويملأ عليكى كل حياتك و يحاوطك فى كل مكان هو ده الحاجة الوحيدة اللى مستحيل تزهقى منها مهما طاردتك إحساس جميل بيحسسك براحة غير عادية دنيا تانية ما حدش بيتمنى فيها حرية بالعكس سجن الحب بيكون أحلى بكتير إحساس غريب بأن كل الناس حواليكى مجرد ولا حاجه شخص واحد بس هو اللى حقيقى هو كل الحياة و كل الكائنات و كل الدنيا كلمة واحدة بس هى مفتاح الأمان و سر الإبتسامة الدائمة على ملامحك كل دنيا ( الخوف والحيره والدموع ) تتلاشى أمام لحظة صفا و صدق مع حبيبك حرية منغير حدود داخل إطار وردى شوكه لا يؤلم و إنما يذكر دائما بأن لحظة فى هذا الإطار تساوى أيام العمر ابتسامات و همهمات كلها بواعث للبهجة التى تغمر قلبك فالحياة ستصبح فيها حبيب هو كل شىء و المحافظة عليه تعنى المحافظة على الحياة أفكار ومشاعر دايما بتدور جواكى فيقرأها هو و يمليها عليكى فى اذنك فتسلمى له كل شىء و تؤمنى بقوته الخارقة فى خلق السعادة و غرسها فى روحك فلازم يكون فى حب ولاازم يكون موجود لاان منغير حب مش هنقدر نعيش الحياه لانها حتكون صعبه قوى

heba labeb said...

سؤال غريب اوى يا ميرو ع فكرة
ازاى بتقولى الحب الحقيقى واقعى ولا خيالى
وانتى جربتى الحقيقى
الحب اصلا حقيقة
لكن فى ناس ساعات بتوهم نفسها بمشاعر عادية انها حب وعشان كدة بتلاقى سراب فى الاخر
بس دة عشان اصلا هى محبتش
لكن الحب
يعنى اتنين بيحبو بعض بيخافو ع بعض بيحسو ببعض
طبعا موجود
حتى لو عشنا وموتنا من غير ما نقابلة
بس هو موجود
ومش خيال ولا حاجة
نايس بوست
بس ظبطى اللغة شوية يا طنط:D

YoYo said...

بصى يا ميرو الرسول صلى الله عليه وسلم قال لن يدخل احدكم الجنه حتى اكون احب اليه من نفسه دى دعوة لحب النبى
ازاى النبى هيدعونا اننا نحبه ويبقى الحب مش حقيقى
الحب احلى حقيقه من غيره مش هنقدر نقاوم متاعب الحياة
هو الطاقه اللى بتخلينا نستمر
مش ممكن يبقى خيال لانه لو خيال مش هيبقى فى اى حقيقه
ربنا يوفقك يا ميرو وتلاقى الحب اللى يغير حياتك

meroooo said...

والله ياميدا انا لو كنت اعرف انك بالمشاعر دي كان زماني مغيره رائي فيك سبحان الله مش قادره اقولك انا كانت عامله ازاي قدام ردك بصراحه كنت متنحه وكلامك ميه ميه يعني ولا فراخ الجماعيه تسلملي يامحمد
***********
بوبا قدري المستعجل
انا فعلا جربته وبعدين انا قولت في كلامي اني جربته وعشته وكلامك عاقل واكيد انتي اكتر اثبات اللي حب الحقيقي
وبطلي فضايح وبعدين ماكنتش اعرف انك مدرسه لغه عربيه وبعدين ميت مره اقولك بصي للمعني مش للكلمه
تسلميلي يابوبا
***************
يويو حبيبه قلبي اكيد الرسول دعانا باننا نحب وكل حاجه بس تفتكر كان الرسول قصده علي حبنا بتاع اليومين دوال زي مابيسموا وبعدين ياقمريه انا ماقولتش ماتحبوش بالعكس حبوا وكل حاجه بس المهم افهموا معنها لانه قليل اوي اللي بيقدروا يوصلوا للمعني بتاعه
تسلملي ياحبي

ody911 said...

إنتى بتسألى سؤال صعب مش سهل


منتظرين حد يكون عارف الأجابة ويقولنا بقة


ولغاية ما دة يحصل


عادى بقة
أودى

meroooo said...

بالظبط احنا مستنين حد يعرف بجد معني كلمه حب دي معنها ايه واللي يعرف معنها قليلين جدا يااودي
واذا لقينا ممكن مايمشيش مع احساسنا
كل واحد جواها تجرمه للكلمه دي
بس صعب اننا نوصلها
شكرا ليكي

bastokka طهقانة said...

حلو قوي الماوس بونتر ده
سانتيمنتال خالص