Friday, April 6, 2007

اه ولا.....التاج


اه ولا علشان انا كنت مش لقيه حاجه اقولها

وبعدين محمود اتكلم معايا وقالي ان حبيبه قلبي اللي روح قلبي برضه روبي لا قصدي

رحــــــــــــــاب

انهي سالت سؤال اللي هو


تكلم عن هواية لما بتمارسها بتستغرق فيها تماما ً وتنفصل عن عالم الواقع لفترة من الوقت أثناء ممارستها؟


انا عندي حاجات كتيره اوي بماراسها بس في اللي استمرت وفي اللي لا بس اللي لسه مستمره بجد هي

الكتابه رغم انهم كلهم بيتريقوا علي العربي بتاعي بس ماعلينا ولا بتفرق معايا انا بكتب كتيره اوي انا لو لقيت ورقه لحمه

ممكن اكتب عليها احساسي اي حاجه انا حاسها بكتبها لما بحب اكلم ربنا بكتبله علي ورقه وقلم

ولما بحب اكلم حبيبي اي حاجه فيا بكتبها علي ورقه لما بكون مضايقه مش مظبوطه

في جميع حالتي هتلقيني كاتبه انا في مره بفتش قي ورقي المهمه والغير لقيتني كاتبه علي كل ظهر ورقه

خاطره كامله او كاتبه جملتين فوق في الورقه مش عارفه بجد بعشق الكتابه بس الهوايه اللي انقطعت دلوقتي او بقاله 3 سنين تقريبا هي القراءه وبحاول اعوضها بااني بعمل سيرش علي كتب علي جوجل احيانا يعني مش ديما يعني بحاول ان اي هوايه ليا مش اضيعها لان الهوايه شيئ مهم اوي في حياتنا هي الطاقه اللي بنخرجها بكل صدق وحب

واحيانا برضه عندي هوايه بصدع فيها اصحابي وهي الغناء

واصحابي بقي اللي بحبهم من كل قلبي

رحــــــــــاب

مـــــروه

بــــــــــادو

محمـــود

هبـــه
دندونه

أيـــــه

رغم ان منهم ماكنش انا صديقتهم المفضله بس بالنسبالي هما اصحابي المقربين واللي بثق فيهم

14 comments:

aya mohamed said...

ميرو بجد مبسوطه اوى بهوياتك
واننا مشتركين فى الكتابه والغنا
وفرحانه كمان انى من اصحابك القريبين
ربنا يخلينا لبعض يارب
ويوفقك يا حبيبتى

re7ab said...

ال محمود اداهولى ال
وانتى ما دخلتيش شوفتى ليه
بس خلاص سماح المرادى علشان خاطر محمود
لكن المرة الجاية انتى حره ههههههههههههه
وبجد يا ميرو هوايتك جميلة اوى اوى
احسن حاجة بجد ان الواحد يقدر يخرج اللى جواه
ويكتب ويقول اللى حاسس بيه
للاسف كان نفسى اعرف اكتب انا كمان واقول اللى جوايا
لكن صعبه جدا بالنسبالى
كل تاج وانتى طيبه يا حبيبة قلبى (k)

ody911 said...

مدونتك هايلة وشخصيتك كمان


إكتبى اى حاجة وميهمكيش العبرى وحش ولا حلو

أهو كلو برتقال


وعادى بقة
أودى

AHMED SAMIR said...

فعلا هوايات جميلة ربنا يوفقك
وحلوة قوي حكاية الكتابة على اي حاجة بتقع في ايدك دي...دة انتي على كدة مبهدلة البيت عندك ورق
ياريت تكتبي كتير وتقري كتير
واكون سعيد جدا لو شرفتي المدونة بتاعتي بالزيارة
تحياتي

meroooo said...

يويو حبيبه قلبي انتي اكيد من اصحابي المقربين ليه انتي عندك شك في ده تبقي مجنونه وعايزه تنضربي
بس انتي كمان بتغني مش سمعتيني يعني حاجه اما اشوفك بقي تسلميلي يايويو
********************
والله ياحبي ماشوفت اني من اول الناس اللي يمر عليهم التاج بس محمود هو اللي عرفني وخلاص سامح المره دي
خليكي انتي الكبيره المره دي
بحبك يابنت الايه
*******************
اودي اللي منوراني وتسلميلي ياللي رافعه من روحي المعنويه ربنا يخليكي ليا يارب وعلي رائيك كله برتقال ويوستفندي اصلي بحبه
تسلميلي يااودي
***********************
والله ياسمير تعال شوف البيت من كتر الورق المرمي مني انا امي قربت تشد في شعرها
قربت ايه دي خلاص بتشد في شعرها وبعيد عنك بابا مالوش في الحكايه الكتابه دي وبتخاف عليا احسن يفهمني غلط وتبقي ظلمه وان شاء الله هزورها انا عندي اغلي منك يعني
تسلملي ياسمير

ody911 said...

أنى خاضرة


أنا ولد


عادى بقة
أودى

meroooo said...

معليش سامحني ماكنتش اعرف حقك عليا

ody911 said...

ميرو

ولا يهمك بس عاوز أسألك سؤال


إنتى مسحتى الكومنت بتاعك لية ؟؟؟ من عندى

meroooo said...

لا عادي اصلي كنت كاتبه كلام غلط وقولت امسحه وهكتبه تاني بس نسيت سرحت كنت بتعلم شويه حاجات وسرحت
حقك عليا يااودي

خواطر شاب غاضب said...

كلامك كويس قوي
قوي
بس ياتري لامتي هنفضل كده

•«ρяoιd»•™ said...

الكتابه دي هي اللي بتخلي الواحد يطلع اللي جواه

و طالما من جواه بجد و حاسس بيه و من قلبه

يبقي اكيد هيوصل لكل اللي هيقروه

اللي بيطلع من القلب بيوصل بدون حواجز او قيود للقلب

تحياتي

maioya said...

حلوه الكتابه اوي
ومش لاي حد عنده الموهبه دي
انا بعتبرها نعمه انك قادره تخرجي اللي جواكي
كمان الهوايه التانيه اللي صدعتينا بقي
الغنا صحيح بس صوتك يجي منه بردوه:P
ربنا يوفقك ياميرو
وحشاني يابت انتي مختفيه ليه

heba labeb said...

عارفة انا موضوع الكتابة دة
حتى بتيجى تروحى الكلية مش بتلاقى كشكول تكتبى فية محضراتك مش كدة:p
ارحمى الكشاكيل بقى يا بت
بس بجد حاجةو حلوة اوى ان الواحد يقدر يعبر عن كل الى بيحسة بالكتابة
لان فعلا بتشيل كتير من عليه
وكانة بيفضفض بس مع نفسة
وموضوع الغنا دة انا بنفسى هقدم لك فى ستار اكاديمى5 عشان تطربى الشعب العربى كة:d

meroooo said...

خواطر شاب غاضب: اسمك يخض بس ماعلينا والله انا مش عارفه هنفضل لحد كده لاامته ومش فاهمه سؤالك عن ايه؟
بس اكيد ربنا ليه حمكه في كل حاجه احنا بنعملها شكرا ليك

رامي باشا:عندك حق يارامي كلامك ميه ميه ولا فراخ الجمعيه بجد يعني وبعدين انا وانت مشتركين في الغناء ولا نسيت

ميمو حبي الوحيد(بكدب يارب سامحني)المهم:
تسلميلي ياميمو علي ردك وبعدين انا مش اسعجتك الدور الباقي علي هبه ياعيني اللي الوحيد اللي بتسمعني بعد امي
نورتني ياقمورتي ماتجيبي بوسه يابت

بوبا حبيبه القلب وفلذه كبدي: انتي بتعرفيني من غير مااتكلم احنا بينا عشق اصلا ههههههه المهم انتي بجد هتقدميلي علشان احضر نفسي واشرفك وكده وبعدين تقريبا انتي الوحيده اللي هتصوتيلي وهتسمعيني يابوبا ربنا يخليكي ليا يااوختي
تسلمولي يابنات وياشباب