اييييييييييييييييييه اللي انا بعمله ده؟
واييييييييه اللي بهببه ده
عاييزه منه ايه
بتحنني قلبه عليكي ليه
مع انك عارفه ومتاكده رجعكم بقي شبه مستحيل
ولو حصل والقدر لعب لعبته معاكم ورجعكم تاني
هترجعي تاني لنفس الموايل ولاهتقولي زي زمان
لا ماانا هرجع بشروطي وبقواعد تانيه جديده
طب مادا كان بيحصل زمان ولاانتي ولاهو كنتم بتلتزموا بيها
وهترجعي تاني لوجع القلب معها وترجعي تاني تستنيه وتحطي ايدك علي خدك
وترجعي تاني للعياط والبكاء
ماتقوليش بقي اكيد دلوقتي اتغير واكيد لما حس اني ضيعت من ايديه هيتغير
وهيحاول بقدر الامكان يحافظ عليكم من تاني
تبقي بتضحكي علي نفسك يانفسي
بجد اللي انا بعمله ده بجد هبل وعبط وهعلق نفسي انا تاني
هو مالوش ذنب ولاانا كمان ليا ذنب
بس خلاص حاسه ان اللي انا بعمله ده
بجد حرام عليا مش هينفع انا لازام ابعد عنه
انا لازام ابطل اكلمه زي مابكلمه
مش عايزها ينجرح تاني بسببي ولاانا كمان
مش عايزه تاني نتعب بعض ونيجي علي بعض
بجد حاسه ان اللي جوايا من ناحيته بقي اعمق من كلمه حب ممكن تتقال في ساعه صفا
او كلمه حنيه في ساعه مصالحه بعد خنائقه كبيره زي ماكان بيحصل
مع العلم اني مشتاقه لكل ده بس بجد ماينفعش
خايفه عليه وخايفه علي نفسي
والخوف الاكبر والاعمق اني اخسره
بسبب تهور او احتياجي ليه
نفسي يجرب يبعد عني ونفسي انا كمان ويحصل ده بجد
ولو في اللحظه دي بجد مقدرناش علي البعاد يبقي ساعتها
اللي جوانا اقوي واعمق من اي حاجه ممكن تحصل من تفاهات بينا
بس لو حصل العكس يبقي اللي جوانا ده مجرد احتياج كل واحد منا لتاني مش اكتر ولااقل
وانا مش عايزه احتياج اكتر ما انا عايزه عمر جديد يبقي بينا
زمن وحياه وكياااااااان كامل نبينه بجد وبكل مافيه من
جد وهزار وحب وتعب وغيره وكل حاجه كل حاجه
بس بالمنظر ده هبقي بضحك علي نفسي وعليه
يبقي من الاحسن اني افضل كدا
لااقرب ولاابعد
7 comments:
أجمل ما فيكي يا meroooo
البساطة والرومانسية ..أسلوبك سهل وجميل وعباراتك رقيقة والبوست بتاعتك راقية وشيك ....علشان كده ما استغربتش لما لقيت رباعيات عمنا صلاح جاهين .. و الصور شديدة العذوبة ....تحياتي
أجمل ما فيكي يا meroooo
البساطة والرومانسية ..أسلوبك سهل وجميل وعباراتك رقيقة والبوست بتاعتك راقية وشيك ....علشان كده ما استغربتش لما لقيت رباعيات عمنا صلاح جاهين .. و الصور شديدة العذوبة ....تحياتي
أجمل ما فيكي يا meroooo
البساطة والرومانسية ..أسلوبك سهل وجميل وعباراتك رقيقة والبوست بتاعتك راقية وشيك ....علشان كده ما استغربتش لما لقيت رباعيات عمنا صلاح جاهين .. و الصور شديدة العذوبة ....تحياتي
ميرو
ازيك؟
من زمان مفيش بوست جديد ومن زمان مش شاركتي بتعليقاتك المتميزة في المدونة عندي
بصي يا ميرو
لا كرامة في الحب...بس طبعا دة كان في حالة ان الطرف التاني بيقدر ذلك
لابد من استفتاء القلب في المواضيع اللي زي كدة
قلبك هو دليلك
تحياتي
طبعا انتى عرفانى كويس
وهتعرفى اكتر من كلامى
انا شايف ان انتى اللى المفروض تتغيرى
نفس احساسك ده حصل ما بينى وبينك
وبينك وبين ناس تانيه كتير
دايما الانسان بيشوف نفسه صح
وقليل اووى لو شافله خطأ
بيحس ان احساسه دايما صح
بس طالما الحاله اتكررت اكتر من مره
ليه متحاوليش تغيرى من جواكى ولو شويه حاجات سواء كانت بسيطه او قليله
المهم انك تحسى بتغيير او راحه او تفاهم مع الشخص التانى
مش لازم الشخص اللى تختاريه يكون المثالى
او يكون فارس الاحلام
ممكن يكون مش مواصفات اللى انتى بتحلمى بيه
بس فيه شويه حاجات بتحبيها
متتمنيش الروح والشكل والفلوس والسرعه والانتاج والاخلاق والحنيه والدلع و و و و كله مع بعض مينفعش
بس فى عشره وتعود
بصى حواليكى هتلاقى ناس بتحب بعض ومشاكلهم موجوده بس ميقدروش على بعد بعض
منهم مخطوبين ومنهم متجوزين ومنهم ومنهم لابسين دبل من ورا اهلهم
انا عارف انك من النوع اللى بيقعد مع نفسه كتير اووى وبيحاسب نفسه قبل النوم
علشان كده بقولك فكرى فى كده
فى مثل بيقول خد اللى بيحبك ومتاخدش اللى انت بتحبه
فكرى فى كده كويس
واكيد هرجع اشوف ردك واعرف عرفتينى ولا لا :D
ملحوظة كلبوظة :
فى ناس بتدخل ترد هنا تقول الله يا سلااااام كلام جميل وحشانا والله كتاباتك ياريت يكون ليهم رد فعال فى الكلام اللى مكتوب وتوجيه لامور صحيحه وخبرات قديمة ولا بلاش خبرات هنقول تجارب
يااااااااااااااما يابادو ماتخيلتش انك هترد عندي واكيد عارفك ياتش عيب عليك علي فكره انا عمتلك ادد تاني بس تقريبا انت مابتدخلش وبعدين صحيح مش انت قوتلي ارجعي اكتبي اديني بسمع الكلام اللي عمري ماسمعته:>
سمير مبروك ياعمونا علي الجواز بكره تبقي بابا بقي والحياه هتبقي هيصه عندك
رائد بجد كلامك اخجلني الصراحه تسلم ربنا يخليك ويارب تفضل ديما تزورني كدا
Post a Comment