داليا البحيري

النهارده كنت بتفرج ع قناة الحياه
وكان فيها حبيب قلبي يسري الفخراني حد بجد
في وشه كميه سماحه مش ممكنه الصراحه بس ماعلينا من يسري الفخراني
وخلينا في اللي كان مصادفها النهارده...داليا البحيري
انا عمتا ماكنتش بحبها وبحس انها مغروره كده وحد متكبر
مع العلم انها حد في قمه الشياكه جدااا وبتخليني اتنح وانا بتفرج ع لابسها تحفه
المهم ان الاستاذ يسري الفخراني كان مصادفها ع برنامجه اللي في قناة الحياة
المهم اتكلمت في حاجه خليتني احترمها جدااااا وبداء قلبي يحبها لله في الله لانها اتكلمت فيها
من كتر ماهيا عمالالي مشاكل شكيت اني من كوكب تاني اصلا
بس الحمد الله مش انا لوحدي اللي طلعت بفكر كده
انها حد عندها مسأله المواعيد بين الناس ده شئ لازم نقسده ونحترمه
لانه بيدل ع احترامك لنفسك وللي الناس
بجد انا لما سمعتها وهي بتشرح الموضوع ده وبتقوله كأنها انا بالظبط اللي بتكلم
بتحصل بيني وبين كل اللي حواليا مشاكل بسبب الموضوع ده لاني شايفها حاجه مقسده وحاجه
بتدل ع احترامنا لبعضنا وكنت ديما بتهم اني حد غريب وماينفعش اعمل كده
زي مااتهمها يسري في البرنامج وقالها طنشي وكبري ودا العادي ومش عارفه ايه
هي قالته اه بس المفروض اننا نبداء بنفسنا ونكون كده فعلا عشان نقدر نحترم نفسنا وبعضنا
وقالته كمان انها بدائت تلين وطنش شويه بس حاسيت انها مش عارفه زي ماانا كمان مش عارفه
انا مش قادره اطنش مش عارفه ليه انا حاطه نفسي في ميزان بين انك تحترم وقتك وميعادك معايا
وانك بتحترمني وبتحترم نفسك كمان قصاد ده كله مش عارفه ومش قادره اوصل ده للي حواليا
كلهم شايفين ان حاله مختلفه او بالمعني الاصح بقيت في نظرهم حاجه"شاذه" حد غريب
ازاي تقولي اللي انتي بتقوليه ده مش فاهمه هما ليه مش قادرين يفهموا اللي بقوله
فيها ايه لو اتاخرت او حصلك ظرف ما قبل ماتيجي الميعاد تتصل تعتذر تقول
تعرفه وتفهم الشخص التاني اللي منتظرك ده ايه اللي مأخرك عليه مش تطنش بقي
وتسقلعه ع رائي اسامه منير وحاجات كده سخيفه تخليني انا شخصيا الحد ده
يفضل ديما في وضع الاتهام وحد ديما حاسه انه قليل قوي قدامي
بس بجد الموضوع كده ولازم فعلا نتغير ونحترم بعضينا واول حاجه من انواع الاحترام
هو احترامك لمواعيدك مع الناس وزي مابتقولوا كلكم انا اللي بفرض احترامي ع الناس
ازاي هتفرضواا وانت اصلا مش محترم مواعيدك معاهم فين بقي احترامك اصلا اللي انت هتفرضوا علينا
بجد الموضوع ده مستفز قوي ومنتهي الاستفزاز اللي بياخدوا الموضوع عادي وكأنه حاجه عاديه وده
اللي لازم نتعايش عليه لا طبعاااا دا مستحيل لازم نتعايش ع احترمنا لي نفسنا وللي حوالينا

تخاريف

نفسي اهرب من نفسي
نفسي مااكونش اناااا
نفسي انسي ضميري شويه
نفسي اموت كل حاجه حايه جوايا
كل مااسال نفسي ليه انا واصله للمرحله دي
بتقولي عشان خلاص زهقت وقرفت
اقولها يانفسي ماهو ليكي حبيب مالي عليكي الدنيا
قالت لي مش كفايه انا لسه مش متظبطه وعايزه اتغير الاول وبعدين احب
طب يانفسي ماهو الحب التغير الطبيعي لااي حد
قالت لي لا الحب حاجه واني اتظبط حاجه تانيه
طب وايه اللي يخليكي تتظبطتي انك تموتي ضميرك وتبقي كائن بملامح بس من غير روح
قالت لي بالظبط انا عايزه اكون كائن حي بملامح انسان بس من غير روح
طب وحبيبك هتحبيه ازاي قالتي ماهو انتي مش عارفه
قولتها مش عارفه ايه يانفسي ياتاعباني معاكي
قالت لي ماهو انا هطلع ضمير وكل شيئ حي جوايا
واديهوله هديه بمناسبه انه دق علي قلبي اللي كانت نبضاته من قلت مابدق كان قريب يموت
وهعيش بملامحي بس عشان علي الاقل اقدر اشوفه بيها لكن روحي هسكنها في روحه
عشان مايقدرش يهرب مني لانه لو ماكنش موجود في نفسي كان كل اللي قولته هيموت بجد
لانه با ايديه احياهم وبا ايديه يموتهم بمنتهي السهوله
قولتها يااااااااه يانفسي انتي لدرجاتي بتحبيه
قالت لي خلاااص الكلمه دي بقيت قديمه قوي اللي جوايا بقي اكبر من سؤال
اذا كنت بحبه او لدرجه دي بحبه
بقي شيئ ملكني ولمسني ومراقبني ومدفيني ومببردني في بعده
قولتها بس انا حاسه ان جواكي لسه في حاجه مش كامله رغم كل اللي بتقوليه ده
قالت لي فعلااا انا حاسه برضه ان في حاجه ناقصني
قوتلها ايه؟...
قالت لي يمكن
قولتها يمكن عشان مش قادرين نلمسه عشان مش حاسين بنفسه بيدفينا بقربه
قالت لي بس حتي ده يمكن يكون جزء من شيئ تاني مش عارفه امسكه
قولتها انتي مش قادره تلمسيه او تمسكيه اومال مين اللي هيمسكه
قالت لي انتي مش مساعداني؟؟
قولتها ازاي يعني؟
قالت لي اول مره احس انك بتهربي مني
قولتها.............