Tuesday, May 8, 2007

تخاريفي3





مبسوطه كده ولا مش مبسوطه
مش هتقصر ولا هتزيد لحد
انا اصلا ماافرقش ماحد
انا طول عمري لوحدي
وحتي يوم ماقولت اخلقي ناس احبهم ويحبوني
مابقاش فيه الكلام ده كله كانت احلام ورديه كنت برسمها لنفسي مش اكتر
مش عارفه انا ليه ديما بتحط تحت دايره الاتهام او الشكوك
ليه تملي انا اللي لازام اشيل الذنب في كل علاقه ليا مع حد
اذا كانت حب او صداقه
والمصيبه اني بقبل مش بعترض
تملي اشيل اخطأ غيري
تملي اتعاقب علي اخطأ انا ماعملتهاش
والمصيبه برضه اني بقبل بالوضع ده ومش بيكون قدامي غير اني اخرس
واتفرج علي نفسي وانا في موقف ده اتعرض لااشياء ممكن تفوق اي احتمال البشر
بس بستحملها وبسكت علشان انا مش هيكون قدامي غير اني اسكت
ممكن تشوفني مثاليه في الموقف ده او المواقف دي
بس صدقوني مش مثاليه بس دا غصبن عني تملي بتجيلي في اقرب الناس ليا
مابقدرش افتح بؤي بكلمه واحده غير اني استحمل واعديها مرحله
بس المصيبه ان اللي بتدافع عنهم وتشيل عنهم بيزودوا عليكم كمان مش بيخفيفوا
وبرضه انا مابقدرش اتكلم مستحيل هقولهم انا مستحمله علشانكم لاني كده هبقي بزلهم
وطبعا دا مش فيا فا برضه بختار الصمت واني اتخرس
لا اسكتوا استنوا علشان تعرفوا بقيت هبلي وعبطي
اني رغم كل اللي بيحصل فيا ده بقي مش بااخد موقف بقي بدل مش بتكلم اخد موقف
لا دا انا عندي استعداد اني اعمل نفس اللي عملته تاني
لا وايه اسمعهم واشيل عنهم ولو جيت انا اتكلمت ولا قولتهم اسمعوني
حرام بيسمعوني بس من تحت الضرس يعني انتي هزويدي همنا احنا ناقصين
وبعد مايسمعوني حرام طبعا من تحت الضرس ردهم بيكون ونعمه الحلول والتفاهم
بيقولي عارفين ايه معلـــــــــــــــيش بكره تتعدل يااميره
يعني معنها اخرسي وماتتعبناش معاكي
المصيبه اني وافقت علي نفسي كل ده رغم اني ماكنتش كده نهائي
انا بني ادمه تانيه صارمه جاده جدا وشيله هموم الدنيا كلها
بس لما اتغربت قولت خلاص بقي يابت يااميره
لا هموم بعد اليوم ولقيتها وحياتكم من اول يوم
بس كنت برميها علي قد مااقدر بس ماعرفتش
بس حبيت بين اصحابي الجدد اني ابان بني ادمه تانيه
وللاسف مش عارفه ارجع تانيه اميره الصارمه الجاده جدا ولا عارفه اكون
اميره المرحه اللي بتضحك واللي اي حد زعلانه تقدر تخرجه من همه ده حتي لوعلي حسابها ماشي انا كده بس مش ديما وهما مش قادرين يشوفوا ده
انا عامله زي اللي رقص علي السلالم لا عارفه ارجع ولا عارفه افضل
ودلوقتي لما بقيت زي زمان بقي جاده جداا مش صارمه وبس وشايله الهموم وبقيت
بقفش زي مابيقوله بس دا مش قفش دي انا اميره الجاده
انتم مش عارفين تشوفني في الجديد بس اللي بيحب حد بيحبه زي ماهو
علي جديده وعلي قديمه
انا عارفه ان مالكمش ذنب تعرفوا ده بس الصفحه دي بجد بقيت صدقتي اللي مش بتطلب مني حاجه ولا مستنيه تاخد مني حاجه هي بتسمع وبتشوف وبس بس مش بترد ولا بتطلب حاجه
بس بترجي انهم يقبلوني زي ماانا انا مش هفضل ديما مرحه وبرضه
مش هفضل ديما كئيبه او جاده بس استحملوني لو دا لو



بتحبونــــــــــــي

5 comments:

Reemo said...

أميره مش عارفه اقولك ايه
بس أنا قلتلك قبل كده فى المواقف بتتكرر معاكى انت بالذات ونفس المواقف مع كل الناس
يبقى اكيد العيب مش فى الناس مش ممكن يكون الكل غلط اكيد العيب فى تصرف ليكى او فى طريقه بتستخدميها مع الكل
واكيد طبعا موضوع انك تكونى سلبيه لا بتعترضى ولا بتاخد موقف ده غلط
اما موضوع انك بتقفشى من الكلام فده مش معناه انك كده تكونى جامده وقويه بالعكس علشان تكونى جامده وقويه اسمعى الكلام ومتقفشيش منه واقنعى الناس بيكى انتى زى مانتى
ممكن تزعلى من كلامى وممكن تضايقى وتقفشى
بس انتى عارفانى انا صريحه ومش هجاملك فى تعليقى
انا قلتلك قبل كده وهقولهالك تانى علشان بجد مصلحتك
فكرى فى نفسك وشوفى المشكله فين
لو اكتشفتى العيب ده اكيد هتقدرى تصلحى كل المواقف دى
واكيد هتلاقىالاصحاب اللى انتى عايزاهم
تحياتى

heba labeb said...

اولا انا اسفة لو كلامى زعلك اوى كدة
بس انا مقصدتش
غير انك فعلا من جواكى تتغيرى
لان الواحد عشان يتغير لازم يبدأ من جواة
وموضوع انك شايلة هموم الدنيا دة
فدة بردة من جواكى
انا قلت لك ارمى حمولك على ربنا وهو هيحلها من عندة
وموضوع انك تيجى ع نفسك
فدة مش صح يا اميرة انتى بردة بشر زينا
الى تحسية هيتعبك واجهية
مش تسكتى وتبقى الضحية طول الوقت زى ما بتقولى
المشكلة جواكى حاولى بجد تحليها وانتى هترتاحى كتير
وزى ما قلت لك الواحد بيكونمحتاج يتكلم مع صحابة مش يقفش عليهم
وبردة مش فاهمة يعنى اية جادة:d

re7ab said...

انا بصراحة قريت كلامك يا ميرو
مرة واتنين وتلاتة وبدور على كلامك اللى بتقوليه ده مش لقياه بصراحة
انا مش فاهمه انتى تقصدى ايه
معنى كلامك ان اللى حواليكى كلهم وحشين وانتى مظلومة معاهم
ياه يا اميرة للدجادى احساسنا مش واصلك كلنا بقينا مش بنحبك وانتى رغم كدة بتضحى وبتتحملى منا
بصراحة مش عارفة اكمل رد على كلامك

Meda said...

مين الى قال انك لما تبقى مبسوطه ولا مش مبسوطه ده مش حيفرق مع حد ..يا اميرة بلاش النظارة السودة الى لبساها على طول دى .. لو انتى متهميش حد فا ده مش معناه ان كل الى حوليكى كده بدليل اصحابك الى الى ردوا عليكى وهما مستغربين انتى بتقولى كده ليه .. بجد انت حد كويس وحساس بس مش لدرجه دى يابنتى متخليش احساسك الزيادة يخلى اى موقف يحصل يبقى كل الناس مش بيستحملوكى وانك مش مهم بالنسبله لحد بالعكس لو ركزتى شويه فى نفسك والى حوليكى حتلقيهم بيحبوكى ومتشليش اخطاء حد ولما تحصل حاجه وجهى الى عملها متسكتيش كده علشان السكوت ديما يعقد المواضيع اكتر ويخليها تكبر جواكى .. اتمنى انك تشيلى الافكار ده من دماغك.. علشان الحياه منغير حد بيحبنا ويهتم بينا ويخاف علينا ميبقاش ليها قيمة

وبراحه شويه يااخوانا على اميره شكلها زعلانه من حد فيكوا قوى (:

Bent Men ElZman Da !! said...

معقول يا اميرة حاسة انك لوحدك
طب واحنا كلنا روحنا فين
معقول شايفة ان كلنا مش بقينا بنحبك
وكمان مش عايزين نسمعك
مش معقول يا اميرة لو فى حاجة غلط بتحصل يبقى منك انتى لوحدك
او من اللى حواليكى لوحدهم
لازم يكون الغلط مشترك
خليكى فاكرة يا اميرة ان كلنا بنحبك
وان انتى فعلا حاجة مهمة عندنا كلنا