Friday, March 2, 2007

معليــــــــــش



معليـــش
قد ايه كلمه صعبه
و
قد ايه كلمه سهله
بس صعبه علي اللي بيسمعها وهو مجروح
وسهله علي اللي بيقولها للمجروح
قد ايه صعبه لما بسمعها بعد اي جرح او موقف
تلقيهم بيقولها كده برود ولا مبالاه
معليش
يااااااااااااااه قد ايه صعبه
لما بعد بتدي بكل احساسك ومشاعرك
وتبقي واهب حياتك لشخص وبعد كده يجرحك
وبعد دا كله تسمع من اللي بيوسيك
واللي جرحك كلمه
معليش
قد ايه بتحس انك ولا حاجه لما بتسمعها
قد ايه بتحس انك كنت بتعيش لهواء
انك كنت بتوهب لهواء
قد ايه صعبه الكلمه دي
وفي الاخر بتكتشف انك برضه انت
بتقولها لنفسك
معليــش ياقلبي...علشان جرحتك اصلي ماعنديش عقل
معليــش ياعمري...ضيعتك في الجري وراء الامل ولكنك كنت بتحصد حزن
معليـــش ياعقلي.....اوقفت عن التفكير عن التركيز علشان في الاخر برضه تحصد كلمه واحده وهي.........
معليـــــــــش

2 comments:

sofinqoraso said...

ياااه يا ميرو
تعرفى ان كلنا على طوول بنقول الكلمة دى بس مش بناخد بالنا
اى حاجة بنقول معلش
كأن معلش دى هى اللى هترجع اللى راح
كلمة ملهاش اى معنى ولا لزوم ومع ذلك بنستخدمها فى معظم الأوقات
مش عارفة لو مكانتش موجودة كنا هنعمل ايه
موضوع رقيق زى صاحبته
بحييكى

meroooo said...

تسلميلي يانونو ومااتحرمش منك ابد
بس بجد كلمه مالهاش لازوم ولا ليها اي معني بس زي ماهي مالهاش لازوم بس علي كده بتجرح اوي لما بتسمعيها
شكرا ليكي يانونو وحشتني وبحبك