تخاريف

بجد مش عارفه انا ليه كدا
ليه ديما بيحصل كدا
ليه ديما بتفهم غلط
ليه مافيش حد بيصبر عليا
ليه مافيش حد بيطبطب عليا
ليه ديما حاسه اني ضيفه علي كل اللي حواليا
ليه مش حاسه ان ليا كيان يخصني لوحدي
ليه ديما باخد كل خبطه وخبطه علي دماغي ومابقولش بس ولاكفايه
دا زي مايكون بقول لنفسي كمان وكمان
ياتري انا اللي بجيب لنفسي التعب والاحاسيس دي كلها
ولا ايه مش عارفه بجد اخرت اللي انافيه ده ايه
انا حاسه ان ماليش لازمه في حياة اي حد
ماليش اي دور في حياة اي حد
حتي حياتي اللي مش لاقيها مش لاقي لنفسي دور فيها
حاسه اني عامله ادور علي حاجه مش هلاقيها طول عمري
وهفضل كده بدور وبدور منغير فايده
وبعدين ياقلبي معاااااااااااك
وبعدين ياعقلي ياللي محيرني معاااااااك
عايز ايه ياقلبي عايز حد يطبطب عليك
انت ماعرفتش ياقلبي ان ماحدش عنده وقت يطبطب عليك
لان اللي جواك من جروح وخبط علي دماغك هيكون عندهم واحتمال يكون بزياده
اينعم انت مش بتقل علي حد وشهاده اشهد لك بيها
بس مين بقي هيصبر عليك؟؟؟؟؟
بالظبط ..مااااااااااااااافيش
وانت ياعقلي ياللي محيرني
اعمل فيك ايه بس ميت مره اقولك مافيش حاجه هتكون متفصله عليك
ومين قالي انك عايز كده كل اللي بشتكيك ليهم بيقولوا كدا
انت اللي اختياراتك غلط ومهببه بطين وجله وجيباني وراء
ايه رائيك بقي
عجبك كده يعني عجبك اللي انت عامله فيا ده
عجبك انك بتفهم كل حاجه لدرجه خليت كل اللي حواليك يفتكروك
حد خبره زي مابيقوله للاسف مع انك لو صبروا وحاولوا يشوفوا الابعاد التانيه منك
هيكتشفوا انك ولاخبره ولانيله منيله بطين
دا انت اعبط عقل شوفته في حياتي ياعقلي انت بااختياراتك
اي حد يبتسملي خلاص تقولي هو ده
ويطلع خداع وبايع وكداب وبيلعب بالقلوب لعب وكأنها
قرطاس لب بيتسلي بيه وهو اعقد وفاضي
بلا نيله ياعقلي انت وقلبي
هتفضلوا مدهولين كدا لحد امته
اي حد يقولكم كلمه حلوه ولاطيبه او يبتسم في وشكم
تجروا عليه وكأنه طوق النجاه بالنسبالكم
ليه ماعندكمش صبر ايه الصبر نفد خلاص منكم
تعبتم مش كده؟
انا كمان تعبانه قوي زيكم
ماانتم فيا واللي انتم بتعملوا بيجي عليا في الاخر
مش عارفه انا وانتم عايزين ايه
خلاص تعبنا عايزين نرتاح بس الراحه بالطريقه
بتاعتكم وبتاعتي دي هتجبنا وراء بجد
ساعدوني انا عارفه انكم مش قادرين ولاانا كمان
بس ساعدوني بجد حاولوا تصبروا ماتعملوش كدا فيا
براحه عليا واحده واحده وإن شاء الله هنلاقي اللي يفهمنا
ويصبر علينا ويطبطب علينا ويعرف يروادنا بجد

Goodbye

سلاااااااااام
سلااااام ياحب
سلاااام ياعشره
سلام يااشتياق
سلام.. ياايام وياليالي
سلام.. ياعدم تفاهم
سلام ..ياعدم اقتناع
سلام يامنهده
سلام ياعتااااب
سلام ياجراح
سلام ياخصام
سلام ياتسامح
سلام ياتطنيش
سلام ياامبارح
سلام ياالنهارده
سلام يابكره
سلام ياامان
سلام يااستقرار
سلام ياكدب
سلام ياخداع
سلام ياوجع قلبي
سلام ياايام عذاب وجراح وحشه
واهلا بالذكريات

اول امبارح

اول امبارح
كنت اعقده تقريبا في الجنه
وفجأه لاقيت نفسي في النار
الجنه اني كنت اعقده مع حبي
والنار اللي فجأه لاقيت نفسي فيها اني اتقفشت وانا اعقده بكلمه
دا امر طبيعي لاي بنت ولولد يعني
بس بتبقي صعبه علي البنت اكتر
طبيعي برضه اخدت كلمتين حلوين من السيد الوالد
وعدت الليله وداخلت اوضتي
مش عارفه ليه فجأه لاقيت دماغي سرحت بعيد عن كل اللي حصل
اينعم كنت عامله اعيط وبتاع بس لاقيت دماغي بتاخدني
لشريط حياتي كلها اينعم ان حياتي كلها 21 سنه وكام شهر
بس الحمدلله شوفت انا في 21 سنه كتير ولسه هشوف وهشوف
بس لاقيت ال 21 سنه دوال بيعدوا قدام عنيا مع اني بقالي زمن
الاحساس ده او الشريط ده مادرش علي دماغي
بس اكتشفت اني عشت حياتي كلها مجرد ضيفه فيها
بتتشارك في مواقف واشياء كتيره واقدر اقول تالت تربعها داخله فيها
زياده في العدد وماليش علاقه فيها بس كنت بدخل فيها
اذا كنت موافقه او مش موافقه كنت بدخل فيها
ولاقيت نفسي ان مافيش حاجه صممت عليها وحصلت او اخدتها
تملي كنت بتنازل عن الحاجات اللي عايزها عشان خاطر حد تاني
اكيد عزيز عليا وبقنع نفسي ان الامنيه دي اهم من امنيتي
وهكذا استمرت حياتي علي كده بس المسأله مش مسأله ضعف مني
بس اللي هو خلاص مافيش حل او اي طريق امشي فيه غير اني اقنع نفسي
مش هقول اني عشت طفوله معذبه واني ماعشتش مراهقتي بالعكس عشتهم
بس كان ديما في حاجه جوايا بتقولي او بتخليني ديما احس اني اكبر من سني اللي انا فيه واصغر من اللي بيحصل حواليا بس كنت ديما بفهم بسرعه اللي مايتقالش قبل اللي بيتقال ليا بس ديما كنت بفهم بيني وبين نفسي عمري ماظهرت فهمي ده لحد
بعد دا كله اكتشفت ان كان باايدي اختار اني اكون مشاركه بقدرتي وفي اني اشترك ضيفه لتكملت العدد انا اكتشفت اني كنت مختاره اني اشارك فيها ضفيه بس للاسف
اكشتفت ده بعد ماعدت مراحل كتيره من عمري منغير مااعرف اعمل واقف للي كنت فيه او اني اقول رائي واصمم عليه ..بس بتمني من ربنا سبحانه وتعال
ان الشخص اللي انا مصممه عليه دلوقتي وبتمني من كل قلبي ومن ربي انه يتمملي اللي بتمنها معها علي خير ماانصدمش في الاخر لامنه ولا من الظروف
وفي اخر الاعقده الطويله دي اكتشفت ان حبي هو نور حياتي اللي عايشه بيه
ويارب تفضل نور حياتي لااخر يوم في عمرنا مع بعض

تخاريف بس حسيتها

احيانا..لما بغضب منك
واسيبك او تسيبني وانا قمه في غضبي منك
اروح اسمع الاغاني تخليني مش عايزه اشوفك تاني
ومستحيل هكلمك بعد اللي عملته
بس ساعات وانا اعقده بقلب في التلفزيون بسمع رديو
حد بيغني جمبي اغنيه عن الهجر والبعد وانه مش قادر علي بعد حبيبه
الاقيك ديما قدامي واخاف احسن فعلا تضيع مني رغم اني سمعت الاغاني ولا ميت مره
ولا حركوا فيا حاجه وكنت لمااسمعهم اتعصب بس لما سمعتهم واحنا بنكون زعلانين
قولت لا انا مستحيل احط نفسي في موقف زي ده واني ابعدك عنك
وبعد كده اعقد اتعذب في بعدك واسمع اغاني و اقولك ارجعلي فيها وخليك جمبي
طب وعلي ايه وجع القلب
طب ماانت جمبي ليه اضيعك وبعدين ابكي عليك
بس ساعات العند بينشف دماغي
وبحس اني اعند ست اتخلقت علي وجه الارض
وبستغرب نفسي اني بعد اغنيه سمعتها ميت مره وتيجي تخليني انسي
او اتناسي واعدي اللي كان مخليني مش قادره استحمل وبقول لا مش قادره
تخيلني اتغير في لحظه كده
واعقد اقول لنفسي يانهار هتقدري تتسحملي البعد والوحده
القي نفسي كده زي الطفله جايه جري اترمي في حضنك وانسي كل حاجه
حقيقي في لحظتها بكون ناسيه اي حاجه زعلتني منك
بنسي بعديها وبقول خلاص اكيد هو هيعقد مع نفسه ويقدر ويفهم لوحده
زي ماانت ديما بتطلب ان اللي قدامك يفهم لوحده منغير ماتشرحله
فا اذا كان بقي اتشرحلك واتوضحلك هيكون ايه اكتر من كده عشان تفهمه لوحدك
نفسي بجد تفهمني وعلي رائي جنات
"افهمني حبيبي هتكسبني محتاجه بجد اللي حابيبني وفاهمني"

تخاريفي بس عشتها

اعقدت مع نفسي امبارح
واكتشفت اني كنت بتفرج علي حياتي كلها
ايوه بتفرج عليها من بره كاني ضيفه في الحياه وبتفرج
علي اللي بيدور حواليا من مواقف من مشاعرمن كله
لاقيت شريط حياتي كلها بيمر من قدام عنيا
لاقيت نفسي لا بقول علي مواقف لا او آه
اكتشفت اني لو كنت قولتهم ساعتها ماكنش هيقدم ولا هياخر
فجأه وقف شريط حياتي وسالني سؤال
هو انت ليه موقفك اللي كنت هتاخدي في اللي مر من حياتك مش هيقدم ولا هياخر؟
وحسيت بصمت فظيع حاسه بيه جوايا بيدور
قولت لنفسي يمكن عشان اللي حواليا شايفني ضيفه شرف في الحياه
لاقيته بيسالني تاني
وانتي ايه علاقتك باللي حواليكي انتي ذات نفسك ليه ماقولتيش لا او آه علي اللي كنتي بتشوفيه؟
قولته يمكن عشان احساس اللي حواليا اللي وصلني منهم هو اللي اداني شعور
ان رائي او موقفي مش هيقدم ولا ياخر بالنسبالهم وبالنسبالي
انا كده او كده ضيفه والمواقف اللي هاخدها
هاخدها برضه علي مواقف قدامي او تصرفات حد مش عجباني
فا لو قولت هما مش هيسمعهوا او ياخدوا بيها
فا كده او كده برضه رفضي او قبولي لموقف ما مر في حياتي
مش هيزيد ليا ولا اللي قدامي والعكس صحيح
وفجأه ولاقيت دمعه هاديه نزله من عنيا
كأنها بتقولي هي دي حياتك مشيت ببرود كده بدون اي فايده لا ليكي ولا لغيرك
وفي نفس الوقت حسيت انها بتطبطب عليا وبتقولي مش انتي بس
اللي ممكن يكون حاسس بده في غيرك ممكن يكونوا بيقولوا رائيهم ومش بيتسمع بيه
ورجعت للحيره تاني
ياتري اللي يقولوا ولا اللي مايقولش
ياتري انا كده سليمه وانا بتفرج علي حياتي وكأني ضيفه شرف فيها
ولا كنت لازام اقول واخد موقف قبل ما العمر يعدي واحس اني ماعملتش حاجه
اقول رائي اقول لنفسي دا رائي لنفسي مش ليهم
طب ازاي رائي هيكون مفيد لو مااتحققش واتنفذ بيه
مش شرط يتنفذ بس ازاي هعرف انه اتاخد بيه
وتفضلي يانفسي محتاره
مابين ياتقولي
آه ياتقولي لأ
واديني عايشه وانتي عايشه برضه يانفسي

تخاريفي بس حقيقه

احلي حاجه واحلي احساس
انك لما تكون تعبان تلاقي صدر يقدر يشيل همومك
ويتحمل راسك وانتي راميها علي صدره
واصعب شيئ ان الحد ده اللي بترمي راسك علي صدره ده
يكون اول واحد بيقسي عليك
وتحس وتستطعم طعم الاقسوه منه هو
يآآآآآآآآآآآآآآآآآآآآآآآآآآآه
علي ده احساس لما الشخص اللي بتحبه ده يكون هو الاقسوه
احساس غريب اللي يديك الحنان هوهو اللي يديك القسوه بكل مافيها
يحاصرك في منطقه واحده في حياته وفي تفكير واحد
مهما حاولت تخفف من قسوته عليك
مهما حاولت انك تقنعه باانك مش كده وانك ابسط من كده
يبفضل كلامه يلف ويدور حاول الحصار الفكيري والحياتي ده بردو
بتحس انك متكتف مش قادر تتحرك مش قادر تستوعب كل اللي بيدور حواليك
حتي كلامه ليك حتي لو كان فيه حنيه او فيه شيئ من الصدق في انك تفكيرك كويس او اي حاجه من ده بتحس انها مجرد مجمله لانك بترجع عشان ترشحله شيئ جواك
يرجع تااااااااااااني يحاصرك في نفس المنطقه لحد ماتحس انك مسجون
ومش شايف اي طريقه او اي نوع اقناع ممكن تقنعه يبرئك من اللي الحصار اللي انت فيه ده
مش بتلاقي لان اللي قدامك مش سامع ومش شايف غير اللي مقتنعه بيه هو وبس
بس اللي بيكون قاسي ده اكتشفت انه بيكون فيه نسبه الانانيه عااااااااليه قوي
اه ينعم بيكون حنين في بعض الاحيان بس الاقسوه بتظهر الجزء المخفي تحت الحنيه
انا مش قادره استوعب التناقد ده ومش عارفه اتعامل معها
انا عمري مامنعته عن الشيئ اللي بيحبه بس انا برضه علي حد قوله اني بردو من ضمن الاشياء اللي بيحبها
انا عمري ماهقبل اني اكون عقبه في طريقه
بس بردوا عمري ماهقبل بقسوتك دي
ايوه انا بعديها كتييييييير قوي وبجي علي نفسي عشان خاطر حنيتك
بس تاثيرها راح او شبه راح
او بتروح مع قسوتك وجفائك اللي بقي زايد قوي من بعد غيابك
كنت متخيله غيابك ده هيرجعك انسان مليان بالشوق والحنيه
انسان مقدر معني كلامي
كنت فاكره ان غيابك ده والاعقده لوحدك دي
هتكون هي البرائه ليا من الحصار اللي محاصرني فيه
بس اكتشفت انه زوده وبقي اكتر قسوه من الاول
.......حاول تراجع نفسك
دا اخر كلامي من التناقد اللي عايشها معاك

كلمــــــــا

كلما زاد حبي له
كلما زاد عذابي بيه

كلما ازاد عشقي
كلما ازاد الحنين
كلما ازاد الاشتياق
كلما زادت اللهفه
وكلما وكلما
كل هذا واكثر يزيد
من تاهتي وحيرتي
وعذابي وخوفي
كلما اقتربت مني واحسستني بالامان
ازداد ا حساسي بالخوف من البعد والتعب

وكلما احسست انك بعيد
تحولت مشاعري واحاسيسي الي بركان من الآهات
وكلما احسست انك لم تشعر بي
وانك غائب عني وعن حضني
وانك لم تستوعب مايقوله قلبي
تذهب بي الي اراضي بلا امان ولا دفء
اراضي تزيد من برد
جسدي وقلبي وحياتي بااكملها

فلا تذهب بي الي هناك
ولا تتركني هكذا بين حبي وتفكيري