Friday, June 1, 2007

بحبكم وربنا يخليكم ليا



هتكلم عن 3 شخصيات في حياتي
يمكن الاحتكاك بيهم مش قوي رغم انهم ناس قربين مني جدا
بس اثروا فيا رغم عدم الاحتكاك الدائم مابينا
مش ابداء باانهو واحد فيهم بس هاخدهم بالاكبر سنا
ً



اولهم بالسن وبالقرب جدي ابوه امي
الشخص ده انا اتربيت في حضنه هو مش عارفه اقول عليه ايه
عليه طيبه ماشوفتهاش علي حد لو حد كان سالني في يوم
طيبتك دي جيبها منين كنت هقولهم منه هو
تفتخر بجد ان شخص زي جدي ده يقربلك لو مشيت معها في الشارع
كل الناس تحبه من اول الغفير لحد الرئيس زي مابيقوله بيحترمه
شغله كان كله رشاوي عمره مامد ايديه لااي رشوه هتقوليلي عرفتي منين
لو كان جدي من الناس اللي بتقبل الفلوس من الشكل ده مااعتقدش ان ده كان
هيبقي حاله او كان زمانه بعد المعاش فاتح محل او اي حاجه من الفلوس
بس هو كان مرتبه وبعد ماطلع علي المعاش بقيت مكفأته والمعاش وبتاعه
الراجل ده بيحب الشغل بطريقه انا ماافتكرش مره اخد يوم اجازه حتي لو كان تعبان
انا جدي جالوا المرض من ساعه مابطل شغل تقريبا بس هو من بعد ماطلع علي المعاش
مابطلش شغل برضه كان بيروح الجمرك اصلي جدي كان مدير مخازن الجمارك
مش عارفه اقولكم ايه هو اللي عملني الصلاه لما كنت اتلكع عن الصلاه
كان بيجري ورايا وياخدني ويخلني اتوضئ ونصلي سواء
بالذات في رمضان كنا نصلي العصر واجري في حضنه لحد المغرب
وغير رمضان كل يوم جمعه استنها في الشباك لما يرجعلي بطلي المفضل كل يوم
جمعه بعد الصلاه اذا مااخدنيش معها اصلي يجبلي القصب والفاكهه
واول مااشوفه علي اول الطريق اجري انزل 5 ادوار علشان اشيل منه القصب والفاكهه
اي حاجه تانيه كنت ببقي واطيه اوي معها صراحه يعني وكان لما يجلي تليفون من الحبيب علي الموب او البيت ويجي جنبي كنت ببقي في نص هدومي عمري ماخوفت منه
قوله الحقيقه وانت تاخد عنيه بس حقيقه ايه اقوله ان في راجل بيكلمني كنت بكدب بصراحه اقوله واحده صاحبتي ومافيش جملتين واقوله انت بتهرج يقولي صاحبتك برضه
ويسيبلي المكان ويمشي كنت اقفل في ثانيه واروحه اقوله اسفه يبتسملي ويقولي صلاتي المغرب اي حاجه لو فاضله اقوله الحمد الله انا لو اعقدت اتكلم عن جدي
من هنا لتاني يوم مش هخلص وعلي مواقفه اللي اتعلمت منها الاحترام لكبير
اني اعرف كلمه اسفه تتقال امته علمني حاجات كتيره ممكن تشوفوا كلامي تفتكرونا قربين بالعكس احنا علي قد السؤال بس رغم ده كله اتعلمت لما كنت بكبر بشويه وبشويه
فهمت كل اللي هو كان بيوصلهولي
اخر حاجه هقولها بحبـــــــــــــك اوي ياجدو وربنا يديك الصحه وتعشلي ديما



تاني شخص ده يالله علي حنيه قلبه
مش ممكن مش قادره اقولكم عمي ده اطيب قلب في العالم كله
انا عمي ده للاسف بقالي 7 سنين مش شوفته
بس انا اتربيت معها برضه كان لما يجلنا زياره عندنا واعرف
تاني يوم تلقوني عملت نفسي عيانه علشان اعقد في الشارع استنها لحد مايجي
لو ماكان يتاخر كنت اعيط علشان هو اتاخر او مجرد انه ممكن مايجيش
اول ماكان الباب يتفتح ويطلع هواء وانا كان عندي 6 او 7 سنين هو ايه قمر كده
طول بعرض كنت اتسلق عليه علشان اعرف ابوسه وهو طول ماهو عندنا
اعقده علي حجره وكنت استنها برضه علشان يجبلي الحلوه من المنصوره وهو جاي
اتعلمت من الشخص الحنين ده الحنيه وعدم الظلم وان اللي يظلم حد اكيد هتدور الايام
وهيحس بالظلم ويدوق طعمه وعملني حاجه بحمد ربنا عليها اني مااتكلمش علي حد من
وراها او اني اعقد علي حد في الكلام او اكسب حد علي كلام حد تاني وبالذات لو الحد ده
بنت ياخبر لما كان يسمع عمتي ولا امي ولا جدتي ام وابويه بتكلموا علي بنات حد او
عن اي ست يتعصب وممكن يقوم ويسيبلهم البيت وكمان مابيحبش الحال المايل
بس بعد الغيبه الكبيره دي كلمته من 4 سنين علي الفون وكنت عند عمتي
في صوته حسيت انه بيعتبني

قالي:ازيك يابت وحشاني يخربتك ويخرب بيت ابوكي

قوتله:كده ياعمي دا انت وحشاني

قالي: بقيتي بكاشه اهو كبيرتي وبتعرف تتكلمي الله يرحم اللي ماكنتش بتنبان من الارض
قوتله: كده ياعمي بدل ما تستر عليا وبعد احترس كل من اقترب من الارض
رد عليا بضحكه كانت وحشاني اوووووي
لو اعقدت بردوا اتكلم عنك يااحلي عم في الدنيا مش هكفي
هقولك كلمتين
اسفه لاني مقصره معاك بس صدقني عمرك ماروحت من بالي مااعتقدش حد عنده
عم زيك بطيبه وحنيه قلبه ويقدر ينسها حقك عليا وسامحني
والكلمه التانيه وحشتنــــــــــــي ونفسي اتسلق عليك زي زمان ياريتها تعود



الشخص التالت مش عارفه اقول عليه اي
استاذ في تكبير الدماغ رمز للرومانسيه وللحب اللي من ايام الخرفات
مش عارفه اقولك عليه يا خالوا خالي ده عملني يعني ايه حب
مع ان انا وخالي مش عارفه اقولكم ايه عليه بجد
هقولكم قصته خالي حب مره واحده في حياته ولسه لحد الان
عايش علي الحب ده حب زميلته في الكليه وجدتي رفضتها وبعد ماوافقت عليها
اهلها رفضوا ياسبحان الله هي اتجوزت وخلفت وعاشت حياتها وهو عايش
بين الاطلال يمكن انا اخده منه اني باين اعيش بين الاطلال زيه
عملني من غير مايقصد معني الوفاء للحبيب رغم بعده
عملني يعني ايه حب من القلب اللي صعب حد يقدر يدخل حياته تاني
يمكن ناس كتيره تشوفه دا هبله وماحدش كده في الايام دي لا فيه"خالي"
خالي ده رغم العزله مع الكتب والشغل بتاعه صحيح نسيت اقول
اللي حببني في القراء خالي واللي خلني اعرف اقري وافهمه هو
بدون قصد بردوا خالي ده مابيحب حد يهين حد بمعني
يعني لما كنت صغيره كانت ماما بتحب تملي تعزف عليا
ايه ماتضحكوش كلنا اكيد واحنا صغيرين اتعزف علي جسمنا بالهبل يعني
فا كان خالي المدافع عني اول ماالقي ماما هتقوم تعزف اجري علي الاوضه بتاعته واستخبي والله خالي دا سكره كان بيعزف عليها هو بقي كلام من اللي قلبكم يحبه ويديني
جنيه بحالوا اشتري ايس كريم وكمان مصلجي خالي ده علشان كمان اجبله علبه سجاير من تحت عملني برضه في حكايه انزل اشتريله سجاير دي اعقد فتره
عودني انه يديني اي حاجه 50 قرش جنيه علشان انزل اجبله علبه السجاير
وبعد فتره منع كنت بزمزء من الحكايه يعني لاني اتعودت بس كنت ساعات
ببقي بجحه واقوله مش هتديني حاجه اشتري حاجه حلوه يقولي والله مامعايا
لما كبرت فهمت ان اللي قدامي في كل الاوقات هيديني زي ماانا عايزه
في اوقات هيكون فيه واوقات لا مش عارفه اقول ايه تاني عليه
بس يعني هقوله رغم عدم احتكاكنا الدائم بس انا بحبك برضه ياخالوا
رغم العزله اللي انت فيها نفسي تخرج منها بقي كفايا كده



في النهايه وليست النهايه انتم خلتوني اعرف اربي نفسي وافهمكم
مع كل اللي حصلي اتعلمته بنفسي مش حد جالي وقالي كده ومش كده

20 comments:

غمض عينيك said...

ربنا يخليهملك ياميرو ويخليكي ليهم ويجمع شملكم دايما ع الحب والحنية والفرح
بوست جميل كله وفاء و...شقاوة

تحياتي ليك ياجميل
محمد سمير

Fahem_Kora said...

احساس جميل
نفتقده هذه الايام

لا اعرف احدا يحب اقاربه لهذه الدرجة

الناس بتتخانق بس على الميراث وبس
صعب يفكروا فى حاجة غير كدة

اهنئك

AHMED SAMIR said...

بوست اكتر من رقيق يا ميروو
ربنا يخليكي لهم ويخليهم ليكي
مش عارف اقولك ايه
بس بجد شخصية اكتر من رائعة
تحياتي ليكي وربنا يوفقك

meroooo said...

محمد سمير: انا مش عارفه ارد عليك واقولك ايه علي كلامك واحساسك ده غير اني بشكرك جدااااااا
وتفضل ديما كده عندي وبتابعني

enooo:اشكرك علي كلامك وفعلا قليل بقي اللي بقوا بيعرفوا يقدروا الاهل والاصحاب بس بكره اكيد لما الدنيا تضيق بيهم بيعرفوا انهم غلطوا بس بيكون فات الاوان

meroooo said...

سمير:سوري اولا لاني خليت ناس كتيره بقيت بتقولك ابوسمره بس
اشكرك علي زوقك وحسك بالبوست يااحمد
ويارب تفضل كده ديما تتابعني

انتظار مؤقت said...

انا بقول معاكي بجد شكراا لكل الي زرع فينا حاجه جميله و احنا صغيرين و اتعلمنا منو الاخلاق و الاحترام ..بوست اكتر من جميل..تحياتي

meroooo said...

انتظار مؤقت: بصراحه استغربت انك اتاخر في الرد عندي
بس فعلا انا بقولهم كلهم
شكـــــــــرا ليكم وربنا يخليكم لينا يارب
وتسلم علي زوقك وماتتاخرش تاني مفهوم ههههههه

aya mohamed said...

ميرو حبيبتى بجد بوست جميل
ربنا يخليهم ليكى ويخليكى ليهم يارب
وربنا يجمعكم ع خير يا قمر

انتظار مؤقت said...

ميروو ايه الغيبه دي اين انتي يا بنيتي؟

re7ab said...

ميرو حبيبتى
ربنا يخليهم ليكى ويخليكى ليهم يارب
ومافيش احلى من الذكريات الجميله فعلا اللى احنا بنعيش عليها وديما بنفتكرها
و خلى بالك من نفسك يا قمر والف سلامة عليكى يا حبيبة قلبى يارب
وبطلى ركوب عجل ولعب فى الشارع ههههههههههههههههههههههههههه
الف سلامة عليكى يا حبيبة قلبى يارب
(k)

meroooo said...

يويو حبيبه قلبي يارب يايويو يسمع منك ربنا ويخليهم ليا يارب
*****
الانتظار المؤقت :ربنا يخليك ليا يارب ويسلم سؤالك عليا بس انا مش غيبه ابدا بس انا مش لقيه حاجه اكتبها لما القي حاجه وارتبها اكيد هكتبها
تسلملي
*****
روبي روح قلبي انا مابلعبش بعجل بس كنت راجعه من الكليه من عند القطر ووقعت والعربيه بقي جت رميتني اعملها ايه يعني مش باايدي قدري والحمد الله وبطلي تريقه هههههههه

farfasha said...

هاى
انا عامله فكره جديده وياريت تلاقي منك التشجيع
يارب تقولى ايه رايك في الفكره دي ويارب تكونى اول استفتاحي
مستنياااااااااااااااكى
تحياتى

دينا فهمي said...

ربنا ما يحرمك من كل اللي بتحبيهم (:

أنا غيرت لينك مدونتي

hesterua said...

كان عندى جد زى جدك

الله يرحمهم


وصفك جميل

Hadota ... حدوتة said...

بجد مش عارفة اوصف اقول ايه
انتى حد تحفة
ومدونة تحفة
جميلة اوى
تحياتى
دى اول زيارة ليا بس بجد عجبتنى اوى
تحياتى للمرة التانية
هستنساكى فى مدونتى المتواضعة

AHMED SAMIR said...

ميرووووو
دة وقت التاج
سيادة فخامتك مطلوبة فورا للاجابة على التاج اللي في المدونة عندي
منتظر اجاباتك
مفيش داعي للكسل
النت كله محاصر

Anonymous said...

ربنا يخليهم ليكي وتزيد المحبه مابينكوا
بجد احنا الايام دي كتير منا فقد المشاعر دي
ودي مشكلتنا عموما وللشباب بالاخص وفقدنا القدوه اللي تعلمنا الطيبه و الوفاء والدين وحاجات كتير

meroooo said...

فرفشه : انا روحت عندك واشتركت معاكي في الفكره ماتقلقيش وراكي بنات قمارات

امراه:انا علي فكره بموت في البلوج بتاعك بترمي كلمه وتسيبنا كل واحد فينا تصورها علي حساب حياته وفكره
عرفت ياحبيبه قلبي هسجلك تاني اهو

meroooo said...

بنت البلدي: اسمك قريب من اسم الايميل بتاعي هههههههه انتي سرقتيه ولاايه امسك حرامييييييييييي هههه
المدونه بتاعتك بقي مالهاش حل بجد عجبني وكلام عجبني اكتر عايزه اعقد كده اقري بمزاج واجواب عليهم بمزاج
***************
د/احمد سمير:من عونيه مش عارفه ليه انت تملي تدبسني التدبيسه دي بس حاضر يااحمد هرد وامري لله
********************
Spyfun:ربنا يخليك بجد بس والله فيه ناس كتيره بتتعلم من الناس الكبيره بس فيهم اللي مش بيعرف يعبر عن حياه وعن مشاعره يعني كل واحد وليه فلسفته في حبه للاشخاص

•«ρяoιd»•™ said...

ربنا يسعدك يا رب

و ديماً حياتك تبقي كلها حب في حب

تحياتي