سالني نفسك في ايه؟
قوتله نفسي تضمني
قالي رغم اللي بينا؟
قوتله رغم اللي بينا
قالي بس انا جرحتك؟
قوتله انا كمان جرحتك
رجع وسالني تاني نفسك في ايه؟
قوتله نفسي اسمع صوتك وانت بتقولي بتحبني
قالي انتي هتجنني؟
قوتله ماهو الحب ايه غير جنون
قالي انا مابقيتش فاهمك؟
قوتله هكدب عليك لو قوتلك اني فاهمه نفسي
قالي طب تعالي جنبي؟
قوتله بص جنبك هتلاقيني
قالي فين وانت بعيده عني؟
قوتله يبقي انت شايفني بعيونك اللي بره شوفني بعيون قلبك هتلاقيني جنبك
قالي طب خليكي هنا وراجع علي طول؟
قوتله ماتسبنيش
ماسمعش كلامي ومشي برضه
رجع تاني وسالني
نفسك في ايه؟
قوتله نفسي ماتسبنيش لحظه
قالي ماانتي سيبتني كتير؟
قوتله سيبتك كانفس بس كاقلب مقدرش يبعد عنك
قالي انتي كدابه؟
قوتله انا مش كدابه انا بس غبيه
قالي غبيه؟
قوتله اه غبيه عشان مش بعرف اقدر الحاجه الا لما تروح مني
قالي انا كمان كدا مش بعرف اقدر الحاجه الا لماتروح مني
بس انتي كنتي معايا وجنبي وحاسس بقيمتك بس ماعرفتش احافظ عليه
قوتله كلنا اغبياء في الحب
قالي بحبك لما بتكوني فليسوفه
قوتله انا بحبك لما بتضمني
وصحيت من حلمي وانا مبتسمه لا اول مره بعد بعدنا
2 comments:
ايه ده كله..؟؟
انا جرحتك - وانا كمان جرحتك
بص جنبك هتلاقينى - ازاى وانتى بعيده عنى
خليكى هنا وراجع على طول ومشى ورجع ومسمعش الكلام
متسبنيش لحظه - ما انتى سبتينى كتير
انتى كذابه - انا مش كذابه انا غبيه
(( مفيش فرق بين الكدب والغباء ماهو الكدب غباء))
بيحب فلسفتك وانتىبتحبيه لما يضمك
---------------------------
نقطه ومن اول السطر :D
كلامك ده يا مرامر فكرنى بحاجه كده غريبه شويه
لو تسمعى عموره بيه دياب وهوه بيغنى
احبك اكرهك اولع بس فيكى ولا اعمل فيكى ايه
هتلاقيها نفس كلامك بالظبط
كلمات الاغنيه عكس بعضها
وانتى كلامك عكس اجاباتك
يعنى انا شايف انه كله ضد بعض
زى ما تقولى كده بتردوها لبعض اللى ضربنى اضربه واللى سرقنى اسرقه ويا انا يا انت
فى جواكى بير كبير اووى بس مليان ظلام
كل ما ترمى نفسك جواه تطلعى بحاجه عكس التانيه لانك مش شايفه ايه اللى جوه البير علشان تختارى منه
وفى نفس الوقت تعبتى من نزولك البير كل شويه
زمان فى واحد اشترى حته ارض بس المشكله انه مكانش ينفع يبنى عليها بيت
عارفه ليه
علشان كانت الارض دى حفره عميقه اوووى
قعد يحاول بكل طاقته انه يردمها علشان يبنى البيت اللى بيحلم بيه
انما موقفش جنبها يتحسر عليها
انتى اعملى زيه اردمى البير وابنى على انقاضه حياه جديده فيها كل حاجه حلوه
وخلى بالك
بعد ما تردمى البير هتبنى من جديد بس فى النور مش ضلمه زى بطن البير :)
بص يااحمد اولاً ميرسي علي ردك جداا وعلي متابعتك ليا
ثانيا وده الاهم عمرك شوفت حلم في حياتك يااحمد ماشي زي بعضه مش كله تناقدات دا لو فرضنا اصلا ان في كلامي تناقدات عمتا ياسيدي دا رائيك وعلي عيني وراسي وميرسي ليك قوي
Post a Comment