كل مره افتح الصفحه علشان اكتب
ومالقيش كلام اكتبه
بحس وانا بكتب الكلام مش موجود
يمكن مش لقيه معني للي جوايا
او مش لقيه ليه كلام اتخلق علشان اكتبه ليه
بس بحاول اني اكتبه وفي الاخر النتيجه بتكون فاشله
بس بدخل علي خواطر اصدقاء كاتبينها او مش اصحابي
بلقي في كلام يشبهني
بس مش ليا مش احساسي مش علشاني
نفسي اخرج كل الاحاسيس اللي جوايا
ومش عارفه اخرجها ازاي
مش لقي حد اخرجله اللي جوايا
او بالمعني اللي جوايا الاصح
خايفه اخرجه لااي حد من اللي حوليا مش يفهمني
او يقلله ولو الاحساس ده وصلني
يبقي الشخص ده قتلني من غير مايحس
انا مش عارفه ليه تملي الخوف هو اللي بيحركني
مش عارفه ليه ديما مسيطر عليا
نفسي اهرب منه بس كل مااحاول الهروب
القيه في هروبي مع ان معني الهروب الخوف
مش عارفه اعمل ايه فيا ولا في خوفي
مليت منه ونفسي يمل مني
6 comments:
دعوة عامة
أدعوكم انا احمد سعيد صاحب مدونة عاوز اتجوز للمشاركة معنا فى المدونة الجديدة والتى يوف تنال اعجابكم
وأدعوكم ايضا للمشاركة معنا فى المواضيع
وجزاكم الله خيرا
www.zawage.blogspot.com
ساعات الواحد مش بيقدر يقول كل اللى جواه
ساعات الكلام بيعجز عن التعبير
بس مش معنى كده ان الانسان يسكت
حاولى تعبرى عن اللى جواكى باى حاجه مش شرط حاجا كاتباهها عبرى عنها باغنيه او بموسيقى
او حتى بضحكه او بدمعه
المهم انك لازم تخرجى كل اللى جواكى مش تحبسيه جواكى كده
وحتى لو ملقيتيش حد يسمعه اكتبيه هنا فى البلوج بتاعك مش لازم بترتيب ومش لازم حد يقراه ومش لازم يكون ليه بمعنى المهم انه يعبر عن كل اللى بتحسى بيه
خلى بالك من نفسك
اول ما الواحد يحس بأن جواه حجات عاوز يقولها ومش عارف بيبقي احساس صعب اوي...كانه متكتف...عشان كدا الورقة والقلم والكتابة بتكون زي طوق النجاة...مش الاغاني ولا الموسيقي هي العلاج....ليس ابدا في الداء دواء
تحياتي لك وعلي موضوعك الصادق
والله يااحمد هشوف وادخل واكيد هتشوف رائي عليكم
&&&&&&&&&&&&&&&&
ريمو فعلا انا ديما بتحصل معايا اني بعجز علي اني اقول اللي جوايا بحس انه اكبر من كلمه بجد بس ساعات ولا اغاني ولا دموع وضحكه بتكفي اللي جوايا
شكرا لمرورك
&&&&&&&&&&&
الراقص مع الذئاب
مش عارفه اقولك ايه بجد انت قولت كل اللي فيها بجد انا فعلا حالي بيكون بورقه وقلم وبخرج اللي جوايا
تسلملي
lovely page, am inviting you to visit mine,,,,
lovely paintings, hope to c u at my page
only for her eyes
ربنا يسهل وازورك وانت برضه
مش تبقي تقطع بينا
Post a Comment