Wednesday, February 21, 2007

The End





الكلمه دي احيانا بحس انها صعبه اوي
وساعات كتيره اوي بحس انها تقيله علي لساني
مش عارفه الاحساس ده بيكون مالكني اوي لما بكون
مش قادره اكمل مع شخص ما
ساعات كتيره مش بقدر اقولها
وساعات كتيره بتملكني قوه
واقدر اقولها
خلاااص او دي هي...
النهايه
النهايه ..قد ايه كلمه تقيله لما بتسمعها
لما تقولها
بس ساعات ناس كتير اوي بتقولها وبعد كده
وبعد كده بتتندم علي انها قالتها
طيب ده شعور علشان انت حاسس انك اتسرعت
ولا احساس بانك جرحت شخص تاني
انا يمكن قولتها
وسمعتها...
لما سمعتها حاسيت ان كان قدامي
بيت او حلم او جدار كبير اوي
ولما اتقالت الكلمه دي هديته
حسيت وكأن نار بتحرقني
كأن حبل بيتلف حوالين ايامي الجايه
حبل بيكمشني حوالين نفسي
حبل بيقتلني بس قتل..
مع اقاف التنفيذ
بيرسملي ايامي الجايه بالسواد الكاحل
بس رغم ده كله ورغم انها كلمه صعبه
بس كلمه اسمها نهايه واسمها بدايه
نهايه بتكون لبدايه حياه تانيه
ممكن تخليك اكبر وممكن تخليك صغير
الكلمه دي علي قد ماهي صعبه
ممكن تخليني اكتب فيها لعمري اللي فات
لان اللي جاي بتمني انه مااسمعش فيه كلمه
نهــايه
بس لازام تعرفي يانهايه ان اخرك
بدايه

3 comments:

maioya said...

عجبتني اوي ياميرو البلوج ده
وبعدين انا فكرتك هاتنتحري يابت ولاحاجه :d
بس عامه كلامك مظبوط في نقطه ان كل نهايه وراها بدايه
بس مش معقول ان احنا هانقضي حياتنا كلها كده بكل يوم بدايه ونهايه
لازم في فتره نستقر علي بدايه ونبقي راسمين نهايه صح ليها

وجميل اوي البوستات بتاعتك عموما بالتوفيق ياقمر ;)

meroooo said...

ربنا يخليكي ليا يامي ياقمر
وزي ماقولتي لازام يكون في استقرار
شكرا ليكي

حواء said...

فعلا كلمة صعبة اوى اما يقولها حد لحد تانى هو لسة بيحبه بجد بتوجع اصلى جربتها