قريت خاطره

قريت خاطره لصديق لي
اسمها مدن الاحزان احسستها
وكمان رديت عليه فيها
وقولته فعلا الحاجه الوحيده اللي بتفضل لازامنه هيا الحزن
لكن انا بقي عندي رفيق تاني
يلازمني حتي وانا في عز انشغالي
يلازمني وكأننا روح واحده
لا يفارقني حتي عندما كنت احب
كان يلازمني
احس انه بداخلي
يراقبني
يحزني
يحزن لي عندما اكون حزينه
ولكنه لايبكي بل يطبطب عليا عند بكائي
احس انه حقا رفيق عمري
اصدق من اي صديق له دم ولحم
يحبني ولم يفراقني من عند يوم مولادي
احبه واشتاق اليه عندما يظن عقلي او يخدعني احساسي
باانه غفو عني لحظات
انني لم اعتبك او اتضايقك منك
بالعكس اريدك بجواري فا
فاانت رفيق العمر والسنين والايام والشهور والثواني
وكل ايام التي مضيت والتي سوف تأتي
انك اطهر صديق واخلص صديق
فا اعذرني لانني سوف اقول لهم من انت يارفيق العمر
الا وهي الوحده.........انها الوحده
صديقي الاول والاخير

رساله

كلام اغاني بخبي فيه اللي مش قادر يقوله لساني
لساني خايف يقولها وكرامتي هتوجعني لو قولتهم
صريحه فا خبيتهم واسجنت صارحتي في كلام الاغاني
ال وهما
بعدك عني انتحار
سايبني في وسط نار
ولاقادره اقول تعال
تعابني الانتظار
يارتني ماكنت قبلتك
ولا عرفتك في يوم
قلبي مابطلش سيرتك
صحاني في عز النوم
مااعرفش انا ايه بيحصلي
ببعد عنك بضيع
عارف..طب كنت قولي
اللهفه دي شيئ فظيع
بعدك عني انتحار
سايبني في وسط نار
ولاقادره اقول تعال
وتعابني الانتظار
يارتني اقدر اقول الكلام اللي في الاغنيه الاوله دي
بس التانيه حقيقه وانا عايشها يوم بيوم
وفعلا حاسه اني قلبي عليا معاك
فاكراك ..فاكراك
مجروحه وانا مسمحاك
ليه قلبي عليا معاك؟
وكمان ماكدبش عليك
انا بهرب منك ليك
انا حبي اكبر من جرحك
وعلشان كده مش نسياك
واقول لنفسي ماتحولي تنسي
مااقدرت علي النسيان
وقولت بعدك ياريت يآسي
ورجعت احن كمان
وانا لسه بيني وبين نفسي
ياحبيبي زي زمان
فاكراك
كلمتهم مش كتيره ولا كبير
ولا صعبه تتفهم..بس في الاغاني بس
لكن انسان عادي يقولها بطريقته العاديه والبسيطه
صعب او بالنسبالي انا علي الاقل صعب اوي

اغنيه تشبهني

الاغنيه دي بجد تشبهني بكل المعاني

يمكن صعب واحنا ماشين نقابل حد يشبهنا

بس ممكن نلقي اغنيه او كلمه بتعبر عننا بجد

او بتقول اللي جوانا وممكن ترسمنا من غير مانحس

عصفور في ليل المطر

وقلبه جمره نار

يصرخ يقول يابشر

بحلم يجيني نهار

عصفور في ليل المطر

يااحلامي الكبيره

مابين امل وحيره

سرق الزمان صوتي

قبل الغنوه الاخيره

ياعصفوري الحزين

سافر وانسي الحنين

خدي مني ذكرياتي

رجع تاني السنين

عصفور في ليل المطر

وقلبه جمره نار

يصرخ يقول يابشر

بحلـــم يجينــــي نهــــــار

يادمعه من بكي

بدور علي النهايه

بنعيش نفس الحكايه

انا وانت من البدايه

ياعصفوري الجريح

ليه تعشق التجريح؟

صوتك ده ولا صوتي

اللي طار في الريح

عصفور في ليل المطر

وقلبه جمره نار

يصرخ يقول يابشر

بحــــــــــلم يجينــــــــــــــــــي نهــــــــــــار

The End

الكلمه دي احيانا بحس انها صعبه اوي
وساعات كتيره اوي بحس انها تقيله علي لساني
مش عارفه الاحساس ده بيكون مالكني اوي لما بكون
مش قادره اكمل مع شخص ما
ساعات كتيره مش بقدر اقولها
وساعات كتيره بتملكني قوه
واقدر اقولها
خلاااص او دي هي...
النهايه
النهايه ..قد ايه كلمه تقيله لما بتسمعها
لما تقولها
بس ساعات ناس كتير اوي بتقولها وبعد كده
وبعد كده بتتندم علي انها قالتها
طيب ده شعور علشان انت حاسس انك اتسرعت
ولا احساس بانك جرحت شخص تاني
انا يمكن قولتها
وسمعتها...
لما سمعتها حاسيت ان كان قدامي
بيت او حلم او جدار كبير اوي
ولما اتقالت الكلمه دي هديته
حسيت وكأن نار بتحرقني
كأن حبل بيتلف حوالين ايامي الجايه
حبل بيكمشني حوالين نفسي
حبل بيقتلني بس قتل..
مع اقاف التنفيذ
بيرسملي ايامي الجايه بالسواد الكاحل
بس رغم ده كله ورغم انها كلمه صعبه
بس كلمه اسمها نهايه واسمها بدايه
نهايه بتكون لبدايه حياه تانيه
ممكن تخليك اكبر وممكن تخليك صغير
الكلمه دي علي قد ماهي صعبه
ممكن تخليني اكتب فيها لعمري اللي فات
لان اللي جاي بتمني انه مااسمعش فيه كلمه
نهــايه
بس لازام تعرفي يانهايه ان اخرك
بدايه

حدوته

كان يامكان ياسعد يااكرام

ومايحلي الكلام الا بذكر النبي عليه الصلاه والسلام

كان في بنوته جميله علي حسب ماقولوا وقولوها

البنوته دي طيبه جدا وحنونه ومرت بيها الايام والسنين ودخلت عالم اسمه عالم الانترنت

وهي ولا بتفهم في الحاجات دي لانها بنوته عاديه جدا

المهم دخلت العالم ده واتعرفت علي ناس وناس اتعرفوا عليها

وبداءت تسمع بقي كلمات الاعجاب والمعسول بس هي عمرها مااتاثرت بيها

المهم كانوا اللي بيعجبوا بيها اكتر من اللي هي بتعجب بيهم

وبعد فتره من دخولها العالم ده وهي كانت فتره كبيره اوي

اتعرفت علي اربع بنات يعتبروا من الجمالات زيها كل واحده فيهم بتجملها حاجه

وهي برضه كانت من ضمن الجمالات

المهم في بنت من البنوتات دوال انا هحكي قصتها معها لانها مهمه جدا

المهم البنوتين دوال اتعرفوا علي بعض بطريقه غريبه وعجيبه في خنائقه لا كانت علي البال ولا الخاطر

المهم بعديها اتعرفوا علي البعض المهم خلونا في الاول نسمي صاحبه قصتنا (ش والتانيه (س

المهم ش حاولت تقرب من س بس س ماكنتش حابها وكانت بتكلهما بمزاجها

وكانت ديما مش بتحب تقرب منها المهم ش بعدت عنها وفي يوم س ان ش عاملها بلوك ياخبر اسود دي كانت بقي الحجه او

الفاصله مابينهم والقطيعه وبعد كده او بعد فتره اكتشفت ش ان س كانت قابليها عاملها اساسا بلوك

المهم بعدوا عن بعض خالص او بمعني اصح نهائي

بس بعد كده اتصالحوا علي بعض تاني بطريقه عجيبه وغريبه برضه

بس دلوقتي رجعوا لبعض واتصافواا وش متصافيه وكل حاجه وس برضه بس

تحس ان س برضه جواها حاجه تحس انها مش مدي ش الثقه الكامله في انها تحكي معها او تفتحلها قالبها

بس يوم مابتيجي تحكيلها حاجه عنها حتي لو كانت تافه وتبقي ش اول واحده عارفه بتفرح

وتحس انهم فعلا بداؤا يرجعوا لبعض بس بترجع تاني س وتحسب اللي عملته

انا معرفش ليه؟ولا ش برضه تعرف ليه؟

بس نفسي س تفهم ان ش حابتها اوي ولو قالتها ايه عمرها ما هتقول لحد او تفتش سرها

نفسي س تجرب ش مره كده وتشوف لو غلط يبقي عندها حق انها تبقي حريصه اوي كده مع ش

وتوته توته خالصت الحدوته

فات يجي اكتر من سنه

انا لما سمعت الاغنيه دي قولت ايه ده

الاغنيه دي مثاليه اوي دوال بينسوا حتي وهما مع بعض

يبقي سايبها وجرحها وبرضه هتفضل فاكره

ماحاستهاش الا لما جربتها

فعلا وصدق المثل اللي بيقولك(عرفت فلان يقولك اه يقولك عشرته يقولك لا يبقي ماعرفتوش

ولما سمعتها حاستها ومهما اعقدت اسمع في الاغنيه دي كل يوم مش بنسها ولا بكرها ولا بزهق منها

فات يجي اكتر من سنه ومانسيتش ليه؟

وبقول ياريت ايامنا تاني يرجعوا

واما بقابل حد يتكلم عليه

بضحك علشان بخاف عنيه يدمعوا

ياقلبي هي هي لو بعيد او بين ايديا نقطه الضعف اللي فيا اني لسه بحن ليه

وياقلبي هي هي كل ذكري عشنا فيها عايشه بيها من يوميها هنسي ايه انا ولا ايه

البعد لو بينسي... ليه ماينسنيش؟

دا انا حبي ليه كأنه لسه في اوله

الاسم عايشه وفي الحقيقي انا لو هعيش

هعيش علشان افضل ياقلبي احنله

وياقلبي هي هي لو بعيد او بين ايديا نقه الضعف اللي فيا اني لسه بحن ليه

وياقلبي هي هي كل ذكري عشنا فيها عايشه بيها من يوميها هنسي ايه انا ولاايه؟

وفعل هنسي ايه انا ولاايه وياريت فعلا ايامنا تاني يرجعوا

فكرت في البلوج النهارده

النهارده كان عندنا
يوم نظافه عالمي
وانا بساعد امي
سرحت وفي حاجه غيربه ممكن الناس تشوفها تافه
بس انا شايفها بجد قمه الحب لشيئ ما
والشيئ الما دي كان البلوج بتاعي
انا لسه عاملها قريب بس كان في بالي طول النهار
عامله افكر ياتري اكتب ايه النهارده
وافتكرت لما كنت بعمله مع ريم
وغبائي مع التكنولوجيا
وزي ماهي بتقول معها مفتاح فتح باب الغباء
وافتكرت لما بعتها لااصحابي
واللي اعقدوا يتريقوا علي اللغه العربيه اللي عندي مكسحه شويه
بس انا مش بهتم اني اكتب الكلام صح
مش عارفه ليه لما حد بيقولي عندك كلمه غلط
بيضيع احساس الكلمه انا كاتبها كده غلط صح
بس كاتبها في وقتها باحساسها
مش مهم بقي صح ولا غلط بس الاحساسها موجود ومعنها موجود
بالنسبالي علي الاقل
مش عارفه ليه كنت عامله افكر في كل ده
ومش عارفه انا ليه نزلت الكلام ده دلوقتي
او بقوله ليه بس علشان حاسه ان الصفحه دي
واللي اختارتها حاسه انها بيتي التاني
او انا بس من جوه
يمكن بيشوفها ناس كتير
وبيعرفوا وفي منهم بيشوفوني لااول مره في حياتهم
وفي ناس كتيره عرفتها عن طريق الصفحه البلوج دي
لقيتهم ناس تانيه غير اللي بتكلموا معايا تقريبا كل يوم
بس سبحان الله ان حته صفحه تخلينا نتعرف علي بعض
هو فعلا مسبب الاسباب

اشتريت محفظه

انبارح وبعد فتره طويله جدا
خرجت بره البيت وشوفت الشارع اخيرا
ودخلت محلات وخرجت من محلات وفي الاخر
دخلت محل محافظ...ووقفت اختار ياتري دي هتمشي معايا ولالأ
دي ولا دي
وفي الاخر اشتريت واحده عجبتني واخدتها ودفعت فلوسها
واشتريت اشياء اخري بس هحكي عن المحفظه
رجعت البيت وانا فرحانه زي الاطفال بالظبط
ونفسي اعقد بقي علشان اغير بقي المحفظه القديمه
وبعد ما خلصت نقل من هنا لهنا
زعلت وكنت قربت اعيط حسيت بااشتياق للمحفظه القديمه
ليه كنت مستعجله علي اني اغيرها
ليه زعلت عليها مع انها شيئ جمادي لا يحس ولا يشعر
ابتسمت او بمعني الاصح سخرت من نفسي
وقولت لنفسي(ايه اللي انا بعمله ده هبل)
بس رغم ده كله فضلت زعلانه وافتكر نفسي وانا عامله ابدل
من المحافظه دي للمحافظه دي كنت بزعل اوي
وانا في وسط هذا الشعور الغريب
قولت هو ممكن يجي عليا اليوم وابقي قديمه
ممكن يجي اليوم واترمي وتيجي واحده مكاني
ولا ممكن ارمي نفسي واشتري واحده تانيه
هو في محل بيبع النفس او بيغيرها
افكار غريبه وعجيبه خطرت ببالي وانا
وانا..وانا بس بغير في المحافظه
ده اللي حصلي انبارح؟!

احببتك

احببتك ولم ادرك ذلك
احببتك ولم اعلم انه حب الا بعد فرقنا
ولم اعلم ان اعجابك بي كان مجرد كدب ووهم
اعيش بيه لحد الان
ولكني لم اصغي لااي من اصدقائي عندما يقولوني لي
انه لم يحبك يوما..ولم يكون يوما صادق في مشاعره معاكي
ولكن قلبي لم يسعهم يوما ياحبيبي
اعلم انني لم اقولها لك يوما..لم اقولها صريحه
ولكني كنت كل يوم اقولها صريحه
ياحبيبي ...احبك
ولكني لم احسها الا بعد فراقك
ولكن اذا كنت تكذب عليا حقا
فالدي سؤال لك ....ياحبيبي
لماذا كنت تخدعني وتكذب عليا؟
اعرف انك لم تجاوب عليا
لانك..للاسف لم تعد موجودا الان
ولكن اذا عدت يوما
ماذا ساافعل فيك وفيا؟
لم اعرف!ولم اعرف ايضا
هل سوف اطرحك عليك سؤالي هذا ام
سااحتفظ بيه بداخلي.. كما احتفظ باحاسيسي
ولكني الان اعرف انك لم تعد ابدا لي
لانك لم تعد لي الان
اصبحت ملك شخص اخر ..ياحبيبي
اخدعتني وباعتني..وفي النهايه لم تكن لي حتي لبعضه اشهر
ولا لبضعه ايام
لم اندم علي احساسي هذا
ولكني اغضب من نفسي عندما تشتاق اليك
فاالان انت بعيد عن عيني..ولكن عن قلبي وعقلي
وذكرياتي لاااااااااااا
وللاسف ياحبيبي
احببتك
ولكن بعد ماصارت انت بمكان وانا بمكان

ليه؟

ليه يانفسي؟!
ليه كل ماالم نفسي القيكي بترجعي تاني
بترجعي تاني ترمي عليا حمولك
وااااااه لو تعرفي قد ايه حمولك تقيله عليا
نفسي افهمك
عمرك شوفتي حد يانفسي مش عارف نفسه!
ياتري مين فينا اللي غريب عن التاني؟
انا ولا انتي!
كل مااجي افكر ولا اشوفلك حل ولنفسي
بتضحكي صح !
مالازام تضحكي عليا لاني مش فاهمكي
وانتي عجبك اللي انا فيه ده؟
عارفه انك مش هتردي علي حتي لو فضلت اسالك لسنين قدام
برضه مش هتريحيني وترد عليا
يارتني اعرف هتقربي مني امته؟
ويارتني اعرف هتبعدي امته؟
لما بتقربي مني بتحسسيني اننا مالكه الدنيا والحياه من غيرك ومن الحب
ولا تساوي شيئ
بس اه والف ومليون اه لما بتبعدي
لا بتخليني اعرف لليلي من نهاري ولا حتي اعرف مين اللي واقفه
قدام المرايه
وتخليني اتوه اسرح ابقي حاسه اني بين النار وبين جهنم
مش عارفه اكتبلك اقولك ايه ولا عارفه ايه اخرتها
ولاايه بدايتها...لأ عندك حق
انا عرفت بدايتها بس مش عارفه نهايتها
ومين علي رائيك يعرف اخرتها
بس ااااااااااااااه والف ااااااااه
لو اعرف امته هتقربي مني؟
واه لو اعرف امته هتبعدي؟
ياتري هو سر؟
ياتري هي دي هويتك؟
ياتري هتعملي فيا ايه اكتر من كده؟
ويارتني اعرف امته هتبعد وامت هتقربي؟