حاسه ان فيا حاجه اكبر من اني اكتبها
والاحساس ده عندي من 3ايام بالظبط
خرجت من 3 ايام كنت مخنوقه من البيت اللي مش بخرج من ابدا
ومشيت في الشوارع عند بيتنا وبعيد عن بيتنا
لحد ماوصلت للبحر وفجأه لقيته قدامي
اول كلمه قولتها ليه
يااااااااااه يابحر قد ايه وحشتني
مع اني بقالي كتير ماقولتش الكلمه دي وانا حاسها
وانا حاسه بكل حرف من حروفها
وفضلت ماشيه وانا مش حاسه رايحه فين ولا جايه ليه
بس فجأه وماشيه وببص علي البحر والمايه والامواج
لقيت طيور النورس اللي بطير فوق البحر علشان تاكل السمك
لقيت واحده من الطيور دي في وسط الموج
موجه تجيبها وتخليها ماسكه نفسها وواثقه انها مش هتقع ولا تغرق
وفجأه جت موجه خليتها علي الجانب التاني من البحر
هو القلق والخوف والرعب
بس كنت حاسه بواجب ناحيتها لازام اقولها حاجه
كنت عاوزه اقولها انتي اللي بايدك ماحدش هيقدر يقولك حاجه
وحتي لو انا قولتك انتي اللي في الموقف مش انا
مش هشوف زي ماانتي شايفه
وفجأه سكت وسرحت بعيد عن الطير ده
وحاسيت اني كنت بقوله لنفسي مش لطير
وللصدف العيبه وانا برجع بنظري لقيت طير تاني
علي الشاطئ بيجري بعيد عن الموج
واللي حصلي حاجه غريبه اوي برضه
اني وانا ببتسم علي نفسي دمعتي نزلت
ولفيت بظهري ومسحت بايدي دمعتي
وقولت لنفسي انتي اللي في الاخر بتمسحي دمعتك
وانتي اللي بايدك كل حاجه ماتنظريش من حد
اي حاجه وعيشي زي بقيت البنات
ليه شايله هموم الدنيا في دماغك؟
ليه الخوف هو اللي بيحركك؟
اخرجي من الجحر اللي انتي عايشه فيه ده؟
وفي الاخر وزي كل مره لما بروح للبحر
بسيبه بحيره واساله مش لقيه ليها جواب
وفي الاخر بلقي رد
هو الا.........
الصمت
2 comments:
عندك حق
ماكنتش اعرف ان تخاريفي ممكن تعجبك
بس انتي اسمك علي اسمي يبقي اكيد حسيتها
تسلميلي
Post a Comment