Sunday, April 22, 2007

شهوه الحنين



الحنين كلمه كلها حنيه وتفكير
وحيره وتردد
كلنا بنحن لااشياء في حياتنا كنا بنعملها
بنحن لصحبه كنا بنتلم فيها
بنحن لمكان ما كان لينا فيه ذكريات
وبرضه بنحن لحبيب احنا سيبنا اهو مش بتفرق
بس الصعب بقي مع الحبيب انك اوقات كتير مش بتقدر تروحله
لو مكان بتروحله وبترضي شهوه الحنين للمكان
طيب حنينا للحبيب نعمل في ايه
لو قلبنا قالنا نروحله عقلنا وضميرنا يقولنا
حرام وماينفعش انك تروحه لمجرد انك ترضي شهوه حنينه جواك
وكمان مين قال انه لسه منتظرنا وهيقبل اننا بس نشوفه ونكلمه
يارتك كنت مكان او ياريتك كنت صديق
ولكنك كنت في يوم من الايام مااملكه وماتملكني
صعب انني اعود اليك لمجرد الحنين
حتي لو اننا نري بعض لااقدر علي اني اقول اليك
انني في بعض الاحيان اشتاق اليك واحن اليك
وكاننا مازلنا نتبادل الحب والاشعار والكلمات المعسوله
ولكني لااملك شيئ ولا اعرف
ماذا افعل في شهوه الحنين اليك؟
وكل ماافعله اتي اليك لكي اتصافحك واطمئن عليك
ولكنها لم ترضيني ولكني اعتبرها مخدر
لشهوتي حنيني اليك
ولكنني اريدك تعلم انني عندما اتي اليك انه حنين واشتياق
فاانني اتظاهر بانني عاديه جدا معك ولكن قلبي يتلهف اليك
من كثره الحنين اليك
احن اليك ولااعلم لماذا؟
احن اليك رغم البعد واختياره!
احن اليك ولااعلم الي متي ستظل او من سيطفي هذه الشهوه؟
انتهت بيي خاطرتي بحيره واسئله لا توجد لها اجابه
وهذا مايحدث لي ديما عندما احن اليك تنتهي بحيره
وخوف بما سيحدث لي بعد ذلك
هل سيتوقف حنيني ام لأ؟

10 comments:

bado said...

الحنين كميه من الاشواق
يحسها القلب المشتاق
ويغمر بها الاحساس
وتتسابق نبضات القلب لارضاء الحنين
فتقوم ببث النبضات اللى العقل لتحركه الى قبل هذا الحنين والوصول اللى الهدف المطلوب

بجد احساسك فى الخاطره دى وصل اوووى لانه طالع من قلبك
واى حاجه طالعه من القلب بتوصل للقلب على طول

اللى الامام يا تشتى

bado said...

اه كنت هنسى

ارضى حنينك

maioya said...

عجبني البوست جدا
والعنوان نفسه اصلا تحفه
احلي حاجه انك بتكتبي من قلبك
دايما في جوه واحد فينا حنين لاي حاجه
حصلت زمان لو حتي كان ليه معاه ذكري مش كويسه
لو حبيب جرحنا بس بردو بنحن لايامه
وبنفتكر حاجات كتير اوي بيبقي نفسنا نرجع ايامها تاني
بس مش كل حنين لازم نرضي شهوته
ومش مفروض ان احنا نمشي ورا حنينا ده
لانه خلاص فتره راحت وانتهت
والزمن بيتغير ومش ينفع نرجع لورا ابدا
حتي لو كان ورا في ايه
تمام ياميرو
الي الامام زي ماقال بادوووو

Salma said...

احساسك عالي اوي يا اميره في البوست ده

كتير اوي بنحن لحاجات كانت فيوم من الايام بتفكرنا بحاجه حلوه فحياتنا
وغصب عننا بنحن لحاجات ممكن تاثر فينا وحش بس بنحس انها وحشانا لمجرد انها بتفكرنا بحد او اي حاجه

وصعب اوي يعيش الواحد فحنين لحاجه مش قادره تغيب عن باله ولو للحظه حتى ولو في احلامه

بجد كلامك جميل يا ميرو وحسيته بجد

david santos said...
This comment has been removed by a blog administrator.
meroooo said...

اقولك ايه يعني ياتشتي تملي كده تحرجني بكلامك بس انا هرضي حنين وانت كمان ارضيه بسندوتش طعميه اصل نفسي هفاني عليه اوي

ميمو حبيبه القلب والفؤاد
العنوان وصاحبه العنوان تحت امرك ياجميل وانا ماكنتش متخيله انه هيعجبك بس الحمد الله انه عجبك وميرسي ياحبي

سلمتي حبيبه قلبي
بجد انا فرحانه ان اول رد ليكي عندي يكون في حاجه عجبتك وحاستيها ماكنتش متخيله بجد انه ممكن يعجبك بس انا فرحانه وسعيده وزي ماقولتي كل واحد فينا ليه حنين لكلمه لنظره لمكان

وشكرا ليكم

•«ρяoιd»•™ said...

الله عليكي يا ميرا

ايه يا بنتي الإحساس ده كله

كفايه الأسم لوحده

بجد ابداع

شهوة الحنين

و عجبتني قوي الجممله دي

من كثره الحنين اليك
احن اليك ولااعلم لماذا؟

احساسك عالي قوي

ربنا يحميكي يا رب

تحياتي

AHMED SAMIR said...

الحنين بالنسبة للناس العاطفيين هو العذاب يا ميروو
كتير بحن فعلا لاماكن قديمة او اشخاص مايستهلوش او مابيقدروش حبنا ليهم
هتستغربي ان ريحة او بارفان بتثير في نفسي الحنين لذكريات معينة
بالنسبة للحنين لحب قديم...مقدرش افتي في الموضوع دة علشان ماجربتوش
بس ربنا يعينك

meroooo said...

رامي ميرسي علي زوقك وردك الجميل
وسعيده انها عجبتك وانا عارفه انك
استاذ في العناء مع الحنين
نورتني يارامي
*******
مش هستغرب ياسمير لانها واقع انا عايشها ويمكن لحد دلوقتي بس احنا اللي بنخلق الحنين ده ولان اساس الحنين الذكريات واحنا اللي بنخلقها بحلوها ومرها
نورتني ياسمير

حواء said...

موضوع الحنين ده موضوع جميل وبييجى اما بنكون مفتقدين حاجات كتير وبنحن لوجودها فى حياتنا زى الحب والصداقة وزمالة العمل النظيفة ......الخ , تحياتى