Sunday, January 20, 2008

تخاريف بس حسيتها



احيانا..لما بغضب منك
واسيبك او تسيبني وانا قمه في غضبي منك
اروح اسمع الاغاني تخليني مش عايزه اشوفك تاني
ومستحيل هكلمك بعد اللي عملته
بس ساعات وانا اعقده بقلب في التلفزيون بسمع رديو
حد بيغني جمبي اغنيه عن الهجر والبعد وانه مش قادر علي بعد حبيبه
الاقيك ديما قدامي واخاف احسن فعلا تضيع مني رغم اني سمعت الاغاني ولا ميت مره
ولا حركوا فيا حاجه وكنت لمااسمعهم اتعصب بس لما سمعتهم واحنا بنكون زعلانين
قولت لا انا مستحيل احط نفسي في موقف زي ده واني ابعدك عنك
وبعد كده اعقد اتعذب في بعدك واسمع اغاني و اقولك ارجعلي فيها وخليك جمبي
طب وعلي ايه وجع القلب
طب ماانت جمبي ليه اضيعك وبعدين ابكي عليك
بس ساعات العند بينشف دماغي
وبحس اني اعند ست اتخلقت علي وجه الارض
وبستغرب نفسي اني بعد اغنيه سمعتها ميت مره وتيجي تخليني انسي
او اتناسي واعدي اللي كان مخليني مش قادره استحمل وبقول لا مش قادره
تخيلني اتغير في لحظه كده
واعقد اقول لنفسي يانهار هتقدري تتسحملي البعد والوحده
القي نفسي كده زي الطفله جايه جري اترمي في حضنك وانسي كل حاجه
حقيقي في لحظتها بكون ناسيه اي حاجه زعلتني منك
بنسي بعديها وبقول خلاص اكيد هو هيعقد مع نفسه ويقدر ويفهم لوحده
زي ماانت ديما بتطلب ان اللي قدامك يفهم لوحده منغير ماتشرحله
فا اذا كان بقي اتشرحلك واتوضحلك هيكون ايه اكتر من كده عشان تفهمه لوحدك
نفسي بجد تفهمني وعلي رائي جنات

"افهمني حبيبي هتكسبني محتاجه بجد اللي حابيبني وفاهمني"

2 comments:

AHMED SAMIR said...

الاغاني مابنحسهاش الا لما تمس حاجة فينا
ممكن جدا اقعد اسمع اغنية طول عمري وكنت بحبها بس مش حاسسها
انما لما تحسي الاغنية بتكتشفي انها اجمل بكتيـــــــــــــــــر
تحياتي

meroooo said...

فعلا يااحمد زي بابتقول بالظبط زي اللي حصلي الاغنيه بسمعها وبسترخمها بس لما سمعتها لاقيتها لمستني بجد
وتحياتي ليك