Tuesday, May 29, 2007

احساس جديد وغريب



انا النهارده حاسه اني سعيده
فرحانه مش عارفه من ساعه مارجعت من الدارسه بتاعتي
وانا مبتسمه كده وفي الشغل اعقده عامل اضحك
وحاسه ان جوايا طاقه حب فظيعه
عايزه امشي اقول لناس انا بحبكم
في ناس هتفتكر ان في حد جديد دخل حياتي
بس والله ابدا انا زي اما انا لا حبيت ولا ارتبط ابدا
لسه زي ماانا بس حاسه بطاقه جوايا من الحب والسعاده
ممكن تكفي العالم كله مش عارفه ايه الاحساس ده
رغم اني مستغربها بس حابها اوي
حاسه اني لسه مراهقه
او
حاسه اني رايحه اقابل حبيبه مثلا ونفسي البس احلي لبس عندي
نفسي ابقي اجمل بنت في العالم
حاسه اني مكسوفه وايديه متلجه من الكسوف
مش عارفه ياجماعه اللي انا فيه ده توديع لمراهقه ولاايه
انا قربت اكمل 21 سنه يمكن اللي انا فيه ده توديع لمراهقه خلاص
ولاايه مش عارفه بجد كل الاحاسيس الحلوه اللي كلها حب
جالي علي اساس ايه مش عارفه
بس انا فرحااااااااان وسعيده اوي
وحاسه ان شاء الله ربنا هيديمها عليا
قولوااااااا ورايااااااااا
آآآآآآآآآآآآآآآمين

7 comments:

انتظار مؤقت said...

يارب دايما و على طووووول و دايما تفاؤل و حب و سعاده امين يا رب

غمض عينيك said...

علي قد فرحك وانبساطك البوست طالع كله فرح وبهجة وتفاؤل
ربنا يديمها عليكي وتبقي دايما مبسوطة وفرحانة
الا ايه اخبار حيرتيك؟

تحياتي ليكي
محمد سمير

A.SAMIR said...

meroooo:
ربنا يديمها عليكي نعمة يارب
ادعي بقى تفضلي كدة على طوول
تحياتي ليكي وربنا يسعدك

heba labeb said...

اخيرا
حمد الله على السلامة يا ميرو
ويارب باقى ايامك تبقى حب وسعادة وتفاؤل وتسيبك من النكد شويتين

meroooo said...

اهلا وسهلا بيكم
انتظار مؤقت: ياارب ياخويه يارب بس
للاسف قلت جداااا

غمض عنيك: ايه يامحمد انت ليك بلوج تاني من ورايا ولاايه الحيره رجعت والفرحه تقريبا راحت يامحمد

meroooo said...

سمير: مش عارفه ليه ديما اسمي بتجي معاك يالانجليزي حاسه انه كوبي يعني بس ماعلينا ربنا يخليك يارب علي شعورك الجميل ده

بوبتي: اخيرا يابوبتي بس خلاص الحاله راحت ورجعت تاني النكد يااوختي هو اللي مش عاوز يسيبني والشويتين راحوا والحمد الله تسلميلي ياحبي

ShAb 3AdY said...

ربنا يسعدك يا ستى و يسعد الناس كلها

يسعد الحكومة و الشعب و الامة العربية كلها

و العالم العربى و العالم كله

و يبقى العالم كله عايش فى سعادة

ربنا يكتر من أمثالك