Monday, August 6, 2007

سامحوني



انا زعلانه اوي بجد لاني كتبت كل الشهر
علي اجزاء وانا من غبائي مسحتهم وانا مش اخده بالي
علشان كده هختصرها يعني مره واحده بس
الأجازه كانت تحفه وحصل فيها حاجات كتيره اوي
بس الوحش ان شنطتي ضاعت ورجعت قبل ماارجع هولندا بيومين
بس قضيتها حتي لو ايه يعني طبعا عملت معايا شويه مشاكل في الماديات
بس علي مين روحت واشتريت لبس وقلبت لبس من اصحابي وخالتي اللي هي صاحبتي اوي
وكانت الحياه حلوه يعني سافرت وروحت وجيت وهيصت يعني
بس كان فيها شويه نكد لان امي تعبت مننا هناك وكنا كل شويه عند دكتور شكل
بس علي مين برضه ماخليتش اي حاجه تاثر علي الاجازه
وصاحبه عمري "ايمان"اتجوزت وفرحها تاني يوم وصولي وماكنتش اعرف انا
هلبس ايه بس دبرت نفسي يعني تمام اوي برضه
وصاحبتي اتكتب كتابها
واخت صاحبتي وهي تعتبر صاحبتنا حضرت تنجدها وجوزها كان يوم سفري
وقبلت اصحاب ليا كان بقالي زمن ماشوفتهمش
واتصحبت علي ناس جديده ولذيذه جدا واكتشفت ان مش انا لوحدي
اللي طلعت هبله وطيبه وعبيطه وبس طلع في مني بالهبل وعملت صداقه حلوه بيني وبينهم
وربنا يديمها يارب
والاجازه كلها طبعا قضيتها في بورسعيد طبعا +اني سافرت القاهره علشان الشنطه وشويه
شوبنج ليا وماما وخالتي وبابا يتفرج علينا هههههههه
بجد بورسعيد دي اجمل بلد في العالم
بجد سامحوني علي الوعد بس بجد والله كتبت الشهر كله بالتفاصيل الممله كمان وقولت هنزلها
شويه بشويه بس بقي النصيت وغبائي بجد كنت برتب عندي ومسحتهم وانا مش اخده بالي
بجد سامحوني وتتعوض الجيات احسن من الريحات
صحيح انا مش قادره انسالكم كلكم علي سؤالكم عليا وانا مش موجوده
والناس الجديده والقديمه اللي بيحبوني وانا بحبهم كلهم دون استثناء حد بجد
وربنا يخليكم ليا يـــــــــارب
ووحشتوني مووووووووووووت

6 comments:

Lama said...

حمد الله عالسلامه يا ميرو

اهم حاجه تكوني اتمتعتي بوقتك وبتقضي الاجازه بتعتك فرحانه فوسط اهلك وصحابك

وانتي كمان وحشتينا;)

غمض عينيك said...

ميرووو
انا هارجع تاني اقرا حكايتك عن الاجازة
بس قلت اهديكي التاج ده واقولك صباح الخير

التاج عندي في المدونة

هانام واصحى اقرا حكايتك

سلام مؤقت
محمد سمير

Meda said...

وحشتينا يا ميروا ووحشنا كلامك الجميل
يارب تكونى بخير وسعادة
ومتزعليش يا سيتى على الحجات الى اتمسحت ولا يهمك كفايه انك كنتى سعيده ومبسوطه باجازتك فى مصر
ويارب تكون ديما اجزاتك وحياتك كلها سعادة
الف سلامه على ماما ويارب تكون بخير دلوقتى
مبروك على رجوع الشنطه
وحمد الله على سلامة وصولك هولندا
والف مبروك لاصحابك الى اتجوزوا والى اتخطبوا والى نجدوا:)
وعقبالك كده يااااارب

الراقص مع الذئاب said...

السلام عليكم
حمد الله علي السلامة واجازة سعيدة
بس انتي كنتي في بورسعيد يعني جنبنا...مش تفوتي وتسلمي
إن شاء الله السنة اللي جاية تقضي برضو اجازة سعيدة

دمتي في خير اختي الكريمة

غمض عينيك said...

ايه ياعم الاجازة الزحمة دي

:):)
يارب دايما تنبسطي وتفرحي كده ياميرو سواء في اجازاتك او في سفرك


تحياتي ليكي
محمد سمير

meroooo said...

سلمي تسلميلي ياحبي علي ردك وميرسي
وانتي اللي اكتر وحشتني
^^^^^^^^^^^^^^^^^^^^^^^^
محمد بجد ربنا يخليك علي سؤالك عليا
ويسمع من بؤك ربنا وافضل ديما في سعاده
^^^^^^^^^^^^^^^^^^^^
ميدا حبيبي انت والله ياميدا وكفايا انك وقفت جنبي في الاجازه وفي كل حاجه
ربنا يخليك ليا يارب
^^^^^^^^^^^^^^^^^^^^^^^^^^^
الله يسلمك يا ذئب وحمد الله علي سلمتك رغم انها متاخره وصحيح انت طلعت من الاسماعلويه وبتكره الاهلي بس انا بحب الاهلي وانا مش بحب نادي الاسماعيلي