قبل ماابداء في اي حاجه انا فكرت في
الموضوع ده كتير قبل مااكتبه
بس دلوقتي خلاص رتبته وهكتبه
وبما اني ابديت بكلمات هبداء بكلمات
الكلمات اللي فيا واللي بتاثر فيا هقولها
بوجه نظري انا وتفكيري انا
اول حاجه هيا
الحب
الحب بالنسبالي كانه طير نادر وجوده في الدنيا
كلنا بندور عليه نفسنا لمسه ونحسه ونحضنه
في منا لقيه وفي منا مش لقيه وفي منا لقي منه جزء منه
لان صعب ان حد يلقيه كله لان مافيش حاجه في الدنيا كامله
لو اعقدت اقول علي الحب واوصفه هو ازاي جوايا
مش هقدر لان لو ايديا وافقتني الحبر والنطق ممكن يخنوني
التردد والقلق
التردد والقلق بالنسبالي وجهان لعمله واحده بالنسبالي
انا عندي تردد في اني ادخل اي علاقه من اي جهه اذا
كانت حب او صداقه وعندي قلق في انها تفشل لان مش عندي استعداد
لده حالا انا بحاول بقدر الامكان احفظ علي اللي قدرت احافظ عليه
ان عارفه ان الفشل وارد وكل حاجه يعني مش لازام اكون متاكده
من نجاحها او فشلها بس انا متردده في الدخول وقلقانه من النتائج
الصراحه والف والدوران
الصراحه عندي اني احترم حدود الاخرين الحمد الله الموضوع ده عندي
عمري ماحولت اجرح حد بالصراحه او الاحساس اللي جوايا
بقولها بس بطريقه الف والدوران علشان مش احرجه
مش بستخدم الف والدوران علي اشياء تانيه مش فيا الحمد الله
وبكره اللي بيعملوني بالطريقه دي واللي بحس او اشك انه بيعملني كده
بعمله بالف والدوران لحد مااعمله الادب صح واعرفه اني مش زي غيري
الطيبه والخبث
انا طيبه والحمد الله كلهم بيقولولي كده بس الصراحه
انا فيا شويه خبث مش شويه صغيرين هما كتير
لاني لما بيكون في دماغي عاوزه اعرف حاجه بعرفها
باي طريقه وافضل طريقه انا بستخدمها هي الخبث
بس والله عن طيبه مش اكتر مش قصدي منها السوء ولا عمري
استخدمها بالسوء مش هكون كدابه واقول اني ملاك
بس في ناس تستهال انك تتعامل معاهم بخبث
بس انا رغم الحته دي فيا بس الطيبه جوايا هيا اللي ديما بتسيطر
الكدب والصدق
الكدب اوف انا بكدب كتير اوي
بس والله كلهم كدب ابيض يعني مش بأذي حد غيري (مع ان ربنا بيحسبنا علي نفسنا برضه) بس يعني مش بحب اللي يكدب عليا لكن انا ممكن اكدب
بس لما بحب حد بتكلم معها من كل قلبي وبصدق
بس لو شميت بس شميت مجرد ان اشم ريحه الكدب
خلاص خلي عرق الكدب عندي يشتغل وهو اصلا بتلكك
هو ده اللي فاكرها دلوقتي فيا من الكلمات اللي فيا
بس صدقوني كل ماهفتكر حاجه فيا هقولها علي طول
هقولها لمريه بتاعتي اللي هي البلوج لانه مش هيكون كده وبس
وانتظروا مني مدونه تانيه بس عن الاشياء
10 comments:
حقيقى انتى مشكله يا ميرو انتى شخص غير عادى كلامك ووصفك ده ميطلعش غير من حد احساسه عالى قوى وده يدل على انك حد مميز وتفكيره عالى ويارب تلاقى الطير الجميل النادر الى كلنا بندور عليه..والتردد والقلق ينسوكى شويه بقى..وتفضلى على طول صريحه وتبطلى لف ودوران (: ويارب على طول طيبه ويبعد عنك الخبثه..ويارب ديما تقبلى الناس الصادقة..وتبطلى كدب بقى (:
مستنى باقى الكلام فى المدونه التانية واكيد حيكون احساسه اجمل من الكلام الجميل ده ..
Thanks for you work, is very good.
The language cannot be an impediment to the of clarification so that a terrorist as Bush can continue to lie
لغة لا يمكن ان يكون عائقا امام توضيح ذلك ان الارهابي بوش ان تواصل الكذب
بوست جميل يا اميرة
واجمل ما فيه الصراحة اللى كاتبه بيها كلماتك
بحيكى على صراحتك
بس بلاش كدب بقى علشان الكداب بيدخل النار ;)
جميل اوى
بس استمرى
ايمن
طول عمرك جامده يا تشتى والجمل ما فى البوست انك قدرتى تعبرى عن حاجات شيفاها من وجهة نظرك وعن حاجات فيكى ميعرفهاش الا القريبين منك بس او تقريبا ناس كتير متعرفهاش بس المهم خليكى زى السهم كده وبلاش لف ودوران وبلااااااااااااااااااااااااااااااش كدب علشان انتى عارفه اللى بيكدب بيروح فيييين....؟ (( اوعى تقولى مارينا :@ )وكفايه قلق يا قلقى
اميره
الكدب مش بيوصل لاى طريق فى النهايه غير ان الانسان يخسر كل حاجه
وكمان يخسر كل اللى حواليه
مينفعش الانسان يطالب الناس تبقى صريحه معاه وهو يكدب حتى لو كان كدب ابيض
لان مفيش حاجه اسمها كدب ابيض وكدب اسود
كله فى النهايه كدب
اتمنى بجد انك مش تكدبى خالص
قولى الصراحه اى كانت النتيجه
وصدقينى حتى لو الناس اتضايقت من صراحتك يكفى انها هتحترمها
زى ما احترمت اعترافك دلوقتى
تحياتى
اموت واعرف مين اللي كان كاتب رد ومسحه ماعلينا نبداء
ميدا: انا مشكله ياميدا تصدق ماحدش مشكله قدك اصلا وعلي العموم انا مش بكدب زي ماانتم متخيلين يعني بس بكدب زيك وزي وزي غيرنا كلنا بنكدب نورتني يامحمد
david santos:
انا مش فاهمه حاجه من حضرتك وايه اللي دخل بوش في موضوع مش عارفه عللي العموم شكرا
روبي:يادي النيله ياجماعه ماكلنا بنكدب مين فينا مش بيكدب واللي هيقول انا يبقي كداب لان مافيش ملايكه عايشه علي الارض واللي بيكدب بيروح مارينا مش النار
raspoutine:
تسلملي وان شاء الله استمر ماحدش يقدر يمنعني
شكرا ليك ياايمن
بادو تشتي: انا قولت بستخدم الف والدوران علشان اغراض انا عاوزه اعرفها وانت عارف انا قد ايه بكره الف والدوران وبعدين اللي يكدب يروح مارينا ياتشتي
ريم: اولا انا شرحت فوق معني كدبي مع ان الكدب مالوش معني بس مافيش حد مش بيكدب ياريمو وزي مافي حب نص نص في كدب ابيض وفي كدب اسود وبعدين مش فاكره كان في حديث ما عن الرسول بيقول ان في كدب ابيض اللي هو بين الزوج والزوجه يعني المجمالات والحاجات دي بين الازواج يعني في كدب ابيض واسود زي مافي حب نص نص وحياتي علي حنيه قلبك تحياتي معليش شكلي وقعت في شرط حماده هلال
وكلكم بجد نورتني واتفضلوا اي حاجه ساقعه سخنه
الكداب بيروح النار مش مارينا
ههههههههههه
واوعى تكونى بتقلبى عيالك كمان يا بت
لا حلو البوست عشان عرفنا مصايب
بس بجد نحترم صراحتك
انا قولت من الاول والله
انك عمتهم وحابسه دمهم
بس اللي يكدب يروح مارينا هبقي اجبلك شويه رمل من هناك يابوبا
تسلميلي يابوبا منوره
Post a Comment