Friday, May 18, 2007

اخ منكم يارداله



بيقول لو في مشكله بين ولد ولد
دور علي البنت وهتلقيها هي السبب
لو لقيت الراجل زعلان مع حبيبته او مع مراته
تبقي السبب هي مش هو
ياسلام عليكم يارجاله
طب مابرضه لو دورنا علي سبب زعل البنات من بعض
هنلقيها بسبب رجاله
لما تبقي واحده بتحبك وانت بتبص لصحابتها وتخليها تشك فيها قبل منك
لو تبقي متجوز وتبص لصاحبه مراتك وهي عندكم في بيتك
لما تبقي الست هي وصاحبتها اصحاب موووت وتبقي علشان البت عامله حاجز
بينك وبينها تبداء تقلب عليها وتقولها ماتكلميهاش تاني
والبنت لو سألتك ليه هتقولها اهو كده اصلها مش مؤدبه
هي برضه وتخلي الاصحاب بيعدوا عن بعض
ومافيش سنه او اقل وكمان انت اللي هيكون من جواك
مخلصها وتسيبها بعد ماسابت صاحبتها
وتخليها تخسر كل حاجه وتجي علشان ترجع العلاقه تاني تلقيها باظت بسبب الولد
ولا لما تبقي عديم الاخلاق وتروح ترسم علي واحده انت مش معجب بيها وممكن
تكون اصلا مش طايقها علشان توصل لصاحبتها
يبقي مين سبب المشاكل اصلا
الرجاله اخ منكم يارجاله
اه انا عملتكم بوست وبشهد اننا من غيركم ولا حاجه
بس زهقت من جمله ابحث عن المرأه وراء كل مشكله
ياسلام كان

الاجاله ملايكه عايشه علي الارض
واحنا ابليس اللي عايش علي الارض
بنوقع الدنيا كلها في بعضها
فا بلاش بقي نعلق اخطأنا علي الستات
لان كل مشكله ولها
فاعل ومفعول
مش الستات هي السبب دا الجهل ده
معصبني يارجاله بجد

دا احنا ملايكه الارض

18 comments:

جزر said...

الله يرحمك ياماري يامنيب مدوباهم اتنين مثال للحموات المتفجرات
هههههههههههههههههههه
المهم ... بجد موضوعك متميز وحقيقي انا معاكي في كل كلمه

انتظار مؤقت said...

انت مختاره اسم مدونتك الحب كله و انا بعشقك الاغنيه دي و اول مره كمان ازورك و باين مكنش وقت مناسب ممكن ارجع بعدين ..عموما يا قمر نوريني في المدونه عدي و هدي عندنا يمكن تجدي ما يسركي

Mohamed Samir said...

يسلااام
البنات دول احلى حاجة في الدنيا
دول هما النسمة الحلوة اللي في حياتنا احنا يارجالة
الكريزة اللي في التورتة
البنات هما اللمسة الحنينة اللي بتخفف الهموم
البنات يعني ابتسامة جميلة ونظرة تسحر وقلب يكفي دنيا بحالها
البنات دول هما النور اللي بينور حياتنا
زهرة جميلة وسط جنينة كلها حشيش -اللي هما الرجالة-
البنات هما الضحكة الصافية اللي تملى الدنيا مزيكا
البنات دول ملايكة ع الارض
البنات البنات الطف الكائنات
طافا طيفي طافا طا
..اي خدمة
وسمعني احلي سلام مربع ياجدع

تحياتي

re7ab said...

مالك ومال الرجاله بس يا ميرو
ها تقوميهم علينا ليه بس
بصى يا ميرو اللى واضح اكيد ان هما ديما ظالمنا واحنا برضة بنظلمهم
يعنى مافيش حد احسن من التانى هما بيقولوا البنات فيها وفيها واحنا كمان بنقول الرجاله فيها وفيها
بس فى الاخر ومهما اتقال محدش فيهم بيقدر يستغنى عن التانى لانهم فى الاخر بيكملوا بعض هما الاتنين
تسلمى يا قلبى على موضوعك اللذيذ

A.SAMIR said...

يعني مش ملايكة قوي مش للدرجة دي
بس بجد انا مقتنع بحاجة
ان لا كل البنات ملايكة ولا كل الرجالة شياطين
المسالة مسالة اخلاق وتربية من الاول والاخر
فتش عن الاخلاق ورا كل مشكلة او ازمة بين الرجل والمراة
ممكن يكون الرجل هو السبب وممكن تكون المراه
مالهاش قاعدة خالص
تحياتي واحتراماتي

الكلام نوعان :كلام فارغ وكلام مليان كلام فارغ said...

عندك حق كفايه اوى ان السبب في الحروب رجاله
وخناقات رجاله مع بعضها
وكفايه انهم ممكن تاخدهم العزه بالاثم ويحلفوا بالطلاق وتبقى الست المسكينه متشرده في الشوارع عشان كلمه جوزها
ياااااااااااه
هانقول ايه بقى
اهم برضه " ضل راجل ولا ضل حيطه"
ولو ان الحيطه ساعات بيبقى لها لازمه وبتنفع اكتر
سلامي

maged stephen said...

ياريت متعمليش كده تانى
اتفقنا؟

.:.-=- ELGaZaLy-=-.:. said...

هممممممممممم

اصل القاعدة فرنسية اصلا

فتش عن المراة

وحقيقى انا مفقيش مصيبة او خناقة شوفتها الا وكانت بسبب واحدة ست

ثم بصى
اساسا اية الى قوم كل الحروب فى العالم

واحدة ست

الحرب العالية الاولى قامت لية؟؟؟

حرب طروادة لية؟؟؟
مين خلى ششمون يهد المعبد

انا ببص على انهم كائنات مش راجل وست

بس عامة بوست جميل وان كان متحيز ودة الى غلط فية

david santos said...

It places fhoto of Madeleine in your bloggue


Missing Madeleine!
Madeleine, MeCann was abduted from Praia da Luz, Portugal on 03/03/07.

If you have any information about her whereabouts, please contact Crimestoppers on 0800555111 Please Help

صاحب البوابــة said...

مدونة جميلة زرتها فأعجبتنى

واعجبني الموضوع جدا

تحياتي

Mirage said...

مش دايما يعنى
انتى جاية على البنات زيادة عن اللزوم

نفسنا said...

تم أفتتاح العدد الأول من مجلة نفسنا
نتمنى منكم زيارتنا

meroooo said...

اسفه علي التاخير في الرد بجد غصبن عني
المهم نبداء
جزر: ربنا يخليك ياجزر وشهد شاهد من اهلها
وتسلم
انتظار مؤقت:
انا كمان بحب الاغنيه دي بتاعت الست بس انا مش كاتبها علشان الاغنيه علشان انا من وانا في 2 اعدادي تقريبا بكتبها بس مش اكتر وتسلملي وماتكنش ان شاء الله اخر زياه وديما هتلقيني عندي

meroooo said...

روبي حبيبه قلبي
انا ماجيتش جنبهم والله ياروبي بس هما اللي مدخليني في كل حاجه تقريبا هيقوله اننا السبب في احتلال فلسطين والعراق وللاسف رغم كل ده مش بنقدر نستغني عن بعض وتسلميلي ياحبي
سمير ابو سمره مصممه اقولهالك واللي يزعل يزعل بس المهم انت مش تزعل اكيد التربيه وراء كل حاجه بس ساعات بيكونوا اهليهم مربيهم احسن تربيه وبرضه مش بيبقوا زي مابنكون متخيلين اهم حاجه انك تدور علي الفاعل والمفعول
تسلملي ياابوسمره

meroooo said...

كلام نوعان :شكلك مخنوقه من الحركه دي زي بس زي مابتقولي ضل راجل وولا ضل حيطه هما بالنسبالنا حيطه احنا بقي ايه بالنسبالهم؟ تسلم
maged stephen :هو ايه بالظبط اللي مش اعمله تاني حضرتك يعني؟معليش اصل انا فهمي علي قدي وشكرا لمرورك

meroooo said...

.:.-=- ELGaZaLy-=-.:الموضوع مش موضوع تحيز وبعدين ايه الكلام ده وايه القاعده دي مافيش اي قاعده تقول ان الست السبب في كل حاجه وحتي لو فيه مش هنمشي عليها ونعملها شماعه نعقل عليها كل حاجه
تسلم

صاحب البوابه:ربنا يخليك علي زوقك ويارب تزوني كده ديما وشكرا ان الموضوع عجبك
Mirage: انا مش جايه علي حد انابقول ان الرجله مش تعملنا شماعه لااخطاء بنكون مالناش ذنب فيها
تسلم

roka tota said...

nice song

Ahmed Hodaib said...

ههههههه انتو ليه مفروسين آوي كدا مننا ع قلبكم