انا النهارده حاسه اني سعيده
فرحانه مش عارفه من ساعه مارجعت من الدارسه بتاعتي
وانا مبتسمه كده وفي الشغل اعقده عامل اضحك
وحاسه ان جوايا طاقه حب فظيعه
عايزه امشي اقول لناس انا بحبكم
في ناس هتفتكر ان في حد جديد دخل حياتي
بس والله ابدا انا زي اما انا لا حبيت ولا ارتبط ابدا
لسه زي ماانا بس حاسه بطاقه جوايا من الحب والسعاده
ممكن تكفي العالم كله مش عارفه ايه الاحساس ده
رغم اني مستغربها بس حابها اوي
حاسه اني لسه مراهقه
او
حاسه اني رايحه اقابل حبيبه مثلا ونفسي البس احلي لبس عندي
نفسي ابقي اجمل بنت في العالم
حاسه اني مكسوفه وايديه متلجه من الكسوف
مش عارفه ياجماعه اللي انا فيه ده توديع لمراهقه ولاايه
انا قربت اكمل 21 سنه يمكن اللي انا فيه ده توديع لمراهقه خلاص
ولاايه مش عارفه بجد كل الاحاسيس الحلوه اللي كلها حب
جالي علي اساس ايه مش عارفه
بس انا فرحااااااااان وسعيده اوي
وحاسه ان شاء الله ربنا هيديمها عليا
قولوااااااا ورايااااااااا
آآآآآآآآآآآآآآآمين
7 comments:
يارب دايما و على طووووول و دايما تفاؤل و حب و سعاده امين يا رب
علي قد فرحك وانبساطك البوست طالع كله فرح وبهجة وتفاؤل
ربنا يديمها عليكي وتبقي دايما مبسوطة وفرحانة
الا ايه اخبار حيرتيك؟
تحياتي ليكي
محمد سمير
meroooo:
ربنا يديمها عليكي نعمة يارب
ادعي بقى تفضلي كدة على طوول
تحياتي ليكي وربنا يسعدك
اخيرا
حمد الله على السلامة يا ميرو
ويارب باقى ايامك تبقى حب وسعادة وتفاؤل وتسيبك من النكد شويتين
اهلا وسهلا بيكم
انتظار مؤقت: ياارب ياخويه يارب بس
للاسف قلت جداااا
غمض عنيك: ايه يامحمد انت ليك بلوج تاني من ورايا ولاايه الحيره رجعت والفرحه تقريبا راحت يامحمد
سمير: مش عارفه ليه ديما اسمي بتجي معاك يالانجليزي حاسه انه كوبي يعني بس ماعلينا ربنا يخليك يارب علي شعورك الجميل ده
بوبتي: اخيرا يابوبتي بس خلاص الحاله راحت ورجعت تاني النكد يااوختي هو اللي مش عاوز يسيبني والشويتين راحوا والحمد الله تسلميلي ياحبي
ربنا يسعدك يا ستى و يسعد الناس كلها
يسعد الحكومة و الشعب و الامة العربية كلها
و العالم العربى و العالم كله
و يبقى العالم كله عايش فى سعادة
ربنا يكتر من أمثالك
Post a Comment