Saturday, April 11, 2009

تخاريفى ..جبران خليل جبران




والبعض نحبهم

لأننا لا نجد سواهم

وحاجتنا إلى الحب تدفعنا نحوهم

فالأيام تمضي

والعمر ينقضي

والزمن لا يقف

ويرعبنا بأن نبقى بلا رفيق

انا ساعات بحس نفسى كده فعلا وحبى هو المسمى ده انى بحب خوف من ان عمرى يجرى
منى وانا لوحدى من غير مايكون جنبى حد يطبطب عليا وقت مااكون مخنوقه او مضايقه او ان حد يرسم الابتسامه ع شفايفى وهو شايف دمعتى ع خدى فايحاول بقى يرسمها بااى شكل من الاشكال
وساعات كتيره فعلا بحس انه خلاص ماعنديش اختيار تانى غير اللى انا فيه ماعتش ليا االقدر ع الاختيار حد جديد وابتداء مشوار جديد مش عارفه اذا هنجح فيه ولا هفشل فا بقول بقى اهو خلينى يمكن يتغير شئ فيه او في
ا

والبعض نحبهم

لكننا لا نجد صدى لهذا الحب في قلوبهــم

فننهار و ننكسر

و نتخبط في حكايات فاشلة

فلا نكرههم ولا ننساهم ولا نحب سواهم

ونعود نبكيهم بعد كل محاوله فاشلة

احساس بشع قوى الاحساس ده ويارب ماحد يدوقه زى ماانا دقته بجد احساس اعوذ بالله منه لما تحس انك بتدى كل حاجه
واللى قدامك حد بياخد وبس ومابيفكرش غير فى نفسه وبس وملعون ابو اى حاجه تانيه اصلا
انت اصلا مش فى البال واهو اديك حد عبيط اديت احساسك ومشاعرك لناس ماتستاهلش والاحساس ده يوجع اكتر لو كان لصديق واكيد لحبيب طبعا بس انا بحس انه يكون اصعب لو لى صديق مايستهلش المشاعر دى او الاحسايس دى وفعلا
نهايته البكااااااااااااااااء وبشده

والبعض نحبهم

فنملأ الأرض بحبهم ونحدث الدنيا عنه

ونثرثر بهم في كل الأوقات

ونحتاج إلى وجودهم ....كالماء ..والهواء

ونختنق في غيابهم أو الابتعاد عنهم


هو ده الحب للى بحبهو لك


والبعض نحبهم

لان مثلهم لا يستحق سوى الحب

ولا نملك أمامهم سوى أن نحب

فنتعلم منهم أشياء جميله

ونرمم معهم أشياء كثيرة

ونعيد طلاء الحياة من جديد

ونسعى صادقين كي نمنحهم بعض السعادة


ده حبك ياامى يااحلى ام فى الدنيا
واللى لما بشوف ضحكتك او حتى بسمتك بحس ان الدنيا ابتسمتلى حتى لو انا فى عز تعبى وشقى
بحبك ياامــــــــــى


5 comments:

MR-BOLICA said...

بصى يا ميرو طبعا انا مش يهمنى كلام جبران على اد ما يهمنى كلامك
انا من قبل ماقراه وانا عارف انك بتحبى اللون الاخضر واتوقعت انوو ده كلامك انتى

حياتنا مش حتقف على تجربه
اينعم هيا صعبه بس ده مش نهايه العالم

واوعدك انك بكره حتقولى دى ذكرى
لازم تقوى نفسك تانى وتقومى
والمهم انك تتعلمى

Bent Men ElZman Da !! said...

عاجبنى الكلام اوى
وعاجبنى فكره انك بتقولى احساس بطريقتك وبكلام جبران خليل جبران
مش حلو ابدا انك تحبى لمجرد انك مايجيش عليكى الوقت وتحسى انك وحيده
الحياه عباره عن فرص
لو خدتى فرصه مش فرصتك
هتحسى انها حاجه جت غلط فى حياتك
انا معاكى ان احساس زباله اوى انك تفضلى تدى لحد وماتاخديش ابدا
بس انا دايما مقتنعه بحاجه
اننا لما ناخد فوق دماغنا ونتوجع هنتعلم ازاى مانسمحش لحد يوجعنا تانى
وربنا يخليلك مامتك يا اميره يارب
البوست حلو اوى

meroooo said...
This comment has been removed by the author.
meroooo said...

ميدو انا بحاول والله العظيم اقوى نفسى بكل اللى بيحصلى واكون ايجابيه بيه بس مش قادره حاسه ان ماعتش ليا قدره وربنا يستر بقى ياريس

meroooo said...

دودو مبسوطه طبعا انه عجبك كلامى بس فى حاجه انه مش لازم نفضل ناخد فوق دماغنا عشان نتعلم اينعم احنا بنتعلم من اخطأنا بس برضه ممكن مع شويه حنيه ومن غير عك فوق الدماغ هنتعلم ولااحنا لازم نتسك عشان نتعلم ههه