Monday, February 19, 2007

فكرت في البلوج النهارده





النهارده كان عندنا
يوم نظافه عالمي
وانا بساعد امي
سرحت وفي حاجه غيربه ممكن الناس تشوفها تافه
بس انا شايفها بجد قمه الحب لشيئ ما
والشيئ الما دي كان البلوج بتاعي
انا لسه عاملها قريب بس كان في بالي طول النهار
عامله افكر ياتري اكتب ايه النهارده
وافتكرت لما كنت بعمله مع ريم
وغبائي مع التكنولوجيا
وزي ماهي بتقول معها مفتاح فتح باب الغباء
وافتكرت لما بعتها لااصحابي
واللي اعقدوا يتريقوا علي اللغه العربيه اللي عندي مكسحه شويه
بس انا مش بهتم اني اكتب الكلام صح
مش عارفه ليه لما حد بيقولي عندك كلمه غلط
بيضيع احساس الكلمه انا كاتبها كده غلط صح
بس كاتبها في وقتها باحساسها
مش مهم بقي صح ولا غلط بس الاحساسها موجود ومعنها موجود
بالنسبالي علي الاقل
مش عارفه ليه كنت عامله افكر في كل ده
ومش عارفه انا ليه نزلت الكلام ده دلوقتي
او بقوله ليه بس علشان حاسه ان الصفحه دي
واللي اختارتها حاسه انها بيتي التاني
او انا بس من جوه
يمكن بيشوفها ناس كتير
وبيعرفوا وفي منهم بيشوفوني لااول مره في حياتهم
وفي ناس كتيره عرفتها عن طريق الصفحه البلوج دي
لقيتهم ناس تانيه غير اللي بتكلموا معايا تقريبا كل يوم
بس سبحان الله ان حته صفحه تخلينا نتعرف علي بعض
هو فعلا مسبب الاسباب

1 comment:

bocycat said...

حقيقى كلامك صح والمهم اننا بنتعرف على ناس محترمين وبنكون اصدقاء بس عالورق كفاية بنلاقى حد يشاركنا افكارنا ومشاعرنا وبيقولوا رأيهم بصراحة .. اما الاخطاء بقى انا من رأئى ان الكلام اما حيطلع من القلب حيوصل واحنا مش موجودين عشان نصحح الاخطاء الاملائية وخاصة فى مدونين متخرجين من مدارس اجنبية والعربى عندهم مش اد كدة .. تحياتى